Marathi Movies | मराठी चित्रपट | Marathi Cinema News & Gossip in Marathi | Marathi Actress & Actors News | Movie Reviews & Box Office Collection | Songs, Trailers & Videos

पाकिस्तानमध्ये भारतीय चित्रपटाच्या प्रदर्शनावरून नेहमीच वाद रंगत असतो. भारतीय चित्रपट प्रदर्शित केला जाऊ नये असे तेथील अनेकांचे मत आहे. पण कलेला देशातील मतभेदांमध्ये आणले जाऊ नये असे मानणारा देखील एक गट पाकिस्तानमध्ये आहे. भारतात पाकिस्तानपेक्षा चित्रपटसृष्टी अधिक प्रगत आहे. तसेच आपले चित्रपट देशभरातील अनेक फेस्टिव्हलमध्ये देखील दाखवले जातात. पण पाकिस्तान यासाठी अपवाद आहेत. कारण आपल्यासारखे फिल्म फेस्टिव्हल्स पाकिस्तानमध्ये होत नाहीत. पण पहिल्यांदाच पाकिस्तानमध्ये एक फिल्म फेस्टिव्हल होणार असून त्यात जगभरातील चित्रपट दाखवण्यासोबतच काही भारतीय चित्रपट देखील दाखवण्यात येणार आहेत. हे पाकिस्तान इंटरनॅशनल फिल्म फेस्टिव्हल कराची येथे होणार असून भारतातील काही महत्त्वाच्या चित्रपटांची या फेस्टिव्हलसाठी निवड करण्यात आली आहे. भारतीय चित्रपटसृष्टीत आजवर बॉक्स ऑफिसवर सगळ्यात जास्त गल्ला जमवलेला बाहुबली तसेच नागराज मंजुळे यांचा सैराट हे चित्रपट पाकिस्तान इंटरनॅशनल फिल्म फेस्टिव्हल येथे दाखवले जाणार आहेत. या चित्रपटासोबतच या फेस्टिव्हलसाठी डिअर जिंदगी, आखों देखी, हिंदी मीडियम, कडवी हवा, निलबटे सन्नाटा, साँग्स ऑफ स्कॉरपियन्स या चित्रपटांची निवड करण्यात आली आहे. बाहुबली या चित्रपटाचे लेखक आणि दिग्दर्शक एस. एस. राजामौली यांनी ट्वीट करून याबाबत सांगितले आहे. त्यांनी ट्वीटमध्ये म्हटले आहे की, बाहुबली या चित्रपटामुळे मी आजवर अनेक देशांमध्ये फिरलो आहे. आता मी या चित्रपटाच्या निमित्ताने पाकिस्तानला जाणार आहे. पाकिस्तान इंटरनॅशनल फेस्टिव्हलमध्ये आम्हाला आमंत्रित केल्याबद्दल धन्यवाद... सैराट या चित्रपटाने आजवर मराठी चित्रपटसृष्टीतील अनेक रेकॉर्ड मोडले आहेत. सैराट या चित्रपटात रिंकू राजगुरू आणि आकाश ठोसर यांच्या मुख्य भूमिका आहेत. या दोघांचाही हा पहिला चित्रपट असला तरी त्यांच्या अभिनयाचे चांगलेच कौतुक झाले होते. सैराट या चित्रपटाचे कौतुक केवळ मराठी चित्रपटक्षेत्रातीलच नव्हे तर बॉलिवूडमधील मंडळींनी देखील केले होते. या चित्रपटातील गाणी तर रसिकांनी अक्षरशः डोक्यावर घेतली होती. पाकिस्तान इंटरनॅशनल फिल्म फेस्टिव्हल मध्ये मराठी चित्रपट निवडला गेला असल्याने मराठी चित्रपटसृष्टीसाठी ही अभिमानाची गोष्ट आहे.

प्रिया-उमेशच्या 'बिन लग्नाची गोष्ट'

बिग बॉस १९

सेलिब्रिटी बाप्पा २०२५

'बागी ४' चर्चेत

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

मराठी सिनेमा :'नायक' अनिकेत विश्वासरावला टोळक्याकडून लाखोंचा गंडा,म्हणतो कसं जगायचं.... कुणी सांगेल का मला?

मराठी सिनेमा :‘हम आपके हैं कौन?’प्रमाणे लग्न सोहळ्याची धम्माल, लवकरच आगामी मराठी सिनेमातही

मराठी सिनेमा :सिद्धार्थ आणि मितालीचं व्हेकेशन इन गोवा,सोशल मीडियावर शेअर केले खास फोटो

मराठी सिनेमा :एंटरटेनमेंट ट्रेड अवॉर्ड्स २०१८

मराठी सिनेमा :असेही एकदा व्हावे' चित्रपटासाठी उमेश-तेजश्रीने केले खास वर्कशॉप

मराठी सिनेमा :मनाचा ठाव घेणारा कौटुंबिक चित्रपट ‘तुला पण बाशिंग बांधायचंय’

मराठी सिनेमा :अमेय वाघ आणि निपुण धर्माधिकारी दिसणार हिंदी चित्रपटात

मराठी सिनेमा :‘बबन’ सिनेमावरचे ‘मेकिंग ऑफ बबन’ पुस्तक प्रकाशित

मराठी सिनेमा :बबन या चित्रपटाने आतापर्यंत केली इतकी कमाई

मराठी सिनेमा :पाकिस्तानमध्येही झळकणार नागराज मंजुळेचा सैराट