In Pics: नाम बडे और...! दिग्गज कलाकार आणि पाण्यासारखा पैसा खर्च करूनही फ्लॉप झालेत हे सिनेमे
By ऑनलाइन लोकमत | Published: July 14, 2020 03:48 PM2020-07-14T15:48:00+5:302020-07-14T15:58:38+5:30
बॉलिवूडमध्ये दरवर्षी सुमारे 1000 सिनेमे बनतात. यापैकी काही सुपरहिट होतात, काही हिट तर काही फ्लॉप. आज आम्ही काही बिग बजेट असलेल्या पण फ्लॉप राहिलेल्या सिनेमांबद्दल सांगणार आहोत.
रूप की रानी चोरो का राजा - 1993 साली रिलीज झालेला अनिल कपूर व श्रीदेवी अशी सुपरहिट जोडी असलेल्या या सिनेमावर पाण्यासारखा पैसा खर्च करण्यात आला होता. पण हा सिनेमा तितकाच दणकून आपटला होता.
राजू चाचा - अजय देवगणच्या या सिनेमावर 25 कोटी रूपयांचा खर्च झाला होता आणि या सिनेमाने केवळ 8.5 कोटींची कमाई केली होती.
अशोका - शाहरूख खानच्या या सिनेमाचे बजेट होते 14 कोटी रूपये. सिनेमा रिलीज झाला तेव्हा या सिनेमाने कसेबसे 10 कोटी कमावले.
राम गोपाल वर्मा की आग - 2007 साली रिलीज झालेला हा सिनेमा ब्लॉकबस्टर ‘शोले’चा रिमेक होता. अजय देवगण, अमिताभ बच्चन, मोहनलाल, सुश्मिता सेन असे दिग्गज कलाकार असूनही हा सिनेमा दणकून आपटला होता.
सावरियां - संजय लीला भन्साळींनी या सिनेमातून सोनम कपूर आणि रणबीर कपूरला लॉन्च केले होते. 40 कोटी रूपये खर्च करून बनवण्यात आलेल्या या सिनेमाने केवळ 36 कोटींची कमाई केली होती.
युवराज - सलमान खान व कतरीना कैफच्या या सिनेमावर 50 कोटींचा खर्च झाला होता. या सिनेमाने कमावले किती तर 16 कोटी.
लव्ह स्टोरी 2050 - या सायन्स फिक्शन सिनेमात प्रियंका चोप्रा व हरमन बावेजा लीड रोलमध्ये होते. 60 कोटी रूपयांचा बजेट असलेल्या या सिनेमाने केवळ 25 कोटींचा बिझनेस केला होता.
चांदनी चौक टू चायना - 2009 साली रिलीज या सिनेमा दीपिका पादुकोण व अक्षय कुमार लीड रोलमध्ये होते. या सिनेमाचा बजेट होता 80 कोटी. सिनेमाने कमावले फक्त 55 कोटी.
काईट्स - हृतिक रोशनच्या काईट्स या सिनेमावर 60 कोटींचा खर्च झाला आणि या सिनेमाने 49 कोटींचा बिझनेस केला होता.
गुजारीश - हृतिक रोशन व ऐश्वर्या रायच्या या सिनेमावर 50 कोटींचा खर्च झाला होता. या सिनेमाने केवळ 29 कोटी कमावले होते.
रा-वन - शाहरूखच्या या सिनेमावर 130 कोटींचा खर्च केला गेला होता. सिनेमाने केवळ 114 कोटींची कमाई केली होती.
बेशरम - 75 कोटी खर्चुन बनवण्यात आलेल्या रणबीर कपूरच्या या सिनेमाने केवळ 59.8 कोटींची कमाई केली होती.
डिटेक्टिव्ह व्योमकेश बक्षी -सुशांत सिंग राजपूतच्या या सिनेमाची रिलीजआधी प्रचंड चर्चा झाली होती. प्रत्यक्षात रिलीज झाल्यावर या सिनेमाने केवळ 26 कोटींचा बिझनेस केला होता.
बॉम्बे वेल्वेट - रणबीर कपूरच्याच या सिनेमावर 120 कोटी रूपये खर्च केले गेलेत. या सिनेमाने कमाई केली ती फक्त 31 कोटी.
ट्युबलाईट - सलमानच्या या सिनेमावर 135 कोटी खर्च झालेत. सिनेमाने कमावले ते 119 कोटी.
ठग्स आॅफ हिंदुस्तान - या सिनेमात आमिर खानसारखा सुपरस्टार होता. सिनेमावर 250 कोटींचा खर्च झाला होता. चित्रपटाने कमावले ते केवळ 151 कोटी.
झिरो- शाहरूखच्या या सिनेमाचा बजेट 200 कोटी होता. प्रत्यक्षात या सिनेमाने केवळ 90 कोटींचा बिझनेस केला.