हृतिकला झालेय तरी काय??

बॉलिवूडचा 'ग्रीक गॉड' हृतिक रोशन सध्या अपयश आणि वादांच्या गर्तेत अडकला आहे. बºयाच कालावधीनंतर हृतिकचा 'मोहेंजोदडो' आला. पण आला तसाच बॉक्सआॅफिसवर दणकून आपटला. कदाचित त्याचमुळे हे अपयश हृतिकला पचवता आले नाही आणि त्याने या अपयशाचे खापर थेट दिग्दर्शक आशुतोष गोवारीकरला फोडले. आशुतोषला असभ्य भाषेतला मॅसेज पाठवण्यापर्यंत 'अविवेक' हृतिकने दाखवला आणि एका नव्या वादाला तोंड फोडले. त्यापूर्वी कंगनासोबतचा त्याचा 'एपिसोड' गाजला. या वादात बॉलिवूडमधील अनेक सेलिब्रिटींनी हृतिकऐवजी कंगनाची बाजू घेतली. याही वेळी कंगनाची बाजू घेणाºयांवर रोष काढून हृतिकने अविवेकीपणाचेच दर्शन घडवले. कंगना Asperger's Syndromeची रूग्ण असल्याचा बेछूट आरोप करून हृतिकने रोष ओढवून घेतला. एकंदर काय तर हृतिकभोवतीचे वाद वाढू लागले आहे... हे वाद पाहता 'हृतिकला झालेय तरी काय??' असाच प्रश्न त्याच्या चाहत्यांना पडला आहे.आशुतोष यांच्यासोबतचा वाद'मोहेंजोदडो'च्या अपयशासाठी जबाबदार कोण, यावरून दिग्दर्शक आशुतोष गोवारीकर आणि हृतिक यांच्यात सध्या एका नव्या वादाला तोंड फुटले आहे. 'मोहेंजोदडो'चे टीजर रिलीज झाल्यानंतर अनेकांनी चित्रपटाचे कौतुक केले होते. प्रेक्षकांची उत्सुकताही वाढली होती. प्रत्यक्षात मात्र चित्रपट रिलीज झाल्यावर धाडकन आपटला. अक्षयच्या 'रुस्तुम'समोर तो टिकाव धरू शकला नाही. हृतिकने आशुतोषला वाईट भाषेत मेसेज करून याबाबत तूच कारणीभूत असल्याचे म्हटले, तर दुसरीकडे आशुतोषनेही त्याला त्याच भाषेत उत्तर देत अपयशाला तूच जबाबदार आहेस असे सुनावले आहे. हृतिकने स्वत: ओढवून घेतलेला हा वाद आता विकोपाला जाण्याची चिन्हे आहेत.कंगनावरचे बेछूट आरोप हृतिक रोशन आणि कंगना रानोट यांच्यातील वाद कुणापासूनही लपून राहिलेला नाही. कंगनाने एका मुलाखतीत हृतिकला 'सिली एक्स' म्हटले आणि हृतिकने त्याचे उत्तर म्हणून कंगनाला कायदेशीर नोटीस बजावली. कंगनानेही कायदेशीर नोटीस धाडत, हृतिकला जशास तसे उत्तर दिले. यानंतर हृतिक व कंगना दोघेही एकमेकांवर बेछूट आरोप करताना दिसले. मीडियामध्ये याचे चर्वितचर्वण झाले.या कोल्डवॉरमध्ये अनेकांनी कंगनाला पाठींबा देत, हृतिकला धोबीपछाड दिले आहे. कंगनाबद्दल हृतिकने लिहिलेले शब्द आणि तिच्यावर केलेले बेछूट आरोप सभ्यतेच्या मयार्दा लांघणारे असल्याचे मत अनेकांनी बोलून दाखवले. हृतिकने कंगनाच्या मानसिक आरोग्याबाबत भाष्य करीत कंगना Asperger's Syndromeची रूग्ण असल्याचा आरोप हृतिकने केला . यावरूनही हृतिक टीकेचा धनी ठरला.कंगनाची बाजू घेणाºयांवर संतापला हृतिककंगना व हृतिक या वादात बॉलिवूडमधील काही जण कंगनाच्या बाजूने उभे राहिले. कंगनाला पाठींबा देणाºया या अनेक बॉलिवूड सेलिब्रिटींवर हृतिक नाराज असल्याच्या बातम्या आल्यात. प्रियंका, विद्या,रणवीर सिंग, रवीना टंडन,सलमान खान, करण जोहर या सर्वांवर हृतिक नाराज असल्याचे कळते. आपली नाराजी व्यक्त करण्यासाठी हृतिकने प्रियंका, विद्या व करणला अतिशय हळवे मॅसेज पाठवल्याचीही बातमी आली. सुजैनसोबतचा घटस्फोट'काईट्स' या चित्रपटात हृतिकच्या अपोझिट दिसली ती बार्बरा मोरी. याच 'काईट्स'च्या शूटींगदरम्यान बार्बरासोबतची हृतिकची जवळीक इतकी वाढली होती की, हृतिकची पत्नी सुजैन ही संतापाने आपल्या वडिलांकडे निघून गेली होती. अर्थात कालांतराने हृतिक व सुजैन पुन्हा एकत्र आले. पण दुर्दैवाने या नात्यातील 'दुरावा' पुढे वाढतच गेला. बार्बरा मोरीसोबतच्या हृतिकच्या कथित अफेअरनंतर सुजैन व हृतिक यांच्यातील दुरावा वाढला. यानंतर अचानक सुजैनने हृतिकसोबतचा १४ वर्षांचा संसार संपवण्याचा निर्णय घेतला. या घटस्फोटामागील कारणे अद्यापही जगासमोर आलेली नाहीत. पण यामागच्या अनेक कारणांची चर्चा मीडियात झाली. हृतिकच्या अफेअरला कंटाळून सुजैनने त्याला सोडल्याचे ऐकवात आले तसेच सुजैन व अर्जून रामपाल यांच्यातील मैत्री या घटस्फोटाला कारणीभूत ठरली, असेही कानावर आले. पण भविष्यात मी व हृतिक कधीही एकत्र येणार नाही, असे सांगून सुजैनने हृतिकला कायमचे 'एकाकी' केले.

बॉलिवूडची ही अभिनेत्री अचानक रुपेरी पडद्यावरून गायब झाली. ...

कुशा कपिलाच्या आयुष्यात पुन्हा प्रेम? ...

अविका गौर आज प्रसिद्ध अभिनेत्री आहे. पण छोटा जग्ग्या आज कुठे आहे? ...

प्रेम, लग्न अन् घटस्फोट; लग्नाच्या काही वर्षांतच संसार मोडला; आता काय करते अनुपम खेर यांची पहिली पत्नी? ...

इथं एक नजर टाकुयात एकदिवसीय क्रिकेटमध्ये सर्वाधिक धावा करणाऱ्या भारतीय महिला बॅटर्सच्या खास रेकॉर्डवर ...

इथं जाणून घेऊयात कॅरेबियन क्रिकेटरच्या हॉट अँण्ड ब्युटीफुल वाइफीसंदर्भातील खास गोष्टी ...

आयसीसी कसोटी क्रमवारीत सर्वाधिक दिवस पहिल्या क्रमांकावर राहिलेल्या पाच गोलंदाजांबद्दल जाणून घेऊयात. ...

...

15-minute skin glow remedy: tomato face mask for fairness: उन्हामुळे त्वचा टॅन किंवा काळी पडली असेल तर टोमॅटोचा वापर कसा करायला हवा पाहूया. ...

...

...

natural acne treatment : how to remove chamkhil on face : चामखीळ काढण्यासाठी काही आपण नारळाच्या तेलात काही पदार्थ मिसळून लावल्यास ते सहज निघेल. ...

हृतिकला झालेय तरी काय??