'प्रेमाची गोष्ट २' फेम अभिनेत्रीच्या नवऱ्याला पाहिलंय का? अशी आहे ऋचा वैद्यची 'लव्हस्टोरी'

काही महिन्यांपूर्वीच झालंय ऋचाचं लग्न, कोण आहे तिचा जोडीदार?

मराठीतील सुंदर अभिनेत्री म्हणून ऋचा वैद्य सध्या प्रसिद्धीझोतात आली आहे. गेल्या वर्षी ती आदिनाथ कोठारेसोबत 'पाणी' सिनेमात दिसली. तेव्हाच तिने लक्ष वेधून घेतलं होतं.

तर आता ऋचाचा 'प्रेमाची गोष्ट २' सिनेमा रिलीज झाला आहे. या सिनेमात ती ललित प्रभाकरसोबत रोमान्स करताना दिसत आहे.

सिनेमाच्या प्रमोशननिमित्ताने ती पांढऱ्या नेट साडीत सुंदर दिसत आहे. त्यावर तिने डिझायनर ब्लाऊज घातला आहे.

ऋचाच्या सौंदर्यावर सर्वांच्याच नजरा खिळल्या आहेत. या आऊटफिटमध्ये तिने एकापेक्षा एक सुंदर पोज दिल्या आहेत.

ऋचा वैद्य याचवर्षी लग्नबंधनात अडकली. खऱ्या आयुष्यातला तिचा प्रिन्स चार्मिंग कोण आहे माहितीये का? तर त्याचं नाव यश किरकिरे आहे.

नुकतंच एका मुलाखतीत ऋचा तिची लव्हस्टोरी थोडक्यात सांगितली. ती म्हणाली, "आम्ही एकमेकांना २० वर्षांपासून ओळखतो. आमची घरं समोरासमोरच होती. पण आमच्यात कधी बोलणं व्हायचं नाही."

"आमचे बरेच कॉमन फ्रेंड्सही होते. आम्ही एकाच कॉलेजमध्येही होतो. मग मागच्या वर्षी आम्ही भेटलो. प्रेमात पडलो आणि थेट लग्नच केलं."

नवऱ्यासोबतच्या नात्यावर ऋचा म्हणाली, "मी माझ्या बेस्ट फ्रेंडसोबतच लग्न केलं आहे. हा अनुभव खरंच खूप सुखद आहे. आयुष्याच्या प्रवासात तुमचा मित्र तुमच्यासोबत असतो."

"आमचं कोऑर्डिशेन खूप परफेक्ट आहे. न बोलताच त्याला माझ्या गोष्टी बऱ्याचदा कळतात. ते ट्युनिंग माझं माझ्या जोडीदाराबरोबर आहे."

"खरं प्रेम तेच जे तुमच्या उणिवांसकट तुम्हाला स्वीकारतं. तुम्ही स्वत:च्याही नव्याने प्रेमात पडता. हीच त्या नात्यातली सुंदरता आहे."