ही चिमुरडी होती एक कोटी मानधन घेणारी पहिली अभिनेत्री, तिच्या प्रसिद्धीसमोर रवीना-माधुरीही होत्या फिक्या

Bollywood Actress : ती पहिली बॉलिवूड अभिनेत्री आहे जिला सुपरस्टारचा दर्जा मिळाला आणि ज्याला लेडी अमिताभ बच्चन देखील म्हटले जायचे.

बॉलिवूडमध्ये अनेक स्टार्स आले आणि गेले, पण फोटोत दिसणाऱ्या या चिमुरडीने सिनेइंडस्ट्रीत मिळवलेला दर्जा मिळवणे सोपे नाही. ती पहिली बॉलिवूड अभिनेत्री आहे जिला सुपरस्टारचा दर्जा मिळाला आणि ज्याला लेडी अमिताभ बच्चन देखील म्हटले जायचे. या मुलीचे नाव दक्षिणेपासून ते हिंदी चित्रपट जगतात प्रसिद्ध होते. रजनीकांत, कमल हासन आणि शतकातील महानायक अमिताभ बच्चन (Amitabh Bachchan) सारखे स्टार्सही तिच्यासोबत प्रत्येक अटीवर काम करण्यास तयार होते. रजनीकांत आणि कमल हसन सारखे स्टार्स या अभिनेत्रीचे चांगले मित्र होते. तर अमिताभ बच्चन यांनी तिच्यासोबत अनेक वेळा हिट चित्रपट दिले.

निरागस चेहरा आणि गोंडस हास्य असलेली ही चिमुरडी म्हणजे श्रीदेवी (Sridevi). जिच्यासोबत त्या काळातील प्रत्येक स्टार काम करण्यासाठी आतुर होता. पण श्रीदेवी स्वतःच्या अटींवरच काम करायची. खुदा गवाह हा देखील असाच एक चित्रपट आहे ज्यामध्ये निर्मात्यांना फक्त श्रीदेवीलाच कास्ट करायचे होते. पण श्रीदेवीने काम करण्यास नकार दिला. त्यावेळी स्वतः अमिताभ बच्चन यांनी तिची समजूत काढण्याचे बरेच प्रयत्न केले होते. श्रीदेवी – द इटरनल स्क्रीन देवी या पुस्तकात या घटनेचा उल्लेख आहे. जेव्हा अमिताभ बच्चन यांनी तिची समजूत काढण्यासाठी फुलांचा वर्षाव केला होता. त्यावेळी श्रीदेवीने चित्रपट करण्यास होकार दिला पण एक अट टाकली होती.

अमिताभ बच्चन अभिनीत चित्रपटात तिला किती स्क्रीन स्पेस मिळेल हे श्रीदेवीला चांगलेच माहीत होते. अमिताभ बच्चन यांचे प्रयत्न पाहून तिने चित्रपट करण्यास होकार दिला पण एक अट ठेवली. या चित्रपटात ती आई आणि मुलगी या दोघींची भूमिका साकारणार अशी अट होती. याला चित्रपटाच्या निर्मात्यांनी होकार दिला. आणि श्रीदेवी अमिताभ बच्चन यांच्यासोबत खुदा गवाह या चित्रपटात नायिकेच्या भूमिकेत दिसली होती आणि त्यानंतर ती तिच्या मुलीच्या भूमिकेतही चित्रपटात दिसली.

नायकापेक्षा जास्त मानधन घेणारी अभिनेत्री

तुम्हाला हे जाणून आश्चर्य वाटेल की श्रीदेवी ही एकमेव बॉलिवूड अभिनेत्री होती जिच्यासाठी मोठे दिग्दर्शक साईन करण्यासाठी रांगेत उभे असत. तिला त्यांच्या चित्रपटांमध्ये कास्ट करण्यासाठी, दिग्दर्शक तिला नायकापेक्षा जास्त मानधन देण्यास तयार होते. त्यावेळी रवीना आणि माधुरी या तिच्या काळातील सर्वाधिक हिट अभिनेत्रींपेक्षा तिची मागणी जास्त होती.