The thrilling journey of two child friends will be drawn in 'Roop Nagar Ke Chite' | दोन बालमित्रांचा रोमहर्षक प्रवास रेखाटणार 'रूप नगर के चीते'मध्ये

दोन बालमित्रांचा रोमहर्षक प्रवास रेखाटणार 'रूप नगर के चीते'मध्ये

'रूप नगर के चीते' या मराठी सिनेमाची नुकतीच घोषणा करण्यात आली आहे. आता मराठी सिनेमाचे शीर्षक असं हिंदी का? असा प्रश्न कदाचित तुम्हाला पडेल, पण त्यामागील कारणही तसंच आहे. 'रूप नगर के चीते' हे सिनेमाचं शीर्षक ९०च्या दशकात प्रदर्शित झालेल्या एका हिंदी सिनेमात असलेल्या 'हम रूप नगर के चीते है, शिकार पर ही जीते है' या गाजलेल्या संवादावरून प्रेरीत आहे. हा सिनेमा मुख्य भूमिकेत असलेले दोन चीते म्हणजेच जीवलग मित्रांवर बेतलेला असणं हे देखील शीर्षक 'रूप नगर के चीते' ठेवण्यामागील दुसरं कारण आहे.

बॉलिवूडमधील सुप्रसिद्ध फिल्ममेकर विपुल अमृतलाल शाह यांचे पुतणे संगीतकार मनन शाह यांनी एस एंटरटेन्मेंटच्या बॅनरखाली 'रूप नगर के चीते' या मराठी सिनेमाची निर्मिती केली आहे. प्रसिद्ध निर्माता-दिग्दर्शक रोहित शेट्टी यांच्या 'स्कूल, कॅालेज आणि लाईफ' या आगामी पहिल्या मराठी सिनेमाचे दिग्दर्शन करणारे विहान सूर्यवंशी हे 'रूप नगर के चीते'चे दिग्दर्शन करीत आहेत. या सिनेमात दोन मित्रांच्या कथेसोबतच मैत्रीतील आजवर कधीही न उलगडलेले काही दुर्लक्षित पैलू सादर करण्यात आले आहेत.


 'रूप नगर के चीते' हा सिनेमा दोन बालमित्रांचा रोमहर्षक प्रवास आणि एक घटना घडल्यानंतर त्यांचं दोन भिन्न शहरांतील विरोधाभासी जीवन दर्शवणारा आहे. फेब्रुवारी २०२१ मध्ये या सिनेमाच्या चित्रीकरणाचा शुभारंभ होणार आहे. या निमित्तानं मराठीतील दोन चित्यांचा ऑनस्क्रीन प्रवास आणि त्यांची अनोखी कथा प्रेक्षकांना पहायला मिळणार आहे.   लक्षवेधी शीर्षक आणि उत्कंठावर्धक कथानक असलेला 'रूप नगर के चीते' हा सिनेमा लवकरच प्रेक्षकांच्या भेटीला येणार आहे.

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: The thrilling journey of two child friends will be drawn in 'Roop Nagar Ke Chite'

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.