Netflix शोमध्ये माधुरीवर 'ती' आक्षेपार्ह कमेंट, जया बच्चन संतापल्या; 'अभिनेत्याला पागलखान्यात...'

'द बिंग बँग थिअरी' च्या दुसऱ्या सिझनमध्ये अभिनेता कुणाल नय्यर माधुरीबाबत आक्षेपार्ह कमेंट करतो.

हॉलिवूड कॉमेडी शो 'द बिग बँग थिअरी'मध्ये अभिनेत्री माधुरी दीक्षितवर (Madhuri Dixit) अपमानजनक टिप्पणी करण्यात आली आहे. शोच्या एका एपिसोडमध्ये ऐश्वर्या रॉय (Aishwarya Rai) आणि माधुरीची तुलना करताना माधुरीबद्दल आक्षेपार्ह शब्दाचा वापर करण्यात आला आहे. याविरोधात एका चाहत्याने नेटफ्लिक्सला नोटीस पाठवली आहे. या प्रकरणी आता अभिनेत्री आणि खासदार जया बच्चन (Jaya Bachchan) देखील संतापल्या आहेत.शो मधील अभिनेता कुणाल नायरला पागलखान्यात पाठवा अशी प्रतिक्रिया जया बच्चन यांनी दिली आहे.

'द बिंग बँग थिअरी' च्या दुसऱ्या सिझनमध्ये अभिनेता कुणाल नय्यर माधुरीचा उल्लेख 'लेपरस प्रॉस्टिट्युट' असा करतो. यावर आक्षेप घेत जया बच्चन यांनी प्रतिक्रिया दिली. त्या म्हणाल्या, 'कुणाल नय्यर हा माणूस वेडा आहे का? फारच वाईट वाणी आहे. त्याला तर वेड्यांच्या दवाखान्यात पाठवायला हवे. अशा कमेंटवर त्याच्या कुटुंबियाला काय वाटते हे विचारले पाहिजे.'

तर दुसरीकडे अभिनेत्री ऊर्मिला मातोंडकरही (Urmila Matondkar) याप्रकरणावर व्यक्त झाली आहे. ती म्हणाली, 'ही कसली फालतू कमेंट आहे. मला या एपिसोडबद्दल काही कल्पना नाही. त्यामुळे मी त्यावर कमेंट करणार नाही. पण जर हे खरं असेल तर नक्कीच हे फार भडकाऊ विधान आहे. हे त्याची नीच वृत्ती दाखवते. त्यांना हे खरंच मजेशीर वाटत असेल तर कठीण आहे.'

नक्की प्रकरण काय आहे वाचण्यासाठी खाली दिलेल्या लिंकवर क्लिक करा 

Netflix वरील एका शोमध्ये माधुरी दीक्षितचा अवमानकारक उल्लेख, चाहत्याने पाठवली कायदेशीर नोटीस