कोरोनामुळे अख्खं जग त्रस्त, कलाकार मात्र पार्टी करण्यात व्यस्त, पाहा हे फोटो

एकीकडे कोरोनाचा वाढता प्रादुर्भाव यामुळे पुन्हा एकदा लॉकडाऊन करण्याची वेळ येऊ नये म्हणून वेळीच सावध होण्याचे सरकारने आवाहन केले आहेत. तर दुसरीकडे इतरांसाठी आदर्श ठरणारे सेलिब्रेटींना मात्र कोरोनाचा विसर पडल्याचे जाणवते.

बॉलिवूडमध्ये पार्टी करण्यासाठी काही खास कारण लागत नाही, त्यामुळे अनेकदा या पार्ट्यांचे फोटो सोशल मीडियावर व्हायरल होतात.

गेल्या वर्षभरापासून कोरोनामुळे सारेच घरात बंदिस्त होते, त्यामुळे कोरोनाचा प्रादुर्भाव कमी झाला आणि हळुहळु सगळे काही पूर्ववत झाले.

लॉकडाऊन हटवल्यानंतर सेलिब्रेटींनी तर व्हॅकेशनच्या नावाखाली सगळेच नियम धाब्यावर बसवत फुल ऑन मजा मस्ती करताना दिसले.

कोरोना काळातही अनेक कलाकार मालदीव्हजला व्हॅकेशनसाठी गेल्याचे पाहायला मिळाले.

लॉकडाऊन हटवले होते मात्र कोरोना गेला नव्हता हे माहिती असूनही कलाकार मात्र त्यांच्या आयुष्यात रमले होते.

इतरांना स्टे सेफ, स्टे होम म्हणत सुटणारे कलाकार स्वतःमात्र या सगळ्या गोष्टीपासून अनभिज्ञ असल्यासारखेच वागत होते.

पुन्हा एकदा कोरोनाची लाट येते की काय, अशी परिस्थिती निर्माण झाली आहे, प्रत्येकानेच जबाबदारीचे भान राखणे गरजेजे आहे.

असे असताना सेलिब्रेटींचे अनेक फोटो सोशल मीडियावर व्हायरल होत आहेत. काहींनी त्यांच्या इन्स्टा स्टेटसमध्येही या पार्टीची काही झलक शेअर केली.

यावेळी सोशल डिस्टंसिंग तर सोडाच मास्कही कोणी लावला नसल्याचे पाहायला मिळाले.

पार्टीत विजय देवरकोंडाच्या उपस्थितीने चाहत्यांनी मात्र नाराजी व्यक्त केली आहे. बॉलिवूड गँगपासून लांबच राहण्याचा सल्ला त्याला देत आहेत.

प्रसिद्ध सेलिब्रेटींचे अशाप्रकारे वागणे बघून चाहते मात्र काय आदर्श घेणार हा मोठा प्रश्नच निर्माण झाला आहे.

विशेष म्हणजे या पार्टीत ते कलाकारही होते ज्यांची नावं ड्रग प्रकरणातून समोर आली होती.