२९ महापालिकांतील महापौरपदासाठी आज सोडत; आरक्षणाच्या गुगलीवर ठरणार सत्तेचे समीकरण !

हे आरक्षण चक्राकार पद्धतीने काढले जाईल

महापालिकेतील सत्ता स्थापनेत पहिला आणि महत्त्वाचा टप्पा मानल्या जाणाऱ्या  महापौरपदाच्या आरक्षणासाठी गुरुवारी मंत्रालयात सोडत काढली जाणार आहे. महापौरपदाच्या पहिल्या अडीच वर्षाच्या कालावधीसाठी ही सोडत आहे. या सोडतीनंतर महापौरपद आरक्षित आहे की खुले हे स्पष्ट होईल. 

नगरविकास राज्यमंत्री माधुरी मिसाळ यांच्या अध्यक्षेतेखाली सकाळी ११ वाजता  मंत्रालयातील परिषद सभागृहात महापौरपदाची आरक्षण सोडत निघेल. हे आरक्षण चक्राकार पद्धतीने काढले जाईल. याआधीचे आरक्षण बाजूला ठेवण्यात येईल. या आरक्षणासाठी २०११ च्या जनगणनेचा आधार घेतला आहे.

अशी निघेल सोडत

सुरुवातीला अनुसूचित जाती, अनुसूचित जमातीसाठी सोडत निघेल. त्यानंतर नागरिकांचा मागास प्रवर्गासाठी सोडत काढली जाईल. यात महिलांसाठी ५०% आरक्षण असणार आहे.

या महापालिकांसाठी आरक्षण सोडत

मुंबई, नवी मुंबई, ठाणे, मिरा-भाईंदर,  कल्याण-डोंबिवली, उल्हासनगर, वसई -विरार, भिवंडी -निजामपूर, पनवेल, नाशिक,  अहिल्यानगर,  मालेगाव, धुळे, जळगाव,  नागपूर, अकोला, अमरावती, चंद्रपूर, पुणे, पिंपरी-चिंचवड, सांगली, कोल्हापूर, इचलकरंजी, सोलापूर, छत्रपती संभांजीनगर, परभणी, जालना, लातूर, नांदेड