कलर्स मराठी वाहिनीवर नुकतीच शुभमंगल ऑनलाईन ही मालिका दाखल झाली आहे. या मालिकेत सायली संजीव आणि सुयश टिळक मुख्य भूमिकेत आहेत. या मालिकेला प्रेक्षकांचा चांगला प्रतिसाद मिळतो आहे. नुकतेच या मालिकेतील अभिनेता गुरू दिवेकर लग्नबेडीत अडकला आहे. त्याने ही माहिती सोशल मीडियावर फोटो शेअर करून दिली आहे. 


गुरू दिवेकरचा १९ ऑक्टोबर रोजी पुण्यात अभिनेत्री मधुरा जोशीसोबत विवाह बंधनात अडकला आहे. या सोहळ्याला मोजके नातेवाईक आणि मित्र मंडळी उपस्थित होते.

गुरू आणि मधुरा यांनी एकत्र काही मालिकेत काम केले आहे. सोनी मराठी वाहिनीवरील हर्षद अतकरी आणि गौतमी देशपांडे यांची प्रमुख भूमिका असलेल्या सारे तुझ्याचसाठी या मालिकेत या दोघांनी काम केले आहे. 


मधुरा श्रीमंता घरची सून या मालिकेत दिसणार आहे. ही मालिका २६ ऑक्टोबर पासून सोनी मराठी या वाहिनीवर प्रसारित होणार आहे.

मधुरा उत्कृष्ट गायिका असून ती कथक विशारदही आहे.  

प्रसिद्ध कोरियोग्राफर रेमो डिसुजाच्या डान्स प्लस ३ या शोमध्ये ती सहभागी झाली होती. 

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: The actor in 'Shubhamangal Online' is stuck in marriage, his wife is also an actress

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.