कोल्हापुरात काँग्रेस-शिंदेसेना एकत्र येणार ?; सतेज पाटील म्हणाले, बंददाराआडची चर्चा जाहीर कशी करू

कमालीचा सस्पेन्स वाढवला

कोल्हापूर : कोल्हापूर महापालिकेत महापौरपदावरून शिंदेसेना-भाजपचे बिनसले तर शिंदेसेना काँग्रेसबरोबर येईल का? या प्रश्नावर काँग्रेसचे विधान परिषदेचे गटनेते आमदार सतेज पाटील यांनी बंददाराआडची चर्चा जाहीर करता येणार नाही, असे सांगत कमालीचा सस्पेन्स वाढवला. साेमवारी पत्रकार परिषदेत त्यांनी हे वक्तव्य केल्याने अनेकांच्या भुवया उंचावल्या आहेत.

Kolhapur Municipal Election 2026: ‘करेक्ट’ कार्यक्रमावरून जुंपली, महायुती-काँग्रेस भिडली

महापालिकेत भाजप-शिंदेसेनेत महापौरपदावरून मतभेद झाले, शिंदेसेनेला महापौरपद नाही दिलं तर काँग्रेस शिंदेसेनेला सोबत घेणार का? या पत्रकारांच्या प्रश्नावर आमदार पाटील म्हणाले, बंददाराआडची चर्चा जाहीर करता येणार नाही. जर तर च्या गोष्टीवर जाहीर बोलता येणार नाही. या स्थितीत त्यावर बोलू शकत नाही. अजून गॅझेट निघायचे आहे, महापौरपदाचे आरक्षण जाहीर व्हायचे आहे. त्यात काय होतेय, हे पाहून त्यावर पुढील गोष्टी ठरतील.