नव्वदचा तो टॉप अभिनेता ज्याने ऐश्वर्यासोबत केलेला ऑनस्क्रीन रोमांस, फ्लॉप झाला तर बनला टॅक्सी ड्रायव्हर

नव्वदच्या दशकातला असाच एक अभिनेता एकेकाळी बॉलिवूड आणि साउथ सिनेइंडस्ट्रीत लोकप्रिय होता. पण कालांतराने सततच्या फ्लॉप चित्रपटांमुळे या अभिनेत्याची अशी अवस्था झाली की तो अभिनयाला रामराम ठोकून टॅक्सी ड्रायव्हर बनला.

बॉलिवूड असे अनेक कलाकार होऊन गेलेत ज्यांना त्यांच्या करिअरच्या सुरूवातीच्या काळात चांगलं यश मिळालं. पण त्यांना हे यश जास्त काळ टिकवता येत नाही. नव्वदच्या दशकातला असाच एक अभिनेता एकेकाळी बॉलिवूड आणि साउथ सिनेइंडस्ट्रीत लोकप्रिय होता. पण कालांतराने सततच्या फ्लॉप चित्रपटांमुळे या अभिनेत्याची अशी अवस्था झाली की तो अभिनयाला रामराम ठोकून टॅक्सी ड्रायव्हर बनला.

हा अभिनेता म्हणजे मिर्झा अब्बास अली (Mirza Abbas Ali). त्याने त्याच्या कारकिर्दीत प्रत्येक स्टारला हव्या असलेल्या सर्व गोष्टी पाहिल्या. त्याने प्रसिद्ध बॉलिवूड अभिनेत्री ऐश्वर्या राय आणि रजनीकांत यांच्यासोबतही काम केले. ९० च्या दशकाच्या सुरुवातीला त्याने अनेक हिट चित्रपट दिले. अब्बासने हिंदी आणि दक्षिण दोन्ही चित्रपटांमध्ये काम केले आहे. 'अंश: द डेडली पार्ट' या चित्रपटातून त्याने हिंदी चित्रपटसृष्टीत पदार्पण केले. हा चित्रपट चालला नाही. अब्बासने त्याच्या चाहत्यांना तो न पाहण्याचा सल्लाही दिला कारण हा चित्रपट त्याच्या अपेक्षांवर खरा उतरला नाही.

२००० च्या सुरुवातीला अब्बासने एकामागून एक अनेक फ्लॉप चित्रपट दिले. त्यामुळे त्याच्या करिअरचा ग्राफ घसरत राहिला. त्याने ऐश्वर्या राय आणि रजनीकांत यांच्यासोबतही काम केले. पण, त्याच्या बुडत्या कारकिर्दीला अजूनही कोणताही आधार मिळाला नाही. अब्बासला तमीळ चित्रपटांमध्ये अनेक हिट चित्रपट दिले गेले. यामध्ये कधलदेशम, व्हीआयपी आणि कंदुकोंदैन कंदुकोंदैन यांचा समावेश आहे. त्यानंतर अब्बास हळूहळू सहाय्यक भूमिका करू लागला. कालांतराने तो चित्रपटांमधून गायब झाला. 

मिर्झा अब्बास अली कलाविश्वाला रामराम करून न्यूझीलंडला स्थलांतरीत झाला. जिथे तो मेकॅनिक आणि टॅक्सी ड्रायव्हर म्हणून काम करत होता. जेणेकरून तो त्याच्या कुटुंबाचे पालनपोषण करू शकेल. एका जुन्या मुलाखतीत अब्बास म्हणाला होता की, 'अनेक चित्रपट फ्लॉप झाल्यानंतर परिस्थिती अशी होती की भाडे देण्यासाठी किंवा सिगारेट खरेदी करण्यासाठीही पैसे नव्हते. निर्माते आरबी चौधरी यांनी मला पोवेली नावाच्या चित्रपटात काम दिले. पण, मी सिनेइंडस्ट्रीत कामाचा आनंद मिळत नसल्याने तो सोडला. अब्बास म्हणाले की आर्थिक समस्या इतकी वाढली होती की त्याला पेट्रोल पंपच्या वॉशरूमचा वापर करावा लागला होता.