'जास्त वळवळ केली तर कापून काढू..' काँग्रेस उमेदवाराच्या पतीला आ. आशिष देशमुख यांची धमकी

By ऑनलाइन लोकमत | Updated: November 29, 2025 18:46 IST2025-11-29T18:45:19+5:302025-11-29T18:46:35+5:30

Nagpur : गुन्हा दाखल करण्याची अंबादास दानवे यांची मागणी

'If you move too much, we will cut you off..' Ashish Deshmukh threatens Congress candidate's husband | 'जास्त वळवळ केली तर कापून काढू..' काँग्रेस उमेदवाराच्या पतीला आ. आशिष देशमुख यांची धमकी

'If you move too much, we will cut you off..' Ashish Deshmukh threatens Congress candidate's husband

लोकमत न्यूज नेटवर्क
नागपूर :
भाजपचे सावनेरचे आ. डॉ. आशिष देशमुख यांनी बुधवारी कळमेश्वर येथील प्रचारसभेत काँग्रेसच्या उमेदवार ज्योत्स्ना मंडपे यांचे पती सरजू मंडपे यांना उघड धमकी दिली. 'सरजू... तुला अर्धा फलकून टाकीन' असे भाषणात जाहीरपणे म्हणत दम भरला. आमदारांच्या या धमकीने कळमेश्वरचे राजकीय वातावरण तापले आहे.

कळमेश्वरमध्ये चार दिवसांपूर्वी आरिफ लतिफ शेख या व्यक्तीला मारहाण झाली. आपण कळमेश्वरमध्ये भाजपचे काम करीत असल्यामुळे आपल्याला मारहाण करण्यात आल्याचा आरोप शेख यांनी केला. तसा व्हिडीओदेखील जारी केला. यानंतर बुधवारी कळमेश्वरमध्ये झालेल्या भाजपच्या प्रचार सभेत आ. देशमुख यांनी या घटनेचा संदर्भ देत सरजू मंडपे यांना उघड धमकी दिली. हे फडणवीसांचे सरकार आहे. मुख्यमंत्री, गृहमंत्री नागपूरचे आहेत. सरजा... जास्त वळवळ केली तर तुला फलकून टाकीन, असे आ. देशमुख म्हणाले. विशेष म्हणजे महसूलमंत्री चंद्रशेखर बावनकुळे हे यावेळी मंचावर उपस्थित होते. आमदारांच्या या धमकीने कळमेश्वरचे राजकीय वातावरण चांगलेच तापले आहे.

या प्रकरणाचे पडसाद राज्यातील राजकीय वर्तुळातही उमटू लागले आहेत. विधान परिषदेतील माजी विरोधी पक्षनेते अंबादास दानवे यांनी आशिष देशमुख यांच्यावर गुन्हा दाखल करण्याची मागणी केली आहे. भाजप नेत्यांना सत्तेची नशा चढली आहे. कोणत्याही परिस्थितीत निवडणुका जिंकण्यासाठी विरोधी पक्षाच्या उमेदवारांना व त्यांच्या जवळच्या व्यक्तींना धमकाविले जात आहे. हे सर्व उघडपणे होत असताना निवडणूक आयोग साधी दखलही घेत नाही व गुन्हा दाखल करत नाही, यावर दानवे यांनी नाराजी व्यक्त केली.

Web Title: 'If you move too much, we will cut you off..' Ashish Deshmukh threatens Congress candidate's husband

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.