नॅशनल शॉर्ट फिल्म फेस्टीवलचे आयोजन

न�

��टक, मालिका, चित्रपटांप्रमाणेच शॉर्ट फिल्मदेखील सध्या मोठया प्रमाणावर येऊ लागल्या आहेत. या शॉर्ट फिल्म्स या प्रेक्षकांच्या पसंतीस उतरताना दिसत आहे. म्हणजेच वेबसीरीजप्रमाणेच शॉर्ट फिल्म्सचा जमाना आहे असे म्हणण्यास हरकत नाही. शॉर्ट फिल्म्सच्या माध्यमातून नवोदित कलाकारांना एक व्यासपीठ मिळत असतं म्हणूनच या  हेतूने द गोल्ड पिरामिड पिक्चर्स आणि ग्रीन वूड क्रिएशन मार्फत नवोदित कलाकार आणि दिग्दर्शकासाठी एक हक्काचे व्यासपीठ मिळावे म्हणून ९ फेब्रुवारी २०१७ रोजी केशर टॉकीज इंदापूर येथे नॅशनल शॉर्टफिल्म फेस्टीवलचे आयोजन करण्यात आलेआहे. संपूर्ण महाराष्ट्रातून तसेच गुजरात, कोलकत्ता, तामिळनाडू, नवी दिल्ली आणि ओडिशा या राज्यातील शॉर्ट फिल्म फेस्टिवलमध्ये दाखविण्यात येणार आहेत अशी माहिती फेस्टीवलचे दिग्दर्शक सोमनाथ जगताप यांनी दिली. सहभागी होणाºया स्पर्धत उत्कृष्ट दिग्दर्शक, लेखक, अभिनय, संगीत अशा विविध गटांतील स्पर्धकांना प्रमाणपत्र आणि स्मृतिचिन्ह देऊन गौरवण्यात येणार आहे तसेच प्रथम उत्कृष्ट शॉर्टफिल्मसाठी १५ हजार रुपए पारितोषिक व स्मृतिचिन्ह, द्वितीय उत्कृष्ट शॉर्टफिल्मसाठी १० हजार रुपए पारितोषिक व स्मृतिचिन्ह,  तृतीय उत्कृष्ट शॉर्टफिल्मसाठी ८ हजार रुपए पारितोषिक व स्मृतिचिन्ह देऊन गौरवण्यात येणार आहे. तरी या फेस्टीवलच्या माध्यमातून शहरी कलाकरांप्रमाणे ग्रामीण भागांतील नव नवे चेहरे आणि ठसकेबाज विषय घेऊन बनवलेल्या शॉर्ट फिल्म आपल्याला पहायला मिळतील आणि यातूनच आपल्याला नवीन अभिनेते मिळतील. तसेच ग्रामीण भागांत शॉर्ट फिल्म म्हणजे नक्की काय असते हे समजायला मदत होईल त्यासाठीच आम्ही इंदापूर नॅशनल शॉर्ट फिल्म फेस्टीवलचे आयोजन केले आहे. त्याचप्रमाणे इंदापूर शहराचे नाव फेस्टीवलच्या माध्यमातून सर्व चित्रपट क्षेत्रात उंचावण्याचा प्रयत्न आम्ही करतोय.