Mukta barve share her cute photo on instagram | मुक्ताच्या फोटोवर फॅन्स झाले फिदा, म्हणाले ही तर धक् धक् गर्ल ऑफ मराठी
मुक्ताच्या फोटोवर फॅन्स झाले फिदा, म्हणाले ही तर धक् धक् गर्ल ऑफ मराठी

मराठी चित्रपटसृष्टीतील अष्टपैलू अभिनेत्री म्हणजे मुक्ता बर्वे. मुक्ताने रंगभूमीवरून तिच्या कारकिर्दीला सुरुवात केली. आम्हाला वेगळे व्हायचेय हे तिच्या कारकिर्दीच्या सुरुवातीचेच नाटक खूप गाजले होते. त्यानंतर ती घडलं- बिघडलंय, पिंपळपान, आभाळमाया, श्रीयुत गंगाधर टिपरे यांसारख्या मालिकांमध्ये झळकली. अग्निहोत्र ही तिची मालिका तर खूप गाजली होती. या मालिकेतील तिची भूमिका आजही प्रेक्षकांच्या चांगलीच लक्षात आहे. छोट्या पडद्यावर मिळालेल्या यशानंतर ती चित्रपटांकडे वळली. तिने थांग, देहभान यांसारख्या चित्रपटांमध्ये काम केले. त्यानंतरचे जोगवा, डबल सीट, मुंबई-पुणे-मुंबई यांसारखे तिचे चित्रपट प्रचंड गाजले.


काही दिवसांपूर्वी मुक्ताने इन्स्टाग्रामवर तिचा एक फोटो शेअर केला आहे. ज्यात मुक्ता खूपच सुंदर दिसतेय. तिच्या या फोटोवर फॅन्सनी लाईक्स आणि कमेंट्सचा वर्षाव केलाय. धक् धक् गर्ल ऑफ मराठी अशा कमेंट्स मुक्ताच्या फोटोवर देण्यात आल्या आहेत. 


चित्रपटात व्यग्र असतानाही मुक्ताने एका लग्नाची दुसरी गोष्ट या मालिकेत काम केले होते. या मालिकेत स्वप्निल जोशी तिच्यासोबत झळकला होता. या मालिकेतील तिची भूमिका, स्वप्निलसोबतचे तिचे ट्युनिंग प्रेक्षकांना खूपच आवडले होते. मुक्ता आणि स्वप्निलच्या जोडीचा मुंबई पुणे मुंबई ३मधील केमिस्ट्रीची प्रचंड चर्चा झाली होती. मुक्ता काही दिवसांपूर्वी स्माईल प्लीज सिनेमात दिसली होती.

Web Title: Mukta barve share her cute photo on instagram

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.