प्रसिद्धीमध्ये मराठी चित्रपटाची होते पिछाडी

प्रियांका लोंढे सिया पाटील प्रेक्षकांना फक्त तुझ्याचसाठी या सिनेमात पाहायला मिळणार आहे. सीएनएक्सला दिलेल्या मुलाखतीत सियाने काही मराठी चित्रपट हे चांगले असले तरी प्रमोशन अभावी प्रेक्षकांपर्यंत पोहचू शकत नाहीत अशी खंत व्यक्त केली. फक्त तुझ्याचसाठी या चित्रपटातील तुझ्या भूमिकेविषयी काय सांगशील ? फक्त तुझ्याचसाठी हा चित्रपट स्त्रीप्रधान आहे. त्यामुळे माझ्या भूमिकेला या चित्रपटात चांगलाच वाव आहे. याच कारणाने मी हा चित्रपट स्वीकारला. या चित्रपटात मी शितल नावाच्या एका ग्रामीण भागातील मुलीची भूमिका साकारत आहे. शहरात राहणाऱ्या आदित्य ठाकूरसोबत तिचे लग्न होते. पण आदित्यचे लग्नाआधीच अफेअर असते. लग्नानंतरदेखील तो त्याचे अफेअर सुरूच ठेवतो. त्याच दरम्यान नवऱ्याच्या मित्राकडे मी आकर्षित होते आणि मग तो कशाप्रकारे या गोष्टीकडे पाहतो हे या चित्रपटात मांडण्याचा प्रयत्न करण्यात आला आहे. समाजातील स्त्रियांच्या स्थानाविषयी तुला काय वाटते ? आजही आपल्या समाजामध्ये स्त्रियांनी एखादी चूक केली तर तिला माफ केले जात नाही. पुरुषांनी कितीही चुका केल्या तरी त्यांना लगेचच माफ केले जाते. या गोष्टी विशेष करून नवरा-बायकोच्या नात्यामध्ये घडतात. आजकाल नात्यांमधील विश्वास हरवत चालला आहे तसेच एकमेकांमधील असलेला आदरही कमी होत चालला आहे. या चित्रपटाची कथा मी ज्यावेळा सुरुवातीला वाचली तेव्हा मला ती पटलीच नव्हती. त्यामुळे मी दिग्दर्शकांना काही बदल करण्यास सांगितले. आपला नवरा जर चुकीचा वागतोय तर बायकोचा पण पाय घसरलाच पाहिजे हे मला पटत नव्हते. माझ्यावर जर अशी वेळ आली तर मी घटस्फोट घेईन पण असे काही करणार नाही. त्यामुळे हा चित्रपट आपण अमेरिकेत नाही तर महाराष्ट्रात दाखवणार आहोत याचे भान ठेवून आम्ही कथेत योग्य ते बदल केले. नवीन कलाकारांसोबत काम करण्याचा तुझा अनुभव कसा होता ? या चित्रपटाची सगळीच कास्ट नवीन आहे. कथा चांगली असल्याने मी हा चित्रपट स्वीकारला. चित्रपट स्वीकारल्यानंतर चित्रपटातील कलाकार हे नवे असले तरी अभिनयाने तगडे असावेत असे माझे म्हणणे होते. यश कपूरने तर अप्रतिम काम केले आहे. अनेकदा दृश्यांचे चित्रीकरण करताना मी दिग्दर्शकांना काही बदल सुचवायचे. एखादे दृश्य विशिष्ट पद्धतीने चित्रीत केले जावे असे मी त्यांना सांगायचे. त्यातील काही दृश्य पाहिल्यावर मी चांगले दिग्दर्शन पण करू शकेल असा मला विश्वास वाटतो. तू बॉलिवूडमध्येही काम केले आहेस. तुला मराठी चित्रपटांमध्ये काम करताना काही फरक जाणवतो का? बॉलिवूडमध्ये मी काम केल्याने तिथली शिस्त आणि काम करण्याची पद्धत मला चांगलीच माहीत आहे. कोणतीही गोष्ट करताना ते ती अगदी अभ्यासपूर्वक करतात. त्यांचे सगळे प्लानिंग ठरलेले असत. सर्वात महत्त्वाची गोष्ट म्हणजे बॉलिवुडमध्ये बजेटचा कधी प्रॉब्लेम नसतो. त्यामुळे ते प्रमोशन आणि मार्केटिंगवर खूप सारा पैसा खर्च करतात. म्हणूनच त्यांचे चित्रपट चांगल्या रितीने प्रेक्षकांपर्यंत पोहचतात. नवीन येणाऱ्या निर्मात्यांबद्दल तू काय सांगशील ? आपल्याकडे चित्रपट निर्मितीसाठी खरंतर सुशिक्षित लोकांची गरज आहे. कारण आज कोणीही उठतो आणि चित्रपट करतो. या गोष्टी थांबायला पाहिजेत. कमी चित्रपट करा पण दर्जेदार करा असे मला वाटते. काहीवेळेस अशा निर्मात्यांमुळे नवीन येणाऱ्या मुलींची फसवणूकदेखील होते. त्यांची दिशाभूलही केली जाते. मलादेखील अनेकवेळा नको त्या निर्मात्यांना सामोरे जावे लागले आहे. मराठी चित्रपटांचे प्रमोशन कमी पडते असे तुला वाटते का ? मराठी चित्रपटाचा आशय चांगला असला तरी काही चित्रपटांचे योग्य प्रमोशन न झाल्याने ते प्रेक्षकांपर्यंत पोहचू शकत नाहीत. या गोष्टीचे एक कलाकार म्हणून मला खूप वाईट वाटते. कारण आपण अपार मेहनत घेऊन काम करायचे आणि जर ते काम प्रेक्षकांपर्यंत पोहचलेच नाही तर दुःख हे आपल्यालाच होते.

९० च्या दशकातील काही गाजलेल्या मराठी कलाकारांच्या लग्नाचे खास फोटो आम्ही शेअर करत आहोत. ...

राम कपूरने वजन कमी करण्याचा सांगितलेला उपाय इतका सोपा आहे की, अनेकजण तो फॉलो करुन बारीक होऊ शकतात ...

आता खूपच ग्लॅमरस दिसते दुर्गा मावशीची लेक, पाहा तिचे ग्लॅमरस फोटो ...

बॉलिवूडची ही अभिनेत्री अचानक रुपेरी पडद्यावरून गायब झाली. ...

इथं एक नजर टाकुयात एकदिवसीय क्रिकेटमध्ये सर्वाधिक धावा करणाऱ्या भारतीय महिला बॅटर्सच्या खास रेकॉर्डवर ...

इथं जाणून घेऊयात कॅरेबियन क्रिकेटरच्या हॉट अँण्ड ब्युटीफुल वाइफीसंदर्भातील खास गोष्टी ...

आयसीसी कसोटी क्रमवारीत सर्वाधिक दिवस पहिल्या क्रमांकावर राहिलेल्या पाच गोलंदाजांबद्दल जाणून घेऊयात. ...

...

15-minute skin glow remedy: tomato face mask for fairness: उन्हामुळे त्वचा टॅन किंवा काळी पडली असेल तर टोमॅटोचा वापर कसा करायला हवा पाहूया. ...

...

प्रसिद्धीमध्ये मराठी चित्रपटाची होते पिछाडी

प्रियांका लोंढे सिया पाटील प्रेक्षकांना फक्त तुझ्याचसाठी या सिनेमात पाहायला मिळणार आहे. सीएनएक्सला दिलेल्या ...