मराठी अभिनेत्रीचे श्रीलंकेतील फोटो पाहिले का? नवऱ्यासोबत करतेय एन्जॉय; लग्नावरुन झालेलं ट्रोलिंग

अभिनेत्याचं हे तिसरं लग्न असल्याने त्यांना प्रचंड ट्रोलिंगचा सामना करावा लागला होता.

मराठीत अनेक ऑनस्क्रीन कलाकारांनी खऱ्या आयुष्यात लग्नगाठ बांधली आहे. खुशबू-संग्राम, तितीक्षा-सिद्धार्थ, शिवानी-अजिंक्य ननावरे हे त्यापैकीच काही कलाकार.

यामध्ये एक अभिनेता असा आहे ज्याने दोनदा घटस्फोट झाल्यानंतर तिसऱ्यांदा पुन्हा एका अभिनेत्रीशीच लग्नगाठ बांधली आहे. दोघंही सध्या श्रीलंकेतील फोटोंमुळे चर्चेत आहेत. कोण आहे हे कपल?

तर हे आहेत पियुष रानडे आणि सुरुची अडारकर. ६ डिसेंबर २०२३ साली त्यांनी लग्न करत सर्वांना धक्काच दिला. पियुषचं हे तिसरं लग्न असल्याने त्यांना सोशल मीडियावर प्रचंड ट्रोलिंगला सामोरं जावं लागलं.

मात्र ट्रोलिंगकडे दुर्लक्ष करत पियुष आणि सुरुची सुखाचा संसार करत आहेत. तसंच सध्या ते श्रीलंकेत व्हेकेशनचा आनंद घेत आहेत. त्यांच्यासोबत श्रेया बुगडे आणि तिचा नवराही आहे.

सुरुचीने तिचे काही फोटो शेअर केलेत ज्यात ती श्रीलंकेतील सौंदर्य दाखवत आहे. तसंच या निसर्गरम्य वातावरणात ती देखील खूप सुंदर दिसत आहे.

तर दुसरीकडे पियुषही कॅज्युअल लूकमध्ये हँडसम दिसतोय. समुद्रकिनारी काढलेले हे फोटो त्याने शेअर केलेत.

सुरुची तर श्रीलंकेच्या प्रेमातच पडली आहे. दर मैल बदलत जाणारं वातावरण, भाषा, खाणं, संस्कृती याचं तिने कौतुक केलं आहे.

सुरुचीने काही दिवसांपूर्वीच श्रीलंकेतच तिचा वाढदिवसही साजरा केला. पियुष आणि श्रेयाने तिचा हा वाढदिवस आणखी खास बनवला.