तुझा सिनेमा कोण बघणार? केआरकेच्या प्रश्नाने हिना खानची सटकली
By ऑनलाइन लोकमत | Published: February 3, 2020 01:52 PM2020-02-03T13:52:50+5:302020-02-03T13:56:25+5:30
हिना खानने घेतला केआरकेचा क्लास
तुझा सिनेमा कोण बघणार? केआरकेच्या प्रश्नाने हिना खानची सटकली
Next बिग बॉसची स्पर्धक राहिलेल्या हिना खानचे करिअर सध्या यशाच्या शिखरावर आहे. हिनाचा ‘हॅक्ड’ हा सिनेमा लवकरच प्रेक्षकांच्या भेटीस येणार आहे. नुकतीच हिना ‘बिग बॉस 13’मध्ये या चित्रपटाच्या प्रमोशनसाठी पोहोचली. तिचे हे प्रमोशन एका व्यक्तीला चांगलेच खटकले. ती व्यक्ती कोण तर कायम वादग्रस्त ट्वीट करून चर्चेत राहणारा केआरके अर्थात कमाल आर खान. ट्वीटरवर तो हिनाची टर उडवताना दिसला.
‘हिना खानसोबत चित्रपट बनला, हे ऐकून मला प्रचंड आश्चर्य वाटले. हिनाचा सिनेमा कोण बघणार? मला 100 टक्के खात्री आहे की, हिना एकटीच तिचा सिनेमा बघणार,’असे डिवचणारे ट्वीट केआरकेने केले.
I got shocked to know that someone has made a film with #HinaKhan! Who will watch it? I am 100% sure that it will be watched by alone Hina Khan only! #BB13#BiggBoss13
— KRK (@kamaalrkhan) February 2, 2020
केआरकेचे हे ट्वीट वाचून गप्प बसणार ती हिना कुठली? तिनेही त्याच्या या ट्वीटला खरमरीत उत्तर दिले. ‘कुठलेही कारण नसताना एकमेकांना कमी लेखणे योग्य नाही. मी तुझ्यासाठी कुठलेही महत्त्व ठेवत नाही. पण आज इथपर्यंत पोहोचण्यासाठी मी खूप कष्ट घेतले आहेत,’असे हिनाने लिहिले.
#LetsLiftEachOther
— SAM #NoWhereToHide (@eyehinakhan) February 2, 2020
Instead of putting each other down for no reason.. I may not matter to u but I have worked my A** off to reach where I am today.. #AppreciationOrNoAppreciation#FromTelevisionToFilms#TelevisionHasItAll#WeDeserveAChanceToo
हिनाच्या या ट्वीटनंतर अभिनेता करणवीर बोहरा हाही तिच्या बाजूने मैदानात उतरला. त्यानेही केआरकेचा चांगलाच क्लास घेतला. ‘केआरके भाई, तुझ्याबद्दल लोक काहीही बोलोत, पण तुझे हजारो फॉलोअर्स आहेत, हे खरे आहे. आम्हाला कुठलाही गॉडफादर नाही. पण उराशी असंख्य स्वप्न आहेत. हिना खान तिच्या हिंमतीवर इथपर्यंत पोहोचली आहे,’ अशा शब्दांत त्याने केआरकेला सुनावले.
‘हॅक्ड’ चित्रपटात सॅमची कथा रेखाटण्यात आली आहे. एक 19 वर्षांचा मुलगा हिनाच्या प्रेमात पडतो. ती त्याचे प्रेम नाकारते आणि हा मुलगा सूडाच्या भावनेने पेटून उठतो. तिचे सोशल अकाऊंट हॅक करून तो कसा सूड घेतो, हे या चित्रपटात दाखवण्यात आले आहे.