Photos : प्रेम करूया खुल्लम खुल्ला...! अन् मीडियासमोरच सुरु झाला एजाज खान व पवित्रा पुनियाचा रोमान्स

बिग बॉस 14 चे स्पर्धक पवित्रा पुनिया आणि एजाज खान एकमेकांच्या प्रेमात आकंठ बुडाले आहेत. खुल्लम खुल्ला प्यार करेंगे हम दोनों... म्हणत, हे कपल फिरत आहे.

काल एजाज व पवित्रा एका बर्थ पार्टीला आले. पार्टीत दोघांनीही अगदी डॅशिंग एन्ट्री घेतले आणि मग मीडियासमोरच एकमेकांवर प्रेमाचा वर्षाव करताना दिसले.

यावेळी एजाजने कोणाचीही पर्वा न करता पवित्राच्या गालावर किस केले.. कधी तिच्या डोळ्यात बघत तर कधी तिला मिठी मारत त्याने प्रेम व्यक्त केले.

यावेळी दोघांच्या मॅचिंग कपड्यांनीही लक्ष वेधून घेतले. एजाजने यावेळी ब्लॅक अ‍ॅण्ड व्हाइट फ्लोरल शर्ट घातला होता तर पवित्राने व्हाईट कलरचे सिल्व्हर शिमरी जॅकेट व सोबत ब्लॅक ट्राऊजर कॅरी केला होता.

एजाज व पवित्रा बिग बॉसच्या घरातच एकमेकांच्या प्रेमात पडले होते. दोघांनीही एकाचवेळी बिग बॉसच्या घरात एन्ट्री घेतली होते.

बिग बॉसच्या घरात दोघांत अनेकदा वाद झालेत आणि तसेच प्रेमही बहरले. काही आठवड्यानंतर पवित्रा घरातून आऊट झाली. त्यानंतर एजाजला पवित्रावरच्या प्रेमाची जाणीव झाली होती.

एजाज खान हा ‘काव्यांजली’ या टीव्ही शोमुळे नावारूपास आला होता. पुढे ‘तनु वेड्स मनु’ या सिनेमातही तो झळकला.

कुछ ना कहो, मीराबाई नॉट आऊट, जिला गाजियाबाद, लकी कबुतर, शोरगुल, अपस्टार्ट या सिनेमातही त्याने भूमिका साकारल्या.