PMC Election Results 2026: पुण्याच्या बिबेवाडीत भाजपचा डंका! प्रभाग २० मध्ये 'कमळ' फुलले; गौरव घुलेंनी राखली राष्ट्रवादीची लाट

PMC Election Results 2026 प्रभाग क्रमांक २० मध्ये भारतीय जनता पक्षाने वर्चस्व गाजवले आहे. या प्रभागातील चार जागांपैकी तीन जागांवर भाजपने विजय मिळवला आहे

पुणे: पुणे महानगरपालिका निवडणुकीचा पहिला अधिकृत निकाल हाती आला असून, प्रभाग क्रमांक २० (शंकर महाराज मठ - बिबेवाडी) मध्ये भारतीय जनता पक्षाने वर्चस्व गाजवले आहे. या प्रभागातील चार जागांपैकी तीन जागांवर भाजपने विजय मिळवला आहे, तर एका जागेवर राष्ट्रवादी काँग्रेसने मुसंडी मारत भाजपला रोखले आहे. 

पुणे - पिंपरी चिंचवड महापालिका निकालाचे लाईव्ह अपडेट

विजेत्या उमेदवारांची यादी: १. राजेंद्र शिळीमकर (भाजप) - विजयी २. तन्वी दिवेकर (भाजप) - विजयी ३. मानसी देशपांडे (भाजप) - विजयी ४. गौरव घुले (राष्ट्रवादी काँग्रेस) - विजयी

महेंद्र सुंदेचा यांचा पराभव

 या प्रभागात सर्वात मोठी धक्कादायक घडामोड म्हणजे राष्ट्रवादी काँग्रेसचे गौरव घुले यांनी भाजपचे दिग्गज उमेदवार महेंद्र सुंदेचा यांचा पराभव केला आहे. भाजपची या प्रभागात क्लिन स्वीप (४-०) करण्याची संधी हुकली असली तरी, तीन जागा जिंकून भाजपने बिबेवाडीत आपला गड कायम राखला आहे.

पुण्यातील स्थिती

प्रभाग २० मधील या विजयामुळे भाजप कार्यकर्त्यांमध्ये प्रचंड उत्साहाचे वातावरण असून पुण्याच्या इतर प्रभागांमध्येही भाजप सध्या अनेक ठिकाणी आघाडीवर आहे. मात्र, राष्ट्रवादी काँग्रेसच्या गौरव घुले यांच्या विजयाने महाविकास आघाडीनेही (MVA) भाजपच्या बालेकिल्ल्यात सुरुंग लावल्याचे स्पष्ट झाले आहे.