‘पद्मावत’च्या रिलीजपूर्वी दीपिका पादुकोण बाप्पाच्या दरबारात, सिद्धीविनायकाला साकडे!!

'पद्मावत' रिलीजसाठी एकदम सज्ज आहे. सर्वोच्च न्यायालयाने या चित्रपटावर बंदीची मागणी करणा-या सर्व याचिका निकाली काढत, 'पद्मावत'ला हिरवी झेंडी दिली आहे. पण तरिही करणी सेनेसारख्या राजपूत संघटनांचा या चित्रपटाला सुरु असलेला विरोध सुरु आहे. या संपूर्ण पार्श्वभूमीवर 'पद्मावत'ची लीड अॅक्ट्रेस दीपिका पादुकोण आज मंगळवारी मुंबईत सिद्धीविनायकाच्या दर्शनाला पोहोचली. चित्रपटाचे प्रदर्शन निर्विघ्न पार पडावे, अशी प्रार्थना तिने यावेळी केली.पांढरा सलवार कुर्ता, कानात साजेसे ईअररिंग्स अशा साध्या सुंदर रूपात दीपिका बाप्पाच्या दरबारात पोहोचली. तिला पाहताच लोकांनी एकच गर्दी केली. आपल्या आवडत्या अभिनेत्रीची एक छबी टिपण्यासाठी लोकांची झुंबड उडाली. दीपिकाने सर्वांना हसतमुखाने प्रतिसाद दिला.बाप्पाचे दर्शन घेतल्यानंतर दीपिका तिथून निघाली. यावेळी चाहत्यांना तिने हात हलवून अभिवादन केले. 'पद्मावत'मध्ये दीपिकाने राणी पद्मावतीची भूमिका साकारली आहे. मात्र करणी सेनेसारख्या राजपूत संघटनांनी या चित्रपटाला विरोध चालवला आहे. याच विरोधाअंतर्गत राजपूत करणी सेनेचे महिपाल सिंह मकराना यांनी दीपिकाचे नाक कापण्याची धमकी दिली होती. राजपूत महिलांवर कधीच हात उचलत नाहीत. पण गरज पडली तर आम्ही दीपिकासोबतही तेच करू, जे लक्ष्मणाने शूर्पणखेसोबत केले होते,असे महिपाल म्हणाले होते.संजय लीला भन्साळींचा 'पद्मावत' सुरुवातीपासूनच वादात सापडला आहे. या चित्रपटात ऐतिहासिक तथ्यांची मोडतोड करण्यात आल्याचा आरोप करत अनेक राजकीय पक्ष व राजपूत संघटनांनी 'पद्मावत'ला विरोध चालवला आहे. हा विरोध लक्षात घेत, राजस्थान, गुजरात, मध्यप्रदेश आणि हरियाणा या राज्यांनी 'पद्मावत'च्या प्रदर्शनावर बंदी घातली होती. या बंदीमुळे 'पद्मावत'च्या निर्मात्यांचे कोट्यवधीचे नुकसान सहन करावे लागले असते. हीच शक्यता लक्षात घेत 'पद्मावत'च्या निर्मात्यांनी सर्वोच्च न्यायालयात जाण्याचा निर्णय घेतला होता. तथापि सर्वोच्च न्यायालयाने 'पद्मावत'वर राज्यांनी घातलेली बंदी घटनाबाह्य ठरवत, या चित्रपटाच्या प्रदर्शनाचा मार्ग मोकळा केला आहे. येत्या २५ तारखेला हा चित्रपट देशभर प्रदर्शित होतो आहे. #WATCH Deepika Padukone leaves from Siddhivinayak temple amid high security #Padmaavat pic.twitter.com/3TgL0ePRAd — ANI (@ANI) January 23, 2018

Shiva Marathi Serial Purva Kaushik Bold Photoshoot: 'शिवा' मालिकेत पूर्वा बेधडक टॉमबॉय लूकमध्ये दिसते... ...

लग्न न करताच 'या' अभिनेत्रीला व्हायचंय आई, 'बिग बॉस' मुळे आलेली चर्चेत ...

त्या सीनमुळे तेजश्री चर्चेत आली होती. मात्र तिने नंतर तो सीन का केला याचं कारणही सांगितलं होतं. ...

चौथ्या हंगामात या चार संघांनी आयसीसी वर्ल्ड टेस्ट चॅम्पियनशिप स्पर्धेला केलीये सुरुवात ...

याआधी बांगलादेश विरुद्धच्या सामन्यात एका सामन्यात टीम इंडियाकडून आली होती चार शतके ...

भारताचा माजी कर्णधार सौरव गांगुलीवर तर दोन वेळा ओढावलीये ही नामुष्की ...

ज्या मैदानातून कसोटीत पदार्पण केलं त्या मैदानात रिषभ पंत खास छाप सोडत नवा वर्ल्ड रेकॉर्ड सेट करणार का? ...

dandruff solution at home: ayurvedic hair pack for scalp health: homemade hair mask for hair fall: केसांसाठी काही घरगुती उपाय करायचे असतील तर मेथी दाणे हे फायदेशीर ठरतात. ...

Try These 8 Easy Ways to Prevent Bugs in Dry Dal and Lentils During the Rainy Season : Smart Ways to Keep Bugs Away from Dry Dal and Lentils This Rainy Season : Keep Your Dal and Lentils Bug-Free During the Monsoon – Try These Simple Methods : Try Th ...

6 cooking oils popular in India, see which oil causes weight gain - which is good : भारतात या तेलाना आहे भरपूर मागणी. पाहा कोणते तेल आहे चांगले आणि किती प्रकार आहेत. ...

...

​‘पद्मावत’च्या रिलीजपूर्वी दीपिका पादुकोण बाप्पाच्या दरबारात, सिद्धीविनायकाला साकडे!!

‘पद्मावत’च्या रिलीजपूर्वी दीपिका पादुकोण बाप्पाच्या दरबारात, सिद्धीविनायकाला साकडे!!