'कांतारा चॅप्टर १'ची बंपर कमाई! सिनेमाची बॉक्स ऑफिसवर तुफान घोडदौड, कलेक्शनचा आकडा पाहून व्हाल चकीत

Kantara Chapter 1 Box Office Collection: साउथचा सुपरस्टार ऋषभ शेट्टीच्या 'कांतारा चॅप्टर १' चा बॉक्स ऑफिसवरचा जलवा आजही कायम आहे. रिलीज झाल्यापासून हा चित्रपट जोरदार कमाई करत आहे.

साउथचा सुपरस्टार ऋषभ शेट्टीच्या 'कांतारा चॅप्टर १' (Kantara Chapter 1) चा बॉक्स ऑफिसवरचा जलवा आजही कायम आहे. रिलीज झाल्यापासून हा चित्रपट जोरदार कमाई करत आहे. नुकताच 'कांतारा चॅप्टर १'ने देशांतर्गत बॉक्स ऑफिसवर ५०० कोटी रुपयांचा टप्पा पार केला आहे, जो स्वतःमध्येच एक मोठा विक्रम आहे. आता ही कलाकृती भारतात ६०० कोटींच्या क्लबकडे वेगाने वाटचाल करत आहे. ऋषभ शेट्टीच्या या चित्रपटाने आतापर्यंत देशांतर्गत बॉक्स ऑफिसवर किती कोटींचा व्यवसाय केला आहे, हे जाणून घेऊया.

'कांतारा चॅप्टर १' रिलीज होऊन दोन आठवड्यांपेक्षा जास्त कालावधी झाला आहे आणि देशभरातील प्रेक्षक हा चित्रपट पाहण्यासाठी चित्रपटगृहांकडे धाव घेत आहेत. पहिल्या आठवड्यात चित्रपटाने ३३७.४ कोटी रुपयांचा व्यवसाय केला. दुसऱ्या आठवड्यात १४७.८५ कोटी रुपयांची कमाई झाली. १६ व्या दिवशी कमाईत थोडी घट झाली, तरी चित्रपटाने ८.५० कोटी रुपयांचा गल्ला जमवला. १७ व्या दिवशी 'कांतारा चॅप्टर १'ने १२.९ कोटी रुपये कमावले.

५०० कोटींहून अधिक कलेक्शन
ट्रेड वेबसाइट 'सॅकनिल्क'च्या सुरुवातीच्या रिपोर्ट्सनुसार, 'कांतारा चॅप्टर १'ने १८ व्या दिवशी म्हणजेच तिसऱ्या रविवारी १७.५० कोटी रुपयांचे कलेक्शन केले. अशा प्रकारे ऋषभ शेट्टीच्या या चित्रपटाने आतापर्यंत देशांतर्गत बॉक्स ऑफिसवर एकूण ५२४.१५ कोटी रुपयांचा व्यवसाय केला आहे. ज्या वेगाने हा चित्रपट कमाई करत आहे, त्यावरून हे स्पष्ट होते की, तो लवकरच भारतीय बॉक्स ऑफिसवर ६०० कोटींचा आकडा पार करेल.

दिवस : भारतातील कमाई (कोटी रुपयांमध्ये)

पहिला दिवस : ६१.८५ कोटी
दुसरा दिवस : ४५.४० कोटी 
तिसरा दिवस : ५५.०० कोटी 
चौथा दिवस : ६३.०० कोटी
पाचवा दिवस : ३१.५० कोटी
सहावा दिवस : ३४.२५ कोटी 
सातवा दिवस : २५.२५ कोटी
आठवा दिवस : २१.१५ कोटी
नववा दिवस : २२.२५ कोटी
दहावा दिवस : ३९.०० कोटी
अकरावा दिवस : ३९.७५ कोटी 
बारावा दिवस : १३.३५ कोटी 
तेरावा दिवस : १४.१५ कोटी
चौदावा दिवस : १०.५० कोटी
पंधरावा दिवस : ८.८५ कोटी
सोळावा दिवस : ८.५० कोटी
सतरावा दिवस : १२.९० कोटी
अठरावा दिवस : १७.५० कोटी
एकूण : ५२४.१५ कोटी

ऋषभ शेट्टीने केलं दिग्दर्शन
'कांतारा चॅप्टर १' हा चित्रपट होम्बळे फिल्म्सच्या बॅनरखाली बनला आहे. ऋषभ शेट्टीने केवळ यात अभिनयच केला नाही, तर त्यानेच या चित्रपटाचे लेखन आणि दिग्दर्शन देखील केले आहे. हा चित्रपट २०२२ च्या ब्लॉकबस्टर 'कांतारा: अ लिजेंड'चा प्रीक्वल आहे. 'कांतारा चॅप्टर १' मध्ये रुक्मिणी वसंत, जयराम आणि गुलशन देवैया यांच्याही महत्त्वाच्या भूमिका आहेत.

'कांतारा चॅप्टर १'ची कथा
जेव्हा मानवी लालसा आणि सत्तेचा धोका निसर्ग आणि श्रद्धेवर येतो, तेव्हा दैवी शक्ती कशा प्रकारे त्यांचे रक्षण करतात, हे हा चित्रपट दाखवतो. 'कांतारा चॅप्टर १'ला त्याच्या उत्कृष्ट व्हिज्युअल्स, दमदार अभिनय आणि कथेसाठी खूप प्रशंसा मिळाली आहे. साउथ सिनेसृष्टीपासून ते बॉलिवूडपर्यंतच्या अनेक कलाकारांनी या चित्रपटाचे कौतुक केले आहे.