​हे आहे ईशा देओल आणि भरत तख्तानीच्या मुलीचे नाव

ह�

��मा मालिनी आणि धर्मेंद्र यांची लाडकी लेक अभिनेत्री ईशा देओलने एका गोंडस बाळाला रविवारी रात्री सव्वा अकरा वाजता जन्म दिला. सध्या ईशा देओल आणि तिचे पती भरत तख्तानी यांच्यावर शुभेच्छांचा वर्षाव होतोय. ईशा आणि भरत यांचे हे पहिलेच मूल आहे. मुंबईतल्या हिंदुजा हॉस्पिटलमध्ये ईशाने गोंडस बाळाला जन्म दिला. ईशाला हिंदुजा हॉस्पिटलमधून डिस्चार्ज देखील देण्यात आला आहे. ईशा आणि तिचे पती भरत त्यांच्या परीला घेऊन घरी देखील आले आहेत. हॉस्पिटलच्या बाहेर आल्यावर ईशा आणि भरत यांनी मीडियाच्या प्रतिनिधींना फोटोसाठी पोझ देखील दिली होती. पांढऱ्या कपड्यांमध्ये त्यांच्या या चिमुकलीला त्यांनी लपेटलेले होते. तिचा चेहरा दिसू नये म्हणून भरतने तिला व्यवस्थित पकडले होते. या फोटोत इशा खूपच खूश असल्याचे आपल्याला दिसून आले होते. इशा या फोटोत स्पोर्टी लूकमध्ये दिसली होती. त्याचसोबत या फोटोत आपल्याला भरतचे आईवडील देखील पाहायला मिळाले होते. आता इशाने तिच्या चिमुकलीचे नामकरण देखील केले आहे. त्यांच्या परीचे नाव त्यांनी राध्या असे ठेवले आहे. 
भरतने मीडियाशी बोलताना सांगितले, आमच्या मुलीचे नाव राध्या असे ठेवण्यात आले असून मी आणि ईशाने मिळून हे नाव ठरवले आहे. तसेच फिल्म इंडस्ट्रीतील अनेकांनी आम्हाला शुभेच्छा दिल्या आहेत. तसेच ईशाच्या चाहत्यांनी देखील आमच्या चिमुकलीला भरभरून आशीर्वाद दिले आहेत. त्याबद्दल आम्ही सगळ्यांचे आभारी आहोत.
२०१२च्या फेब्रुवारीमध्ये ईशाने उद्योगपती भरत तख्तानीसोबत साखरपुडा केला होता. त्यानंतर काही महिन्यातच जूनमध्ये त्या दोघांनी लग्न केले होते. ईशाच्या लग्नात बॉलिवूडमधले अनेक सेलिब्रेटींनी हजेरी लावली होती. लग्नानंतर पाच वर्षांनी ईशा प्रेग्नंट असल्याची बातमी आई हेमा मालिनी यांनी ट्विटरद्वारे दिली होती. ईशाने ‘एलओसी कारगिल, युवा, धुम, आॅँखे आणि कॅश यांसारख्या चित्रपटांमध्ये काम केले आहे. लग्नानंतर ईशाने इंडस्ट्रीत राहण्यास फारसा उत्साह दाखविला नाही. ती २०१५ मध्ये कन्नड चित्रपट ‘केअर आॅफ फुटपाथ’मध्ये पाहावयास मिळाली होती. 

Also Read : ​हा पाहा ईशा देओलच्या मुलीचा पहिला फोटो