Latest Crime News | Crime Marathi News | Latest Crime News in Marathi | क्राइम: ताज्या मराठी बातम्या

लोकमत न्यूज नेटवर्क, मीरारोड - समाजमाध्यमांवर हस्तरेखा तज्ञ अशी जाहिरात करून प्रत्यक्षात जादूटोण्याने ग्रहदोष काढतो सांगून एका महिलेवर बळजबरी करत तिचे आक्षेपार्ह्य फोटो - व्हिडीओ व्हायरल करण्याची धमकी देणाऱ्या भोंदू बाबास मीरारोडच्या नया नगर पोलिसांनी अटक केली आहे . त्याच्या मोबाईल मध्ये अन्य महिलांची छायाचित्रे देखील आढळून आली असून २०१९ साली सुद्धा नया नगर पोलीस ठाण्यात त्याच्यावर बलात्काराचा गुन्हा दाखल आहे . फेसबुक वर हस्तरेखा तज्ञ अशी जाहिरात पाहून एका महिलेने कौटुंबिक त्रासातून मार्ग काढण्यासाठी मीरारोडच्या शांती नगर सेक्टर १० मधील विनोद पंडित ऊर्फ संतोष जगन्नाथ पोद्दार ( वय ५५ वर्षे ) याच्याशी संपर्क साधला होता . आपल्याला जादूटोणा , काळी विद्या अवगत असून त्याचा वापर करून पत्रिकेतील राहुदोष दूर करतो . कौटुंबिक वाद दूर करून देतो असे पोद्दार याने महिलेस सांगितले . त्या बहाण्याने त्याने तिच्यावर जबरदस्तीने नैसर्गिक आणि अनैसर्गिक शारीरिक अत्याचार केले . शरीर संबंधा वेळचे महिलेचे आक्षेपार्ह्य फोटो - व्हिडीओ तिच्या नकळत काढून ते तिला व्हॉट्सअप वर पाठवत समाज माध्यमांवर व्हायरल करण्याची आणि जीवे मारण्याची धमकी दिली . तिला तो सतत तसे मॅसेज करत असे . १० डिसेम्बर २०२० ते ११ एप्रिल २०२४ ह्या काळात पोद्दार याने महिलेचे लैंगिक शोषण करून तिला ब्लॅकमेल करत होता . अखेर पीडितेने नया नगर पोलीस ठाण्यात फिर्याद दिल्यावर ८ मे रोजी पोलिसांनी गुन्हा दाखल करून पोद्दार ह्याला अटक केली . त्याच्या मोबाईल मध्ये अन्य महिलांची सुमारे ४० ते ५० छायाचित्रे सापडली असून पोलीस मोबाईल सह त्याचा संगणक वा लॅपटॉप असल्यास त्याची देखील तपासणी करणार आहेत . पोद्दार याच्यावर २०१९ साली देखील नया नगर पोलीस ठाण्यात बलात्कार , आयटी ऍक्ट सह महाराष्ट्र नरबळी आणी इतर अमानुष अनिष्ट व अघोरी प्रथा उच्चटन करणे अधिनियम नुसार गुन्हा दाखल आहे . वरिष्ठ पोलीस निरीक्षक विलास सुपे यांच्या मार्गदर्शनाखाली पोलीस निरीक्षक अब्दुल हक देसाई हे तपास करत आहेत . सदर ढोंगी बाबाने कोणाची फसवणूक वा अत्याचार केला असल्यास त्यांनी तक्रार देण्यासाठी पुढे यावे असे आवाहन पोलिसांनी केले आहे.

Crime (Marathi News)

जगताप यांना पुढील उपचारासाठी मुंबई येथे हलविण्यात आले आहे. ...

कल्याण पूर्व परिसरात एका नामांकित महिला डॉक्टरचे क्लिनिक आहे. या क्लिनिक परिसरात एका टपरी आहे. ...

अटकेतील चोरटे रेल्वे प्रवाशांचे सामान चोरत होते. ...

Prajwal Revanna Case : या प्रकरणी कोणतीही पीडित महिला तक्रार करण्यासाठी आली नाही, असे राष्ट्रीय महिला आयोगाने म्हटले आहे. ...

मीरारोडच्या नया नगर पोलिसांनी अटक केली आहे . ...