ज्या सत्तेला सोनिया गांधींनी नाकारले, त्या सत्तेवर मोदींचा डोळा; मल्लिकार्जुन खरगेंचा हल्लाबोल...

'ही निवडणूक देशातील दलित, मागासलेले, आदिवासी, गरीब, शेतकरी यांना वाचवण्याची ही निवडणूक आहे.

Lok Sabha Election 2024 : लोकसभा निवडणुकीसाठी चार टप्प्यातील मतदान झाले असून, आगामी मतदानासाठी सर्व नेत्यांचा जोरदार प्रचार सुरू आहे. काँग्रेस अध्यक्ष मल्लिकार्जुन खरगे यांनी आज रायबरेली लोकसभा मतदारसंघात काँग्रेसचे उमेदवार राहुल गांधी यांच्या समर्थनार्थ सभा घेतली. यावेळी त्यांनी पंतप्रधान नरेंद्र मोदींवर जोरदार टीका केली. ज्या सत्तेला सोनिया गांधी यांनी नाकारले, त्या सत्तेकडे पंतप्रधान नरेंद्र मोदी डोळे लावून बसले आहेत, असे खरगे म्हणाले. 

नरेंद्र मोदी पूछते हैं- कांग्रेस ने 55 साल में क्या किया?

कांग्रेस ने 55 साल में क्या किया, हम उसकी लिस्ट दे देंगे। आप अपने 10 साल का हिसाब दीजिए।

नरेंद्र मोदी ने कभी 15 लाख रुपए देने की बात की तो कभी 2 करोड़ नौकरियां देने की.. लेकिन किया कुछ भी नहीं।

नरेंद्र मोदी सिर्फ झूठ… pic.twitter.com/VWLVddZKQC

— Congress (@INCIndia) May 15, 2024

खरगे पुढे म्हणतात, आज देशभात अनक भुकेल्यांना जेवण मिळत नाही, जेवणाची काही व्यवस्था करावी. अनेक तरुणांना नोकरी मिळत नाही, नोकरीची काही व्यवस्था करावी. पण, मोदींचे या मुद्द्यांकडे नाही, तर फक्त सत्तेवर लक्ष आहे. 2004 मध्ये अटलबिहारी वाजपेयींच्या नेतृत्वाखाली भाजपचा पराभव झाला, तेव्हा सोनिया गांधींनी आपल्या मित्रपक्षांच्या इच्छेविरुद्ध पंतप्रधान होण्यास नकार दिला आणि काँग्रेसच्या वतीने मनमोहन सिंग यांचे नाव पुढे केले. ज्या सत्तेला सोनिया गांधींनी नाकारले, त्यावर मोदींचा डोळा आहे, अशी टीका खरगेंनी केली.

गांधी परिवार सत्ता के लिए नहीं लड़ रहा है।

अगर सत्ता के लिए लड़ते तो 2004-2009 में श्रीमती सोनिया गांधी जी देश की प्रधानमंत्री बन जातीं।

लेकिन उन्होंने कहा- मैं प्रधानमंत्री नहीं बनना चाहती, मैं सिर्फ देश की सेवा करना चाहती हूं।

लेकिन आज देश में सत्ता के लिए लड़ने वाले लोग… pic.twitter.com/2iK9JYxukg

— Congress (@INCIndia) May 15, 2024

ही निवडणूक अत्यंत महत्त्वाची निवडणूक आहे, देशाचे भविष्य घडवणारी निवडणूक आहे. देशातील दलित, मागासलेले, आदिवासी, गरीब, शेतकरी यांना वाचवण्याची ही निवडणूक आहे. यात जर काही चूक झाली तर या देशात मनु जन्माला येईल आणि मनुस्मृतीची राजवट चालेल आणि संविधानाची राजवट संपेल.मोदी आणि भाजपला परत आणण्याचा प्रयत्न म्हणजे दलित, मागासवर्गीय, आदिवासी, गरीब आणि शेतकरी यांचा विश्वासघात आहे. चुकूनही कोणी भाजपला मत दिले, तर ते अनुसूचित जाती, आदिवासी आणि मागासवर्गीयांच्या विरोधात मतदान असेल, असेही खरगे यावेळी म्हणाले.