पुणे: म्हाडाच्या सोडतील राज्य निवडणूक आयोगाने नाकारली परवानगी; आता फेब्रुवारीतच जाहीर होण्याची शक्यता
पुणे : पुणे गृहनिर्माण व क्षेत्रविकास मंडळाने (म्हाडा) विविध योजनांसाठी काढलेल्या सुमारे सव्वा चार हजार घरांची सोडतीला महापालिका निवडणुकीच्या आचारसंहितेचा फटका बसला असून सोडत काढण्यास राज्य निवडणूक आयोगाने अखेर परवानगी नाकारली आहे. या सोडतीतून होणाऱ्या घरांचे वाटप लकी ड्रॉ पद्धतीने केले जाणार असल्याने स्थानिक नागरिक प्रभावित होऊ शकतात, यासाठी ही सोडत स्थानिक स्वराज्य संस्थांच्या निवडणुकीची आचारसंहिता संपल्यानंतर जाहीर करावी, असे आयोगाने स्पष्ट केले आहे.
02 Jan 2026
पुढे वाचा
पुणे: देशात ३१५ लाख टन, तर राज्यात १०० लाख टन साखरेचे उत्पादन, राज्यातील हंगाम समाप्तीकडे
पुणे : यंदाच्या ऊस गाळप हंगामाच्या सुरुवातीला देशात ३५० लाख टन, तर राज्यात ११० लाख टन साखरेचा अंदाज व्यक्त करण्यात आला होता. मात्र, आता हे एकूण साखरेचे उत्पादन अनुक्रमे ३१५ आणि १०० लाख टन होईल, असे चित्र आहे. राज्यात आतापर्यंत ९८.८७ लाख टन, तर देशात २७१ लाख टन उत्पादन झाले आहे. राज्यात पुढील १० दिवसांत गाळप हंगाम संपण्याची शक्यता आहे. देशातून यंदा सात ते आठ लाख टन साखर निर्यात, तर ३१ लाख टन साखर इथेनॉलकडे वळविली जाणार आहे.
बीड: वर्षभरानंतर सतीश भोसले उर्फ 'खोक्या' कारागृहाबाहेर; न्यायालयाकडून निर्दोष मुक्तता...
भाजप आमदार सुरेश धस यांचा कार्यकर्ता सतीश उर्फ खोक्या भोसले वर्षभरानंतर कारागृहाबाहेर आला आहे. बीड जिल्ह्यातील शिरूर कासार येथे ढाकणे पिता-पुत्र मारहाण प्रकरणात तो मागील वर्षभरापासून कारागृहात होता. यातील एका प्रकरणात न्यायालयाने त्याची निर्दोष मुक्तता केली असून, इतर गुन्ह्यांमध्ये जामीन मंजूर झाल्याने त्याच्या सुटकेचा मार्ग मोकळा झाला आहे.
पुणे: जेजुरीत चैत्र पौर्णिमा यात्रेला भाविकांची गर्दी; येळकोटच्या जयघोषात गड दुमदुमला.
जेजुरी गडावर चैत्र पौर्णिमा यात्रेनिमित्त खंडोबा दर्शनासाठी भाविकांची मोठी गर्दी झाली. 'येळकोट येळकोट जय मल्हार'च्या घोषणांनी गड परिसर दुमदुमला. उष्णता आणि परीक्षा असूनही भाविकांनी दर्शनासाठी गर्दी केली.
पुणे: बदलीनंतरही शाळेत हजर नाहीत ६३ शिक्षक; कारवाईऐवजी रजा मंजुरीचा प्रकार चर्चेत
जेजुरी : हवेली तालुक्यातील ३४ गावे पुणे महानगरपालिकेत समाविष्ट झाल्यानंतर त्या भागातील शाळांमधील सुमारे ४२० शिक्षकांचे दुर्गम भागातील शाळांमध्ये समायोजन करण्यात आले होते. मात्र, बदली झालेल्या तब्बल ६३ शिक्षकांनी तीन महिन्यांपासून संबंधित शाळांवर हजेरीच लावली नसल्याचा धक्कादायक प्रकार समोर आला आहे.
पुणे: आंबेगाव तालुक्यात अवकाळी पावसाचा तडाखा; पिकांसह वीटभट्ट्यांचे मोठे नुकसान
मंचर : आंबेगाव तालुक्यात गुरुवारी दुपारी सोसाट्याच्या वाऱ्यासह झालेल्या अवकाळी पावसाने जनजीवन विस्कळीत केले असून, शेतमालासह वीटभट्ट्यांचे मोठ्या प्रमाणावर नुकसान झाले आहे. दुपारी तीनच्या सुमारास तालुक्यात मुसळधार पावसाला सुरुवात झाली. कळंब, अवसरी, लौकी, चांडोली, श्रीक्षेत्र वडगाव-काशिंबेग आदी गावांमध्ये विजांच्या कडकडाटासह पावसाने जोरदार हजेरी लावली.
आंतरराष्ट्रीय: भारत-पाकिस्तानच्या पडद्याआड चर्चा सुरू! 'ट्रॅक-2' बैठकीत दोन्ही देश आमनेसामने, कारण काय...
पहलगाम येथे झालेल्या दहशतवादी हल्ल्यानंतर भारत आणि पाकिस्तानमधील संबंध तणावपूर्ण असले तरी, अनौपचारिक स्तरावर, म्हणजेच ट्रॅक-2 (बॅक चॅनेल) चर्चा सुरू असल्याची माहिती समोर आली आहे. फेब्रुवारी 2026 मध्ये कतारची राजधानी दोहा येथे भारत आणि पाकिस्तानी प्रतिनिधींमध्ये एक अनौपचारिक बैठक झाल्याचे वृत्त आहे.
पुणे: जिल्हा परिषदेत चारही सभापती बिनविरोध; ‘समन्वयातून जिल्हा परिषद ब्रँड’चा निर्धार
पुणे : जिल्हा परिषदेच्या चार विषय समित्यांच्या सभापतिपदासाठी झालेल्या निवडणुकीत सर्व चारही पदाधिकारी बिनविरोध निवडून आले. समाजकल्याण सभापतिपदी जितेंद्र बडेकर, महिला व बालकल्याण सभापतिपदी अंकिता पाटील, तर उर्वरित दोन सभापती म्हणून दीपाली हुलावळे आणि अमोल नलावडे यांची निवड करण्यात आली. तब्बल चार वर्षांनंतर या पदांवर नव्या पदाधिकाऱ्यांनी विराजमान होताच जिल्हा परिषदेत राजकीय समन्वयाचे चित्र पाहायला मिळाले.
पुणे: Crime News: आळंदीत संशयातून घडला दुहेरी खून; आरोपी ५ तासांत जेरबंद
आळंदी - तीर्थक्षेत्र आळंदी परिसरातील केळगाव-हनुमानवाडी येथील ठाकरवाडी भागात घडलेल्या चिमुरडीसह वृद्धेच्या दुहेरी हत्याकांडाचा पोलिसांनी अवघ्या पाच तासांत उलगडा करत आरोपीला अटक केली आहे. या घटनेमुळे परिसरात मोठी खळबळ उडाली होती. या प्रकरणी विनायक तुकाराम भवारी (वय ३२, रा. सिन्नर) याला आळेफाटा येथून ताब्यात घेण्यात आले. त्याने सहा वर्षीय धनश्री केदारी आणि तिची देखभाल करणाऱ्या ७९ वर्षीय मंगल शिंदे यांच्या हत्येची कबुली दिली आहे.
व्यापार: युद्धाचा तडाखा : डिझेलच्या दरात मोठी वाढ, उद्योगांना फटका
इंडियन ऑईल, बीपीसीएल आणि हिंदुस्थान पेट्रोलियम यांसारख्या सरकारी ऑईल मार्केटिंग कंपन्यांनी मध्य पूर्वेतील युद्ध आणि कच्च्या तेलाच्या वाढत्या किमतींमुळे इंडस्ट्रियल डिझेलच्या दरात मोठी वाढ केली आहे. हे वाढलेले दर बुधवार, १ एप्रिलपासून लागू झालेत. २८.२२ रुपये प्रति लिटरच्या या वाढीमुळे इंडस्ट्रियल डिझेल आता २५ टक्क्यांहून अधिक महाग झालंय.
व्यापार: वॅक्सिन किंग म्हणून प्रसिद्ध; पूनावालांनी खरेदी केलं १६७ कोटींचे पेंटिंग
भारतातील दिग्गज उद्योगपती सायरस पूनावाला पुन्हा एकदा चर्चेत आले आहेत. याचं मुख्य कारण म्हणजे त्यांनी केलेली एक ऐतिहासिक खरेदी. त्यांनी प्रसिद्ध चित्रकार राजा रवि वर्मा यांचं ‘यशोदा आणि कृष्ण’ हे दुर्मिळ पेंटिंग सुमारे १६७.२ कोटी रुपयांना विकत घेतलंय. आज पूनावाला यांचं नाव केवळ श्रीमंतीपुरतं मर्यादित नसून, भारताला लसीकरणाच्या बाबतीत जगाचे ‘पॉवरहाऊस’ बनवणारे उद्योजक म्हणून घेतलं जातं.
पुणे: पुण्याच्या रस्त्यांवर अवकाळीच्या लाटा..! शहरातील रस्ते जलमय, अनेक ठिकाणी पाणी शिरले
पुणे : शहर आणि परिसरामध्ये गुरुवारी दुपारनंतर झालेल्या जोरदार अवकाळी पावसाने विजांच्या कडकडाटासह पुणेकरांची दाणादाण उडवली. तासाभराच्या तुफानी पावसाने पुण्यातील रस्ते पाण्याखाली गेले. जणूकाही समुद्राच्या लाटाच उसळत आहेत, अशीच स्थिती रस्त्यांवर पहायला मिळाली.
पुणे: परिस्थिती नियंत्रणात येईपर्यंत कार्यालय सोडू नका; महापालिका आयुक्तांचे अधिकाऱ्यांना आदेश
पुणे : अवकाळी पावसाच्या काळात अतिवृष्टी, पाणी साचणे, पूरस्थिती आदी आपत्कालीन परिस्थिती उद्भवलेली आहे. त्यामुळे सर्व संबंधित अधिकारी व कर्मचाऱ्यांनी परिस्थिती पूर्णपणे नियंत्रणात येईपर्यंत मुख्यालय सोडू नये, असे आदेश महापालिका आयुक्त नवल किशोर राम यांनी दिले आहेत.
फिल्मी: संजय दत्तच्या रेस्टॉरंटमध्ये जिवंत माशाचं कॉकटेल, सोशल मीडियावर संताप
काही दिवसांपूर्वीच संजय दत्तने त्याच्या मित्रासोबत 'अल्ता स्टेला' नावाचं रेस्टॉरंट-बार सुरू केलं होतं. जिवंत मासा असलेलं कॉकटेल या रेस्टॉरंटमध्ये दिलं जातं. ज्याचा व्हिडीओ सोशल मीडियावर व्हायरल झाल्यानंतर संताप व्यक्त केला जात आहे. 'एबिसु कॉकटेल' नावाच्या या ड्रिंकमध्ये जिवंत मासा असतो आणि वरच्या बाजूला आग लावली जाते. 'अल्ता स्टेला' रेस्टॉरंटच्या सोशल मीडियावरुन शेअर करण्यात आलेल्या कॉकटेलच्या व्हिडीओमध्येही हे ड्रिंक दिसलं होतं.अनेकांनी कमेंट करत यावर आक्षेप घेतला आहे. याशिवाय 'अल्ता स्टेला' रेस्टॉरंटमध्ये डेकोरेशनसाठीही टेबलावर जिवंत मासे ठेवण्यात येत असल्याचं काहींनी म्हटलं आहे. यानंतर संजय दत्तच्या रेस्टॉरंट मेन्यूमधून 'एबिसु कॉकटेल' हे ड्रिंक काढून टाकण्यात आलं आहे.
आंतरराष्ट्रीय: इराणचा पूल उद्ध्वस्त; ट्रम्प यांचा इशारा: समझोता करा, अन्यथा गंभीर परिणाम.
ट्रम्प यांनी इराणमधील पुलावरील हल्ल्याचा व्हिडिओ जारी करत समझोत्याचा इशारा दिला. इराणने हल्ल्यांचा निषेध केला, तर इस्रायल आणि आखाती देशांवर क्षेपणास्त्रे डागली. तेलाच्या पुरवठा मार्गांवर तणाव वाढला.
व्यापार: OTP चं टेन्शन संपणार! SIM बदलताच बँक खातं होणार ब्लॉक
देशातील मोठ्या खाजगी बँका आणि टेलिकॉम कंपन्या आता वन-टाइम पासवर्ड (OTP) हटवण्याच्या तयारीत आहेत. त्याऐवजी दोन्ही मिळून एका 'सायलेंट ऑथेंटिकेशन मेकॅनिझम'वर काम करत आहेत. ही एक प्रकारची बॅकग्राउंड तपासणी आहे. याद्वारे तुमच्या मोबाईलमध्ये तेच सिम आहे का, जे तुमच्या बँक ॲपशी जोडलेलं आहे की नाही तपासण्याचं काम केलं जाईल.
क्रिकेट: IPL 2026 : KKR च्या बालेकिल्ल्यात SRH ऑरेंज आर्मी ठरली भारी! ईशान किशनचा कॅप्टन्सीतील पहिला विजय
IPL 2026, KKR vs SRH : कोलकाताच्या ईडन गार्डन्सच्या मैदानात सनरायझर्स हैदराबादने कोलकाता नाईट रायडर्सला ६५ धावांनी पराभूत करत यंदाच्या हंगामातील पहिला विजय नोंदवला. अभिषेक शर्मा, ट्रॅविस हेड आणि हेनरिक क्लासेन यांच्या दमदार खेळीच्या जोरावर हैदराबादच्या संघाने कोलकातासमोर २२७ धावांचे लक्ष्य ठेवले होते. या धावांचा पाठलाग करताना कोलकाताचा संघ १६१ धावांत आटोपला.
आंतरराष्ट्रीय: "दररोज कोलांटउड्या मारणं बंद करा"; धरसोड भूमिकेवरून फ्रान्सचे राष्ट्राध्यक्ष मॅक्रॉन यांनी डोनाल्ड ट्रम्प यांना सुनावले
मागील काही दिवसांपासून अमेरिकेचे अध्यक्ष डोनाल्ड ट्रम्प करत असलेली विधाने सगळ्यांनाच बुचकळ्यात पाडत आहेत. ट्रम्प यांच्या सततच्या कोलांटउड्यावरून फ्रान्सचे राष्ट्राध्यक्ष इमॅन्यूएल मॅक्रॉन यांना आपला संताप आवरता आला नाही. 'दररोज आपल्याच विधानांनाविरोधात बोलणं चालू शकत नाही', असे मॅक्रॉन ट्रम्प यांना म्हणाले.
राष्ट्रीय: महिला आरक्षणावर चर्चा करणार, संसदेचे ३ दिवसीय विशेष अधिवेशन?
महिला आरक्षणावर चर्चेसाठी संसदेचे विशेष अधिवेशन होण्याची शक्यता आहे. यामुळे लोकसभेच्या जागाही वाढण्याची शक्यता आहे. मात्र विधानसभा निवडणुकीपूर्वी राजकीय खेळी असल्याचा आरोप विरोधकांनी केला. महिला आरक्षण कायदा लागू करण्यासाठी आणि जनगणनेशी संबंधित मतदारसंघ पुनर्रचना करण्यासाठी दोन विधेयके आणण्यात येत आहे. त्यासाठी सरकार विरोधी पक्षांशी वाटाघाटी करत आहे. ज्यामुळे लोकसभेच्या जागा ५४६ वरून ८६१ पर्यंत वाढतील
आंतरराष्ट्रीय: NATO सोडणं हे धमकी देण्याइतकं सोपे? अमेरिकेला मोजावी लागेल किंमत
अमेरिकेचे राष्ट्रपती डोनाल्ड ट्रम्प यांनी १ एप्रिल २०२६ रोजी नॉर्थ अटलांटिक ऑर्गनाइजेशन म्हणजेच NATO मधून बाहेर पडण्याची धमकी दिली आहे. यापूर्वीही अनेक वेळा ट्रम्प यांनी अशाच धमक्या दिल्या आहेत, परंतु त्यापैकी एकाचीही अंमलबजावणी झालेली नाही, कारण अमेरिकेसाठी नाटोमधून बाहेर पडणे केवळ एक पत्रकार परिषद किंवा ट्विटची बाब नाही. यामुळे जागतिक महासत्ता म्हणून अमेरिकेची प्रतिमा धोक्यात येऊ शकते.
क्रिकेट: IPL मध्ये 2 वर्षांची बंदी असलेला 'हा' स्टार फलंदाज PSL मध्ये खेळणार; बंदीचे कारण काय?
पाकिस्तान सुपर लीग (PSL) मधील इस्लामाबाद युनायटेड संघाने इंग्लंडचा स्टार फलंदाज हॅरी ब्रूकला आपल्या संघात सामील केले आहे. झिम्बाब्वेचा वेगवान गोलंदाज ब्लेसिंग मुजरबानी याने IPL मध्ये कोलकाता नाईट रायडर्सचा करार मिळाल्यानंतर PSL मधून माघार घेतली होती. त्याच्या जागी आता हॅरी ब्रूक संघात दाखल झाला आहे.
राष्ट्रीय: इराणवरील हल्ल्याची पंतप्रधान मोदींना आधीच कल्पना होती? केंद्र सरकारचा मोठा खुलासा; जाणून घ्या...
Iran War: पंतप्रधान नरेंद्र मोदी यांच्या अलीकडील इस्त्रायल दौऱ्यानंतर इराणवर झालेल्या हल्ल्याबाबत भारताला पूर्वकल्पना होती का, या प्रश्नावर केंद्र सरकारने स्पष्टीकरण दिले आहे. परराष्ट्र राज्यमंत्री कीर्ती वर्धन सिंह यांनी सांगितले की, इराणवरील हल्ल्याबाबत इस्त्रायलने भारताशी कोणतीही पूर्व चर्चा केली नव्हती आणि या कारवाईची माहिती भारत सरकारला आधीपासून नव्हती.
आंतरराष्ट्रीय: 7.7 लाख कोटी खर्च करूनही NASA चे अंतराळवीर चंद्रावर पाऊल ठेवणार नाहीत; कारण काय?
अमेरिकेची अंतराळ संस्था नासाने (NASA) आपले महत्त्वाकांक्षी आर्टेमिस II मून मिशन यशस्वीरित्या लॉन्च केले असून, यातून चार अंतराळवीरांनी फ्लोरिडा येथून अंतराळाकडे उड्डाण केले आहे. सुमारे तीन वर्षांच्या प्रशिक्षणानंतर अंतराळवीरांना या मोहिमेसाठी पाठवण्यात आले आहे. हे 10 दिवसांचा मिशन अनेक कारणांनी महत्त्वाचा मानले जात आहे. विशेष म्हणजे अंतराळवीर चंद्राभोवती फेरी मारतील, मात्र चंद्रावर उतरणार नाहीत.
व्यापार: होर्मुझ बंद झाल्याने १७८ अब्ज डॉलर्सचा व्यापार धोक्यात! 'या' वस्तुंच्या किमती वाढणार? सरकारची स्पष्टोक्ती...
Middle East Crisis: मध्यपूर्वेतील तणावाचा भारताच्या अर्थव्यवस्था, ऊर्जा सुरक्षा आणि व्यापारावर गंभीर परिणाम होण्याची शक्यता सरकारने व्यक्त केली आहे. केंद्र सरकारने या परिस्थितीचा क्षेत्रनिहाय आढावा घेतला असून, अनेक महत्त्वाच्या उद्योगांवर याचा थेट परिणाम होऊ शकतो, अशी माहिती वाणिज्य मंत्रालयाने दिली आहे.
आंतरराष्ट्रीय: "अमेरिकेची जगात नाचक्की होत नाही आणि शरण येत नाही, तोपर्यंत युद्ध लढणार", इराणने ट्रम्प यांना ललकारले
अमेरिकेला संबोधित करताना अध्यक्ष डोनाल्ड ट्रम्प यांनी इराणला बेचिराख करण्याची भाषा केली. ट्रम्प यांच्या या धमकीनंतर इराणनेही युद्धातून माघार घेणार नसल्याचे सांगत दंड थोपटले आहे. अमेरिकेची जगात नाचक्की होत नाही आणि शरण येत नाही, तोपर्यंत युद्ध सुरूच राहणार, असा इशारा इराणने गुरुवारी (२ एप्रिल) दिला आहे.
राष्ट्रीय: जर असे कृत्य केले तर...; राजनाथ सिंह यांचा शेजारील राष्ट्रांना इशारा
मध्य पूर्वेत सुरू असलेल्या युद्धात भारताचा एक शेजारील देश चुकीचं कृत्य करू शकतो. परंतु जर असे काही झाले भारताची प्रतिक्रिया अत्यंत कठोर आणि निर्णायक असेल. ऑपरेशन सिंदूर अद्यापही जारी आहे अशा शब्दात संरक्षण मंत्री राजनाथ सिंह यांनी पाकिस्तानला फटकारलं आहे. सैन्य पूर्णपणे सतर्क आहे. भारत मध्य पूर्वेतील युद्धाकडे बारकाईने लक्ष ठेवून आहे असं राजनाथ सिंह यांनी म्हटलं.
पिंपरी -चिंचवड: भाच्याच्या बुटावरील डागामुळे 'क्ल्यू' मिळाला अन् मामाच्या खुनाचा गुन्हा उघडकीस आला...
पिंपरी : बेवारस मृतदेहाची ओळख पटविली असता, एका तरुणाच्या दूरच्या मामाचा मृतदेह असल्याचे समोर आले. माझ्या मामाला कोणी मारले, असा प्रश्न उपस्थित करत तरुणाने पोलिसांकडे चौकशीची मागणी केली. मात्र, त्याच्या पांढऱ्या बुटावर लाल ठिपका दिसला. त्यावरून संशय बळावला आणि पोलिसांनी तपासाची चक्रे फिरवली. तो ठिपका म्हणजे रक्ताचा डाग असल्याचे समोर आले. त्यावरून क्ल्यू मिळाला अन् खुनाच्या गुन्ह्याची उकल झाली.
सखी: उन्हाळ्यात छतावरील टाकीतील पाणी थंड ठेवण्याचे ८ सोपे उपाय...
प्लास्टिकची टाकी दिवसभर उन्हात राहिल्यामुळे तिचं रूपांतर एका नैसर्गिक 'गीझर' मध्ये होतं. पण दरवर्षी हा त्रास सहन करण्याची गरज नाही. काही साध्या आणि स्वस्त ट्रिक्सच्या मदतीने आपण ऐन उन्हाळ्यातही टाकीतील पाणी थंडगार ठेवू शकता.
फिल्मी: 'रामायण'मधील तो मुस्लिम अभिनेता; एक-दोन नाही, ११ भूमिका साकारल्या, आज काय करतो?
भारतीय दूरदर्शन इतिहासातील सर्वाधिक लोकप्रिय मालिका म्हणून ओळखल्या जाणाऱ्या रामानंद सागर यांच्या ‘रामायण’ने अनेक कलाकारांना प्रचंड लोकप्रियता मिळवून दिली. अरुण गोविल आणि दीपिका चिखलिया यांना तर प्रेक्षकांनी अक्षरशः डोक्यावर घेतले. मात्र या मालिकेत एक असा कलाकार होता, ज्याने एक-दोन नव्हे तर तब्बल ११ वेगवेगळ्या भूमिका साकारल्या, तरीही त्याला हवी तशी प्रसिद्धी मिळाली नाही. हा कलाकार म्हणजे अभिनेते असलम खान.
सखी: एका पायावर उभं राहून 'असा' ओळखा तुमचा फिटनेस....
फिटनेस म्हणजे फक्त दिसणं नाही, बॅलन्स महत्त्वाचा! एका पायावर उभं राहून स्थिरता तपासा. वयपरत्वे वेळ बदलतो; 10 सेकंद तोल न सांभाळल्यास आरोग्यास धोका संभवतो. सरावाने बॅलन्स सुधारतो, मेंदूही ॲक्टिव्ह राहतो.
पुणे: ना केंद्र सरकारला फिकीर, ना राज्य सरकारला..! कोणत्याही सुरक्षेविना राबताहेत ५ लाख कामगार
पुणे : वेगवेगळ्या डिजिटल प्लॅटफॉर्मवर काम करणारे राज्यात ५ लाख कामगार आहेत. कोणत्याही सामाजिक सुरक्षेविना हे कामगार दररोज जीव धोक्यात घालून काम करत आहेत. त्यांच्यासाठी सातत्याने कायदा करण्याची घोषणा करणाऱ्या केंद्र सरकारचा कायदा कागदावरच राहिला आहे. केंद्र कायदा करणार आहे म्हणून राज्य सरकारने असलेला कायदा मागे घेतला आहे.