Latest Entertainment News | Bollywood and Hollywood News in Marathi | Marathi Movies and Celebrities | बॉलीवुड & मराठी चित्रपट

अबोली कुलकर्णी ‘झेंडा’, ‘सरकारराज’ या चित्रपटांच्या माध्यमातून मराठी, हिंदी चित्रपटसृष्टीत धडाकेबाज अभिनय साकारणाऱ्या राजेश शृंगारपुरे यांचा एक हिंदी सिनेमा येतो आहे. अर्जुन रामपाल निर्मित ‘डॅडी’ या बायोपिकमध्ये ते आपल्याला दिसणार आहेत. अर्जून रामपालची या चित्रपटात महत्त्वाची भूमिका असून राजेशही त्यांच्यासोबत महत्त्वाच्या भूमिकेत दिसणार आहे. या चित्रपटाविषयी आणि एकंदरीतच अनुभवाविषयी राजेश शृंगारपुरे यांच्याशी मारलेल्या या मनमोकळया गप्पा...* ‘डॅडी’ या आगामी हिंदी चित्रपटाबद्दल काय सांगाल?- सत्तरीच्या दशकातील मुंबई, तेव्हाचे एकंदरितच सामाजिक आणि राजकीय ढवळाढवळ ही ‘डॅडी’ मधून मांडण्याचा प्रयत्न करण्यात आलाय. या चित्रपटाच्या स्क्रिप्टवर अर्जुन रामपाल तीन वर्षे काम करत होते. मुंबईचा डॉन असलेल्या अरुण गवळी यांच्या जीवनावर आधारित हा चित्रपट असून या डॉनची उत्पत्ती कशी झाली? त्याचा प्रवास पडद्यावर अनुभवायला प्रेक्षकांना नक्कीच आवडेल.* अर्जुन रामपाल यांच्यासोबत काम करण्याचा अनुभव कसा होता?- अरूण गवळी यांची भूमिका उत्कृष्ट जमण्यासाठी अर्जुन रामपाल यांनी विशेष तयारी केली होती. त्यांनी अरूण गवळींसारखं प्रोस्थेटिक नाक तयार करून घेण्यासाठी इटलीहून काही विशेष तज्ज्ञांना बोलावून नाकाची सर्जरी करून घेतली होती. हुबेहुब डॅडीची भूमिका साकारण्यासाठी त्यांनी वजनही कमी केलं. त्यांनी उत्कृष्ट मराठी बोलण्यासाठी शिकवण्या देखील घेतल्य. सेटवर आम्हाला त्यांची मेहनत दिसून येत असायची.* चित्रपटातील तुमच्या भूमिकेविषयी काय सांगाल?- मी साकारत असलेली भूमिका म्हणजे रमा नाईक. त्याकाळचा सर्वात प्रसिद्ध गँगस्टर, याआधीही मी गँगस्टरची भूमिका केली होती. मात्र, रमा नाईक हा गँगस्टर प्रचंड वेगळा होता. त्याचे राहणीमान, हेअरस्टाईल ही एकदम जुन्या काळातील हिरोंप्रमाणे दाखवण्यात आली आहे. राजेश खन्ना, जितेंद्र यांचे राहणीमान कसे होते? त्याप्रमाणे रमा नाईकचा लूक तुम्हाला नक्कीच रेट्रो काळात घेऊन जाईल.* आत्तापर्यंत तुम्ही अनेक दिग्दर्शकांसोबत काम के ले आहे. पण, आशिम अहलुवालिया यांच्यासोबत काम करण्याचा अनुभव कसा होता?- दिग्दर्शक आशिम अहलुवालिया यांच्यासोबत काम करण्याचा अनुभव मजेशीर होता. अनेकवेळा असं व्हायचं की, शॉट ओके व्हायचा. तरी पण ते पुन्हा एकदा रिटेक घ्यायचे. शॉट तर चांगला झाला तरी तुम्ही परत का शॉट शूट करत आहात? असं विचारलं की, मग ते म्हणायचे,‘मला तुमच्या अभिनयातून ‘हिरोईजम’ नको आहे. तुम्ही नॉर्मल लोकांप्रमाणेच सेटवर वावरायचं आहे. तुम्ही तुमचं कॅरेक्टर जगायचं आहे. तुम्ही काही गुंड नाही आहात. त्यांच्यातीलही साधेपणा तुम्हाला जपायचा आहे.’ असे ते आम्हाला सांगायचे. त्यामुळे खूप मजा आली, खुप गोष्टी शिकता आल्या. * गँगस्टरच्या भूमिकेसाठी तुम्ही काय काय मेहनत घेतलीस? तसेच भाषेत कराव्या लागणाऱ्या बदलाविषयी काय सांगाल?- माझा जन्म मुंबईतलाच. मुंबईतच मी लहानाचा मोठा झालो. त्यामुळे मुंबईतली भाषा चांगलीच अवगत होती. मराठी कम हिंदी अशी रमा नाईकची भाषा होती. आणि त्यात साहजिकच गुंडाचा टोन असायचा. मी पक्का मुंबईकर असल्याने मला भाषेचा अडसर आला नाही. आम्ही अगदी साधेपणाने मुंबईचे डॉन वाटण्यासाठी भाषेवर मेहनत घेतली.* स्क्रिप्ट निवडताना तुम्ही कोणत्या गोष्टींची काळजी घेता?- स्क्रिप्ट निवडत असताना मी प्रकर्षाने पटकथा आणि कथा यांच्याकडे लक्ष देतो. ती जर चांगली असेल तर मग मी वेळ लावत नाही. लगेचच चित्रपट साईन करत असतो. शेवटी आपली भूमिका कशी आहे, चित्रपटात तिचा किती वावर आहे, याकडेही मी लक्ष देतो.

रणवीर सिंगचा 'धुरंधर'

बिग बॉस मराठी ६

Year Ender 2025

सेलिब्रिटी वेडिंग

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :29 Years in Industry :२९ वर्षांपूर्वी स्वत:ला दिलेले एक वचन सलमान खान आजपर्यंत पाळतोय!!

बॉलीवुड :नर्गिस फाखरीने दिली ‘ब्रेकिंग न्यूज’, स्वत:च सांगितले ‘त्या’ फोटोमागील सत्य!

बॉलीवुड :का नकोत इमरान हाश्मीला बोल्ड सिनेमे!

बॉलीवुड :हा घ्या पुरावा! प्रियांका चोप्राचा बॉलिवूड सिनेमा पक्का!!

मराठी सिनेमा :नाशिकमध्ये सेलिब्रिटींचा गणेशोत्सव, पहा फोटो!

बॉलीवुड :कचराकुंडीत सापडली होती मिथुन चक्रवर्तीची मुलगी! आता दिसते अशी!!

बॉलीवुड :पुन्हा ‘या’ खानने ‘सिंघम’शी घेतला ‘पंगा’! असे केले tweet की, अजय देवगणचा होणार तिळपापड!!

केआरके अर्थात कमाल आर खान याला कोण ओळखत नाही? खरे तर लोकांनी ओळखावे, असे केआरकेने काहीही केलेले नाही. पण ... ...

बॉलीवुड :राधिका आपटेचे फेसबुक अकाऊंट झालेयं हॅक !

बॉलीवुड :दोन आठवड्यानंतर इशा गुप्ताने पुन्हा शेअर केला अतिशय बोल्ड फोटो !

मराठी सिनेमा :गँगस्टरची भूमिका साकारणं म्हणजे चॅलेंजच ! - राजेश शृंगारपुरे