सातारा लोकसभेसाठी २४ जणांचे ३३ अर्ज, आज छाननी 

उमेदवारी अर्ज भरण्याच्या शेवटच्या दिवशी १६ अर्ज दाखल

सातारा : सातारा लोकसभा मतदारसंघासाठी उमेदवारी अर्ज भरण्याचा आजचा शेवटचा दिवस होता. १२ ते १९ एप्रिल हा उमेदवारी अर्ज भरण्याचा कालावधी होता. शुक्रवारी अर्ज भरण्याच्या शेवटच्या दिवशी १६, तर शेवट्या दिवसा अखेर एकूण २४ उमेदवारांनी ३३ उमेदवारी अर्ज दाखल केले. अर्जाची छाननी दि. २० रोजी होणार आहे, तर अर्ज मागे घेण्याची मुदत दि. २२ एप्रिलपर्यंत आहे.

सातारा येथील जिल्हा निवडणूक अधिकारी यांच्या दालनात शुक्रवारी शेवटच्या दिवशी मोठ्या संख्येने अर्ज दाखल झाले. सातारा लोकसभेसाठी उदयनराजे भोसले भाजप, वैशाली शशिकांत शिंदे (शरदचंद्र पवार राष्ट्रवादी काँग्रेस ), आनंदा रमेश थोरवडे, कऱ्हाड यांनी बहुजन समाज पार्टी, तुषार मोतलिंग, कळंबे यांनी बहुजन मुक्ती पार्टी, प्रशांत रघुनाथ कदम, रा. वडगाव (उंब्रज), ता. कराड (वंचित बहुजन आघाडी) यांनी उमेदवारी अर्ज भरले तर अपक्ष म्हणून सीमा पोतदार पुसेसावळी, प्रतिभा सुनील शेलार, सातारा, विठ्ठल सखाराम कदम, रा. जोर, पो. वयगाव, ता. वाई, विश्वजित अशोक पाटील, रा. उंडाळे, ता. कराड, मारुती धोंडीराम जानकर, सातारा, अभिजित वामनराव आवाडे-बिचुकले सातारा, सचिन सुभाष महाजन, रा. बुध, ता. खटाव, सदाशिव साहेबराव बागल, रा. गोवे, ता. सातारा, गणेश शिवाजी घाडगे, रा. शिबेवाडी (कुंभारगाव), ता. पाटण यांनी नामनिर्देशनपत्र दाखल केले.

तसेच यापूर्वीही शशिकांत शिंदे, ( शरदचंद्र पवार राष्ट्रवादी काँग्रेस ), उदयनराजे भोसले भाजप, दिलीप बर्गे भारतीय जवान किसान पार्टी, दादासाहेब वसंतराव ओव्हाळ रिपब्लिकन पार्टी ऑफ इंडिया, सयाजी वाघमारे बहुजन रिपब्लिकन सोशालिस्ट पार्टी पक्ष, आनंदा रमेश थोरवडे बहुजन समाज पार्टी यांनी उमेदवारी अर्ज दाखल केले. अपक्ष म्हणून राहुल चव्हाण, सागर भिसे, निवृत्ती शिंदे, चंद्रकांत कांबळे, संजय गाडे, सुरेशराव कोरडे यांनी उमेदवारी अर्ज दाखल केले आहेत. अनेक उमेदवारांनी एकापेक्षा जास्त नामनिर्देशन अर्ज दाखल केले आहेत. छाननी व अर्ज माघारीनंतर लढतीचे लढतीचे चित्र स्पष्ट होईल.