Pimpri Chinchwad Municipal Election Results 2026 Marathi News | पिंपरी चिंचवड महापालिका निवडणूक निकाल २०२६ मराठी बातम्या | PCMC Elections 2026 Latest News & Live Updates in Marathi | PCMC Election 2026 Winners List | Pimpri Chinchwad Mahanagar Palika Nikal 2026 | पीसीएमसी निवडणूक निकाल २०२६

पिंपरी : भाजपच्या सत्ताकाळात महापालिकेत दडपशाही वाढली. चुकीच्या कामांवर जबरदस्तीने सह्या करून घेतल्या. फायलीवर सही नाही केली तर दमदाटी केली जाते. त्यामुळे अधिकारी स्वेच्छानिवृत्ती घेत आहेत. २०१७ मध्ये चुकीचे बटन दाबून चूक केली होती, त्या चुकीची पुनरावृत्ती करू नका असे आवाहन उपमुख्यमंत्री अजित पवार पिंपरी-चिंचवड येथे प्रचारसभेत केले आहे. भोसरीतील आमदारांच्या कार्यालयाजवळ शीतलबाग पादचारी पुलाचे काम सुरुवातीला सत्तर लाखाला दिले होते. पण तो पूल पूर्ण होईपर्यंत सात कोटीपर्यंत खर्च कसा जातो? या पुलावरून एक माणूस जात नाही. त्यातून कोणाचे भले झाले हेही बघितले पाहिजे. त्यामुळे त्यांच्या हातातून सत्ता काढून घ्या, असा घणाघात त्यांनी भाजपच्या स्थानिक आमदारांवर यावेळी केला. पवार म्हणाले की, पिंपरी-चिंचवडला नऊ वर्षांत या वाईट प्रवृत्तींनी दृष्ट लावली. धनश्री कन्स्ट्रक्शन कंपनीची उलाढाल बघा. शहरातील ७० टक्के सीसीटीव्ही कॅमेरे बंद आहेत. त्या कामांमध्ये २५० कोटींचा चुराडा केला आहे. तो पैसा करदात्यांच्या आहे. हरित सेतू प्रकल्पाला प्रचंड विरोध आहे. त्यांना हरित सेतू करायला कोणी सांगितले? शहराची विस्कटलेली घडी बसविण्याची आता गरज आहे.टीडीआर, एसआरए घोटाळे कोणी केले?पवार म्हणाले की, रस्ता सफाई करणाऱ्या महिलांना रात्रीतून काम लावले जाते. मात्र, शहरातील कचरा उचलला जात नाही. त्यातून फक्त बिले उचलली जातात. कंत्राटदारांचे भले केले जाते. कुत्र्यांच्या नसबंदीसाठी सात कोटी रुपये यांनी खर्च केले तरीही कुत्र्यांना पिल्ले का होतात? टीडीआरचा आणि एसआरएचा घोटाळा केवढा मोठा आहे! कुदळवाडीतील साडेचार हजार अतिक्रमणे पाडली. त्यातून उद्योजक देशोधडीला लागले. त्यातून चर्चा करून मार्ग काढला जाऊ शकला असता. मात्र, तसे न करता थेट कारवाई करण्यात आली. त्याला कोण जबाबदार?शहरात दहशत वाढलीपवार म्हणाले की, शहरातील कार्यकर्ते मला भेटतात. दहशत असल्याचे सांगतात. त्यामुळे या शहराची शांतता धोक्यात आली आहे. आता निवडणुकीच्या तोंडावर तिकडे गेलेल्यांना मी विचारले तर त्यांचे उत्तर, ‘आर्थिक अडचणीत सापडलो असल्यामुळे तिकडे जात आहोत’, असे येते. त्यांनी आधीच नऊ वर्षे महापालिका लुटून खाल्ली आहे. आता त्यांना हे साथ द्यायला हे चालले आहेत.

Pimpri Chinchwad Municipal Election Results 2026 | पिंपरी चिंचवड महानगरपालिका निवडणूक निकाल २०२६, मराठी बातम्याFOLLOW

Pimpri chinchwad municipal corporation election, Latest Marathi News

पिंपरी -चिंचवड :प्रचार सुसाट..! शेवटच्या टप्प्यात उमेदवारांची प्रचारासाठी मिनी मॅरेथॉन; दिवसाला दहा किमी पायपीट

पिंपरी -चिंचवड :निकाल २२ फेऱ्यांत; तर गुलाल पाच तासांत; आठ केंद्रांवर होणार मतमोजणी

- प्रत्येक केंद्रावर प्रभागनिहाय व्यवस्था करण्यात आली असून, प्रत्येक प्रभागासाठी स्वतंत्र टेबल्स असणार आहेत. ...

पिंपरी -चिंचवड :भोसरीत सत्तर लाखांचा पूल ७ कोटींपर्यंत कसा जातो? अजितदादांचा सवाल, लांडगेंवर पुन्हा निशाणा

पिंपरी -चिंचवड :टीकाकारांची पात्रता पाहूनच प्रतिक्रिया; सुपारीबाजांकडे दुर्लक्ष; अजित पवारांचा पुन्हा घणाघात

टीका एका कानाने ऐकायची आणि दुसऱ्या कानाने सोडून द्यायची, असा सल्ला उपमुख्यमंत्री अजित पवार यांनी येथे दिला. ...

पिंपरी -चिंचवड :PCMC Elections 2026: ‘होम पीच’वर कसोटी..! आमदार आणि खासदारांच्या प्रभागात गुलाल कोणाचा ?

पिंपरी -चिंचवड :भाजप-राष्ट्रवादीच्या नेत्यांचे आराेप-प्रत्याराेप म्हणजे ‘नुरा कुस्ती’; सुषमा अंधारे यांची टीका

पिंपरी-चिंचवड महापालिका कुबेराची खाण आहे, त्यामुळे सत्तेतीमधील दाेन पक्ष भांडत आहे. ...

पिंपरी -चिंचवड :पिंपरी-चिंचवडमध्ये नवा ‘केजीएफ’..शहरात दोन ‘गरुडा’; रोहित पवारांची भाजप आमदारांवर टीका

PCMC Election 2026 शहरातील कार्यकर्ते मला भेटल्यावर दहशत असल्याचे सांगतात. त्यामुळे या शहराची शांतता धोक्यात आली आहे ...