सलमानपेक्षा अपघातग्रस्तांच्या कुटुंबीयांचे वाईट वाटते

/> 
माझा न्यायव्यस्थेवर विश्‍वास
सलमान खानला मी चांगले ओळखतो. तो खूप चांगला माणूस आहे. त्यावेळी नक्की काय घडल आहे हे सांगता येणं तस अवघड आहे. पण माझा न्यायव्यवस्थेवर विश्‍वास आहे. मात्र त्या अपघातामध्ये जे लोक गेले त्यांच्याबद्दल देखील खूप वाईट वाटत आहे.
- समीर धर्माधिकारी, अभिनेता


न्यायव्यस्थेविरोधात बोलणे  अवमान करण्यासारखे
सलमानची निर्दोष मुक्तता ही गोष्ट योग्य की अयोग्य सांगता येत नाही. कारण त्याच्या केसमध्ये उच्च न्यायालयाने पुरावे आणि घटनांचा नक्कीच विचार केला असेल. हा निर्णय योग्य न वाटल्यास संबंधित व्यक्ती नक्कीच सर्वोच्च न्यायालयाचे दरवाजे ठोठावू शकतो. न्यायव्यस्थेच्या विरोधात बोलणे म्हणजे त्याचा अवमान करण्यासारखे आहे.
- भार्गवी चिरमुले, अभिनेत्री

सलमानच्या निर्दोषमुक्ततेत तथ्य असावे
सलमान खानची सगळ्यांसारखीच मी सुद्धा जबरदस्त फॅन आहे आणि महत्वाचे म्हणजे माझा भारतीय न्यायव्यवस्थेवर पूर्ण विश्‍वास आहे. त्यामुळे सलमानची जर निर्दोष मुक्तता झाली आहे तर नक्कीच त्यात काहीतरी तथ्य असेल आणि जर तो दोषी असेल तर पुढे त्याला त्याची शिक्षा मिळेलच.
- गायत्री सोहम, अभिनेत्री

सलमान सुटणार हे माहितचं होते
ज्याप्रमाणे चित्रपटात दाखवतात की खूप पैसा आणि पॉवर असल्यावर कधीच शिक्षा होऊ शकत नाही, तसचं झालं आहे. मीही त्याचा खूप मोठा फॅन आहे पण तो सुटणार हेच माहीत होतं.
- सलील कुलकर्णी, गायक, संगीतकार

अपघातग्रस्त कुटुंबियांबद्दल वाईट वाटते
सलमानची सुटका झाली यापेक्षा मला त्या अपघातात गेलेल्या माणसांचं आणि त्यांच्या कुटुंबियांचं वाईट वाटत. कारण त्यांच्या 13 वर्षाच्या लढयाचा कोर्टाने दीड मिनीटात निकाल दिला आणि ते लोक हरले. 100 अपराधी सुटले तरी चालतील पण एका निरपराध्याला शिक्षा होता कामा नये असे आपली न्यायव्यवस्था सांगत असल्यामुळे 100 निरपराधी अगदी सहज सुटतात आणि निरपराध्यांना अशा मार्गाने शिक्षा भोगावी लागते.
- सचिन देशपांडे, अभिनेता

सलमानच्या गुन्ह्याचे सर्मथन नाही
मी सलमान खानची चाहती आहे पण म्हणून त्याने लोकांना जे नुकसान पोहचवले आहे त्याचे मी कधीच सर्मथन करणार नाही. आपल्याकडे माणसं बोलले की असहिष्णुतेवर चर्चा होतात पण गुन्हे केले की एकतर निर्दोष किंवा पॅरोलवर सुटतात. याला काय म्हणूया? सहिष्णु न्यायव्यवस्था? हया सगळ्याला न्यायव्यवस्थाच जबाबदार आहे. सलमान खान बिईंग हयुमन नावाचा ब्रॅंड चालवतो, तो माणूस म्हणून चांगला असेलही कदाचित. पण त्याच्या हातून घडलेल्या गुन्ह्याला प्रूफ करण्यात कमी पडलेली माणसच यासाठी जबाबदार असल्याचे मी मानते.
- तेजस्विनी पंडित, अभिनेत्री

Web Title: The families of the victims of the accident are worse than Salman

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.