महिला प्रीमियर लीगच्या चौथ्या हंगामात अखेर या स्पर्धेतील पहिले शतक पाहायला मिळाले.
मुंबई इंडियन्सच्या संघाकडून या स्पर्धेत १००० धावांचा पल्ला गाठणारी नॅट सायव्हर ब्रंट हिने रॉयल चॅलेंजर्स बंगळुरु विरुद्धच्या सामन्यात ऐतिहासिक शतक झळकावले.
इथं एक नजर टाकुयात WPL च्या इतिहासात सर्वोच्च धावसंख्या उभारणाऱ्या पाच बॅटर्सच्या खास रेकॉर्डवर...
मुंबई इंडियन्सच्या नॅट सायव्हर ब्रंटन रॉयल चॅलेंजर्स बंगळुरु विरुद्ध नाबाद शंभर धावांची खळी केली. २६ जानेवारी २०२६ रोजी झालेल्या सामन्यात ही कामगिरी नोंदवली.
UP वारियर्स संघाकडून सोफी डिव्हाइन हिने गत हंगामात (२०२५) रॉयल चॅलेंजर्सविरुद्ध ९९ धावांची नाबाद खेळी साकारली होती. तिचे शतक अवघ्या एका धावेनं हुकले होते.
UP वॉरियर्सच्या संघाकडून गत हंगामात (२०२५) जॉर्जिया वॉल हिने देखील नाबाद ९९ धावांची खेळी केली होती. कमालीचा योगायोग हा की, तिची ही खेळीही RCB विरुद्धच्या सामन्यात आली होती.
एलिसा हिली हिने २०२३ च्या WPL च्या हंगामात UP वॉरियर्सकडून खेळताना रॉयल चॅलेंजर्स बंगळुरुच्या संघाविरुद्ध नाबाद ९६ धावांची खेळी केल्याचा रेकॉर्ड आहे.
WPL २०२५ च्या हंगामात बेथ मूनी हिने गुजरात जाएंट्स विरुद्धकडून खेळताना UP वॉरियर्स विरुद्धच्या सामन्यात नाबाद ९६ धावांची खेळी केली होती.
WPL २०२६ च्या हंगामात RCB ची कॅप्टन आणि टीम इंडियाची क्वीन स्मृती मानधना शतकाच्या जवळ पोहचली होती. दिल्ली कॅपिटल्स विरुद्धच्या सामन्यात तिने ९६ धावांची खेळी केली होती. तिचे शतक अवघ्या ४ धावांनी हुकले होते.
मुंबई इंडियन्सची कर्णधार हमरनप्रीत कौरही या यादीत आहे. २०२४ च्या हंगामात गुजरात जाएंट्स विरुद्ध तिने नाबाद ९५ धावा केल्या होत्या.