भूमिकेसाठी कलाकार झाले वजनदार

जिममध्ये जाऊन व्यायाम, योगा, सायकलींग असे बरेचसे प्रकार करताना आपल्याला कलाकार दिसतात. एवढेच नाही तर सिक्स पॅक अॅब्स आणि झिरो साईजची क्रेझ देखील सलमान, करिना यासारख्या कलाकारांमुळेच आली होती. नेहमी फिट राहाणार हे कलाकार जर आपल्याला वजन वाढवलेले दिसले तर आश्चर्य वाटेल ना. पण असे कितीतरी कलाकार आहेत ज्यांनी केवळ भूमिकेसाठी वजन वाढवले आहे. सई ताम्हणकर आणि प्रिया बापट या दोन अभिनेत्रींनी देखील आगामी सिनेमा वजनदारसाठी बरेच वजन वाढवले आहे. अशाच काही वजनदार कलाकारांवर एक नजर टाकुयात.... विद्या बालन (डर्टी पिच्चर) : विद्या बालनने डर्टी पिच्चर या सिनेमासाठी जवळपास १२ किलो वजन वाढवलेले होते. हा सिनेमा विदयाने वाढवलेल्या वजनामुळे आणि तिच्या या चित्रपटातील एकंदरीतच लुकमुळे चर्चेत आला. सिल्क स्मिताच्या भूमिकेसाठी विदयाने घेतलेली मेहनत यशस्वी झाली. तिच्या या भूमिकेचे प्रेक्षकांनी कौतुकसुद्धा केले. सलमान खान (सुलतान) : बॉलिवूडचा भाईजान सलमान खान त्याच्या चित्रपटांमुळे नेहमीच चर्चेत असतो. सलमानचा चित्रपट म्हटला की तो बॉक्स ऑफिसवर १०० कोटींच्या पुढे कमाई करणार हे ठरलेलेच असते. परंतु सल्लु त्याच्या चित्रपटांसाठी देखील अपार मेहनत घेत असतो. सलमानने सुलतान या चित्रपटासाठी प्रचंड वजन वाढवले होते. . भूमी पेडणेकर (दम लगाके हाईशा) : भूमीने तिच्या पहिल्याच चित्रपटासाठी १५ किलो वजन वाढवले होते. दम लगाके हाईशा या चित्रपटातील तिच्या भूमिकेला अनेक पुरस्कार देखील मिळाले. केवळ चित्रपटातील भूमिकेसाठी तिने वजन वाढविण्याचे ठरविले होते. या चित्रपटानंतर तिने जवळपास २० किलो वजन कमी केले आहे. आता भूमी आपल्याला एकदम फिट अंदाजात दिसते. आमीर खान (दंगल) : आमीर खान नेहमीच चित्रपटांमध्ये वेगळे प्रयोग करण्यासाठी ओळखला जातो. आमीरच्या प्रत्येक चित्रपटात आपल्याला त्याचा वेगळा अंदाज दिसतो. आगामी दंगल या चित्रपटासाठी आमीरने चक्क २२ किलो वजन वाढवले आहे. ६८ किलो वरुन आमीर थेट ९० किलोवर जाऊन पोहोचला आहे. यासाठी त्याने आहारात बरेच बदल केले होते. मिस्टर परफेक्शनीस्ट ही पदवी आमीरला उगाचच मिळाली नाही हेच खरे. आर. माधवन (साला खडुस) : रेहेना है तेरे दिल मै या चित्रपटातील आर माधवनच्या भूमिकेला प्रेक्षकांनी पसंत केले होते. या चित्रपटानंतर माधवन फारसा काही बॉक्स आॉफिसवर चालला नाही. आर. माधवननेही नुकत्याच येऊन गेलेल्या साला खडूस या चित्रपटासाठी बरेच वजन वाढवले होते. या चित्रपटातील माधवनच्या भूमिकेचे विषेश कौतुकदेखील करण्यात आले. रणबीर कपूर (संजय दत्त बायोपिक) : संजय दत्तच्या जीवनावर चित्रपट येणार असल्याची जोरदार चर्चा सिने इंडस्ट्रीत सध्या सुरू आहे. या चित्रपटामध्ये संजू बाबाची भूमिका रणबीर कपूर साकारणार आहे. या चित्रपटासाठी रणबीर वजन वाढवणार असल्याचेही बोलले जाते आहे. आता संजय दत्तचा रोल करायचा म्हणजे संजू बाबासारखे दिसायला नको का? म्हणूनच रणबीर या भूमिकेला न्याय देण्यासाठी वजन वाढवणार आहे.

Bollywood Actress: कुटुंबीयांच्या विरोधात जाऊन लग्न, प्रेमासाठी धर्म बदलला अन्...; अभिनेत्रीचा झाला दुर्दैवी अंत ...

Neha Pendse : अभिनेत्री नेहा पेंडसेचं लेटेस्ट फोटोशूट चर्चेत आले आहेत. ...

गौरव मोरे आता स्वतःसोबत वनिता खरातलाही 'चला हवा येऊ द्या'मध्ये घेऊन जाणार का, असं विचारलं असता गौरव काय म्हणाला? ...

'सोनपरी'मधील फ्रूटी आठवतेय? अभिनेत्रीला आता दिसते फारच सुंदर, फोटो पाहा ...

प्रत्येकानं एकदा तरी पाहावेत असे सुपरहिट चित्रपट! ...

IND vs PAK Asia Cup 2025: भारत आणि पाकिस्तान आशिया कप २०२५साठी एकाच गटात आहेत ...

Joe Root Is Now In The Top Three Run Scorers In History Of Test Cricket : एक नजर कसोटीत सर्वाधिक धावा करणाऱ्या आघाडीच्या पाच फलंदाजांच्या रेकॉर्डवर ...

इथं एक नजर टाकुयात अशा लढवय्या क्रिकेटर्संवर जे गंभीर जखमी झाल्यावरही मैदानात उतरुन लढले ...

इथं एक नजर टाकुयात इंग्लंडच्या मैदानात १००० धावा करणाऱ्या फलंदाजांच्या खास रेकॉर्डवर ...

most maiden overs in Tests: कसोटी क्रिकेटमध्ये भारतासाठी सर्वाधिक मेडन ओव्हर्स गोलंदाजांबद्दल जाणून घेऊयात. ...

...

Sabudana-free upvas dishes: Upvas recipes without sabudana: यंदा श्रावणात तुम्ही देखील उपवास करत असाल तर साबुदाण्याऐवजी हे ५ पदार्थ खा. ...

...

भूमिकेसाठी कलाकार झाले वजनदार

जिममध्ये जाऊन व्यायाम, योगा, सायकलींग असे बरेचसे प्रकार करताना आपल्याला कलाकार दिसतात. एवढेच नाही तर सिक्स पॅक ...