Marathi Movies | मराठी चित्रपट | Marathi Cinema News & Gossip in Marathi | Marathi Actress & Actors News | Movie Reviews & Box Office Collection | Songs, Trailers & Videos

ज्या घरात साक्षात सरस्वतीचा वास आहे. संगीताचा समृद्ध वारसा ज्या घराण्याला लाभलाय असं घराणं म्हणजे मंगेशकर घराणं. या घराण्याची तिसरी पिढीचं प्रतिनिधीत्व करणारी गायिका म्हणजे राधा मंगेशकर.वडिल हृदयनाथ मंगेशकर, आत्या लता मंगेशकर, आशा भोसले, उषा मंगेशकर या दिग्गजाचा सहवास लाभलेली राधा आता संगीत क्षेत्रात स्वतःचं असं वेगळं स्थान निर्माण करतेय. मंगेशकर घराण्यातील एक सदस्य ही गोष्ट सोडल्यास राधाच्या जीवनातील ब-याच गोष्टी अशा आहे की आजवर कुणालाही माहित नाही. याच विषयी जाणून घेण्यासाठी खुद्द राधा मंगेशकर हिच्याशी साधलेला हा संवाद. मंगेशकर घराण्याला संगीताचा समृद्ध वारसा लाभलाय. अशा परिस्थितीत तूसुद्धा संगीत क्षेत्रात यावं असा काही खास आग्रह होता का ?घरातच संगीत असल्यामुळं वडिल हृदयनाथ मंगेशकर आणि आत्या यांना परफॉर्म करताना पाहायचे तेव्हा वाटायचं की आपणही स्टेज शो करावेत. त्याबद्दल एक आकर्षण वाटायचं आणि मग त्यामुळंच मीही संगीत शिकायला सुरुवात केली.. घरातून कधीही आग्रह नव्हता की हेच कर, तेच कर.. मला माझं पूर्ण स्वातंत्र्य होतं.. आजही माझ्यावर कोणत्याही गोष्टीचं दडपण नाही. वडिल पं.हृदयनाथ मंगेशकर यांच्याकडूनच मी संगीत शिकले.. ते खूप कडक शिस्तीचे आहे तरीही तितकेच कूलही आहेत.. त्यांची शिकवण्याची पद्धत जुनी असली तरी मीसुद्धा आवडीनं शिकत गेले.. ते जे काही शिकवायचे ते लक्षपूर्वक आत्मसात करत गेले. लतादीदी असो किंवा आशाताई यांनी वैयक्तीकरित्या काही शिकवलं नाही. त्यांना बघत बघत शिकत गेले.. गाणं शिकताना घरातलं वातावरण कसं होतं.. पुढे गाणं शिकल्यानंतर काही अडचणींचा सामना करावा लागला का ? आमचं घर खूप शिस्तप्रिय आहे. त्यामुळं मी प्रामाणिकपणे आणि मन लावून सगळ्या गोष्टी आत्मसात करत गेले. सुरुवातीला माझ्या गाण्यावर बरेच आक्षेप आणि टीकाही झाली.लहानपणी गाण्याची तितकी ताकद म्हणा किंवा क्षमता नव्हती. त्यामुळं अनेकांनी त्यावर टीका केली.. मात्र त्याकडे लक्ष न देता मी रियाज करत गेले. आजवर जे मला पटलं तेच मी केलं आणि यापुढेही तेच करत राहणार.. लोक काय म्हणतील याची पर्वा न करता जे आवडेल ते करायचंय.गाणं शिकायला सुरुवात केल्यापासून ते आजवर तुला काय काय बदल जाणवले ?जेव्हापासून गाणं शिकायला सुरुवात केली तेव्हापासून ते आजवर बरेच बदल पाहायला मिळालेत.. स्ट्रगल हा कुणालाही चुकलेला नाही.. तसा स्ट्रगल माझ्या जीवनातही आला.. माझा सांगितीक प्रवासही तितकाच खडतर होता.. या काळात मला ब-याच गोष्टींचा त्यागही करावा लागला.. ब-याच गोष्टींचा सामनाही करावा लागला. अनेकांच्या टीकेचा सामना केला तर काहींनी नाऊमेद करण्याचाही प्रयत्न केला.. मात्र त्यामुळं जराही खचले नाही आणि मूळात गाणं सोडलं नाही. परिणामी गेल्या 7-8 वर्षांत मला बदल पाहायला मिळतोय.. रसिकांना माझं गाणं आवडतंय आणि त्यांच्याकडून कौतुकसुद्धा होतंय.. प्रत्येकाच्या अडचणीच्या काळात आणि स्ट्रगलच्या काळात साथ देणारे तसे कमीच असतात.. मात्र तुझ्याबाबतीत या काळात तुला कुणी आधार दिला ? एका कलाकाराला खंबीर असणं खूप महत्त्वाचं आहे.. जीवनात कायम अनेक चढउतार येत असतात.. याच स्ट्रगलच्या काळात मला साथ लाभली ती माझे वडील, आई आणि माझ्या मैत्रिणीची... माझी आई एक चांगली अभिनेत्री होती.. तिनं अनेक नाटकांत कामसुद्धा केलंय.. तिचंही तितकंच मोठं नाव होतं.. मात्र लग्नानंतर तिनं संपूर्ण वेळ कुटुंबाला दिला.. स्वतःच्या करियरचा तिनं कधीही विचार केला नाही.. ती खूप देवभोळी आहे. देवावर तिचा प्रचंड विश्वास असून ती आमच्यासाठी खूप काही करते.. माझ्या आईप्रमाणे माझ्या जीवनात माझ्या एका मैत्रिणीचंही मोलाचं स्थान आहे.. तिचं नाव आहे निशीता बावडेकर.. माझ्या करियरमध्ये तिचा खूप मोठा वाटा आहे.. तिनं मला खूप सुख दिलंय.. तिची साथ नसती तर ब-याच गोष्टी खूप कठीण गेल्या असत्या.. ती आहे म्हणून माझं आयुष्य खूप सुंदर आहे.. संगीताशिवाय राधा सध्या आणखी काय करतेय ? तिला काय काय करायला आवडतं ? सध्या मी इंडियन सायकॉलॉजी या विषयात पीएचडी करतेय.. काही दिवसात पीएचडी होईलसुद्धा.. मात्र दरम्यानच्या काळात अनेकांनी मला विचारलं की संगीतामध्ये पीएचडी का नाही केली? मात्र मला समजत नाही की संगीतामध्ये पीएचडी कशी करणार ? कारण संगीताला कोणतीही थिअरी नसते.. थिअरी असेल तरी ती मी मानत नाही. कारण राग, यमन हे काय पेपरवर लिहून कळणार का ? ते मुळात गाता आलं पाहिजे.. गाण्याव्यतीरिक्त मला फिरायला आवडतं... आजवर मी अख्खं जग फिरलेय असं म्हटलं तर चुकीचं ठरणार नाही. आता फक्त काही देश राहिलेत जिथं मी गेले नाही.. जेवढं जग फिरले त्यातून बरंच काही शिकायला मिळालंय.. याशिवाय इतिहास जाणून घ्यायलाही आवडतं.. मोकळ्या वेळात राधाला काय काय करायला आवडतं.. ?मोकळ्या वेळात मला संगीत ऐकायला आवडतं... मला खासकरुन जुनं संगीत आवडतं.. 50, 60, 80 आणि 90च्या दशकातील गाणी खूप आवडतात.. शंकर जयकिशन, मोहम्मद रफी, कुमार गंधर्व यांची गाणी आवडतात.. नवीन गायकांपैकी सुनीधी चौहानचं गाणं आवडतं.. याशिवाय मला लिखाणही करायला आवडतं.. मात्र आजवर कधी केलेलं नाही.. संधी मिळाल्यास जरुर करायला आवडेल.. कारण लिहण्यासारख्या ब-याच गोष्टी आहेत.. या गोष्टी मला माझ्या लिखाणातून उलगडायला आवडतील.. अनेकजण सल्ला देतात की मंगेशकर कुटुंबावर का नाही लिहीत.. ? पण माझं कुटुंब, त्यांच्याविषयी सगळ्यांना माहिती आहे.. जे जे मी जगले ते ते सगळ्यांसोबत नाही शेअर करायचंय.. माझ्या घरातील दिग्गजांच्या कलेवर लिहणारी बोलणारी मी कुणीही नाही.. कारण त्यांची कामगिरी खूप खूप मोठी आहे.. माझ्या वैयक्तीक गोष्टींवर मी का लिहू?, माझी वैयक्तीक माहिती मी का सांगू.. मला ते पटत नाही. मध्यंतरी भारतरत्न लतादीदी, सचिन तेंडुलकर यांचा तन्मय भट्ट नावाच्या व्यक्तीनं अवमान केला होता.. यावर मंगेशकर कुटुंबीयांकडून कोणतीही प्रतिक्रिया नव्हती आली.. तर तुझं त्यावर काय मत आहे.. ?माझं या गोष्टीवर स्पष्ट मत आहे की रिएक्टच होऊ नये.. त्याकडे दुर्लक्ष करा हे सगळ्यात बेस्ट.. ज्या गोष्टी आपल्या हातात नाहीत त्याला आपण काहीच करु शकत नाही. खरं सांगायचं तर मी मूळात वर्तमानपत्र वाचत नाही, न्यूज चॅनल पाहत नाही, अगदीच काही मोठं असेल तर बघते.. बाकी कोणाकडून काही कळलं तर तितकंच.. बाकी काही नाही.. तुझ्या शो विषयी जाणून घ्यायला आवडेल ?सध्या माझे दोन शो सुरु आहेत.. 'काहे मीरा सूर कबीरा' आणि 'रवींद्र संगीत'.. काहे मीरा... या शोमध्ये संतांची महती, त्यांचा काळ उलगडण्याचा प्रयत्न केलाय.. त्याचे 25 शो झालेत.. तर रवींद्र संगीतमध्ये टागोरांनी संगीतबद्ध केलेलं संगीत मांडलंय.. हे दोन्ही शो स्क्रीप्टेड नाहीत.. शो करताना जे सुचतं ते बोलते.. सूत्रसंचालन आणि गाणं या माध्यमातून रसिकांशी संवाद साधते.. संगीताच्या माध्यमातून संतांची महती सांगणं खूप आवडतं आणि तितकंच ते आव्हानात्मकही वाटतं.. तुला स्टेजशो करायला आवडतं की रेकॉर्डेड ?मला स्टेज शो करायला आवडतात.. लाइव्ह परफॉर्म करायला आवडतं कारण लाइव्हमध्ये जी मजा आहे ती रेकॉर्डेडमध्ये नाही.. आजही मला स्टेजवर शो सुरू होतांना खूप भिती वाटते.. ही भीती असणंही तितकंच महत्त्वाचं असतं.. कारण अतिआत्मविश्वास कधी कधी घातकही ठरु शकतो.. आजच्या पिढीची विचारसरणीच मला पटत नाही.. कुणावर वैयक्तीक टीका नाही.. पण नव्या पीढीची विचारसरणी आणि माझी विचारसरणी मेळच होऊ शकत नाही. नव्या पीढीला माझ्या कित्येक गोष्टी आवडत नसतील.. मात्र ट्रेंडपेक्षा मला तर जुन्या गोष्टी जपायला आवडतात.. यश म्हणजे तुझ्यासाठी काय आहे ?यश मिळवणं म्हणजे फक्त पैसा, प्रसिद्धी मिळवणं इतकंच नाही. त्याला तर मी यश मानतच नाही. जी गोष्ट मला करायचीय ती मी पूर्ण केली ते माझ्यासाठी यश आहे.. मानसिक समाधान हे माझ्यासाठी खूप महत्त्वाचं आहे.. पैशासाठी मी कधीच गायले नाही आणि ना तसं ध्येय आहे.. नव्या पिढीची तू प्रतिनिधी आहेस.. तर सध्या सुरु असलेल्या म्युझिक रियालिटी शोबद्दल तुला काय वाटतं. ?रियालिटी शो ही संकल्पना चांगली आहे.. सध्या स्पर्धेच्या युगात व्यासपीठ मिळणं खूप कठीण झालंय.. या शोच्या निमित्ताने ते मिळतंय ही चांगली गोष्ट आहे.. स्पर्धेत हरलेले स्पर्धकसुद्धा चांगली कामं करतायत.. त्यांनाही कामं मिळतायत.. रियालिटी शोचा अतिरेकही तितकाच होतोय.. मात्र कुणाचं तरी भलं होतंय हीच काय ती समाधानाची बाब.Suvarna.jain@lokmat.com

रणवीर सिंगचा 'धुरंधर २'

बिग बॉस मराठी ६

विजय देवराकोंडा-रश्मिका मंधानाची लगीनघाई

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

मराठी सिनेमा :'कस्पाट’ मधून शेतक-यांच्या प्रश्नांवर नजर

मराठी सिनेमा :अमृता फडणवीसचे पुन्हा मराठी चित्रपटात पार्श्वगायन

मराठी सिनेमा :तू आणि मी...चित्रपटाचे गाणे प्रदर्शित

मराठी सिनेमा :दुर्गाची इंटरनॅशनल फिल्म फेस्टिव्हलमध्ये भरारी

मराठी सिनेमा :सखीचा हॉट लूक

मराठी सिनेमा :सई ताम्हणकरच्या ‘वायझेड’ चित्रपटाचा ट्रेलर लॉन्च

मराठी सिनेमा :सैराट सारख्या चित्रपटांमुळे बलात्काराच्या प्रमाणात वाढ- भाजपा आमदार

मराठी सिनेमा :Exclusive सिद्धार्थ-स्पृहा गारठले पावसात

प्रियांका लोंढे बेधुंद बरसणाºया ... ...

मराठी सिनेमा :Video क्रांतीचो मालवणी धुमशान

हिंदी गाणं क्रांती जेव्हा मालवणीत गाते. ...

मराठी सिनेमा :दिलखुलास राधा मंगेशकर