१० अफेयर्सनंतरही ही अभिनेत्री आहे अविवाहित, लग्न न करताच बनली आई; दोन मुलींचा करतेय एकटीनं सांभाळ

वयाची पंचेचाळीशी उलटूनही ही अभिनेत्री आजही जगतेय सिंगल लाइफ

अभिनेत्री सुष्मिता सेन तिच्या दमदार अभिनयासोबतच लव्ह लाईफसाठीही अनेकदा चर्चेत असते. यावेळीही सुष्मिता सेनची लव्ह लाईफ इंटरनेटवर चर्चेत आहे.

रिपोर्ट्सनुसार, सुष्मिता सेनचे आत्तापर्यंत अनेक अफेअर्स आहेत, पण तरीही अभिनेत्रीचा खऱ्या प्रेमाचा शोध संपलेला नाही.

वयाच्या ४७ व्या वर्षी सुष्मिता सेन १० अफेअर्सनंतरही सिंगल आहे आणि दोन मुलींचे संगोपन करते आहे.

सुष्मिता सेनचे अनेकांसोबत नाव जोडले गेले. अभिनेत्रीचे अफेअर अनेक सेलेब्स, क्रिकेटर्स आणि बिझनेसमनसोबत असल्याचे बोलले जाते. रिपोर्ट्सनुसार, सुष्मिता सेन अभिनेता रणदीप हुड्डासोबत जवळपास ३ वर्षांपासून रिलेशनशिपमध्ये होती. रणदीप हुड्डापासून वेगळे झाल्यानंतर सुष्मिताचे नाव मानव मेननसोबत जोडले गेले.

रिपोर्ट्सनुसार, सुष्मिता सेन १९९६ मध्ये दस्तक चित्रपटाच्या शूटिंगदरम्यान विक्रम भटसोबत रिलेशनशिपमध्ये होती. एवढेच नाही तर सुष्मिता सेनचे नाव पाकिस्तानी क्रिकेटर वसीम अक्रमसोबतही जोडले गेल्याचे बोलले जाते. यासोबतच तिने दिग्दर्शक मुदस्सर अजीजलाही डेट केले आहे.

एकेकाळी सुष्मिता सेनला बिझनेसमन संजय नारंगसोबत लग्न करायचे होते अशीही बातमी आहे. पण असे झाले नाही. त्यानंतर सुष्मिता सेनचे नाव चित्रपट निर्माते इम्तियाज खत्रीसोबतही जोडले गेले. सुष्मिताचेही नाव तिच्या मॅनेजर बंटी सचदेवासोबत चर्चेत होते.

गेल्या वर्षी ललित मोदींसोबत सुष्मिता सेन आणि ललित मोदी यांचेही नाव जोडले गेले होते. रिपोर्ट्सनुसार, ललित मोदीसोबत वर्ल्ड टूरवर जाण्यापूर्वी अभिनेत्रीने रोहमन शॉलसोबत ब्रेकअप केले होते.

पण हल्ली सुष्मिता सेन रोहमन शॉलसोबत वारंवार स्पॉट होत आहे. अशा परिस्थितीत सुष्मिता सेन आणि रोहमन शॉल पुन्हा जवळ आल्याचा अंदाज लोक लावत आहेत.