ईशाने स्वत:च उडवली साखरपुड्याची अफवा

/>प्रसिद्धी आणि लाईमलाईटमध्ये राहण्यासाठी काहीही करणारे बॉलिवूडमध्ये अनेक आहेत. आता ईशा गुप्ताबद्दलही काहीसे असेच म्हणावे लागेल. गेल्या अनेक दिवसांपासून ईशा गुप्ता लाईमलाईटमधून गायब होती. पण  काल तिने अचानक इंस्ट्राग्रामवर एक फोटो शेअर केला.  शिवाय, त्याने विचारले आणि मी हो म्हटले, असे कॅप्शनही दिले. तो फोटो होता बोटातील हिºयाच्या अंगठीचा. साहजिकच ईशाचा साखरपुडा झाला, असा या फोटोचा अर्थ काढून लोकांनी ईशाला शुभेच्छा देणेही सुरु केले. मात्र काही तासांतच ईशाने आपल्या साखरपुड्याच्या बातमीचे खंडन केले.  माझा साखरपुडा झालेला नाही, तर मी एका ज्वेलरी ब्रांडची शूटींग करीत होती व लोकांना मूर्ख बनवत होती...व्वा. म्हणजे ईशाने स्वत:च स्वत:च्या साखरपुड्याची अफवा पसरवली आणि एन्जॉय केली...
................................................................
​ईशा गुप्ताचा साखरपुडा!!
बॉलिवूडच्या वेडिंग सिझनमध्ये आता अभिनेत्री ईशा गुप्ता हिचेही नाव जुळले आहे. ‘राज ३’ फेम ईशाने गुपचूप साखरपुडा उरकला आहे. खुद्द तिने आज सोशल मीडियावर याबाबतचे संकेत दिले. तीस वर्षांच्या ईशाने आपल्या साखरपुड्याची अंगठी दाखवणारा एक फोटो पोस्ट केला आहे. या अंगठीत एक मोठा हिरा जडलेला आहे. त्याने विचारले आणि मी हो म्हटले...असे कॅप्शन तिने याखाली लिहिले आहे. अर्थात ईशाचा मंगेतर कोण, हे अद्याप गुलदस्त्यात आहे. ईशा ‘आय हेट लव्ह स्टोरी’चा दिग्दर्शक पुनित मल्होत्रा याच्यासोबत डेट करीत असल्याच्या बातम्या याआधी चर्चेत होत्या. आता ईशाच्या बोटात हिºयाची अंगठी घालणारा पुनितच की आणखी कुणी, हे लवकरच कळेलच...तोपर्यंत वेट अ‍ॅण्ड वॉच!!

Web Title: It's a rumor

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.