विराट कोहली कसोटीतील निवृत्ती मागे घेणार? माध्यमांत चर्चा, आता BCCI नं दिलं असं उत्तर

Virat Kohli News: कसोटी क्रिकेटमध्ये सातत्याने होत असलेल्या निराशाजनक कामगिरीनंतर बीसीसीआय निवृत्ती मागे घेऊन कसोटी क्रिकेटमध्ये पुनरागमन करण्यासाठी विराट कोहलीची मनधरणी करू शकते, अशी चर्चा सुरू आहे. त्यावर आता बीसीसीआयने स्पष्टीकरण दिलं आहे.

By ऑनलाइन लोकमत | Updated: November 30, 2025 15:06 IST2025-11-30T15:05:18+5:302025-11-30T15:06:13+5:30

whatsapp join usJoin us+ Follow on Google
Will Virat Kohli withdraw his Test retirement? Discussion in the media, now BCCI has given an answer | विराट कोहली कसोटीतील निवृत्ती मागे घेणार? माध्यमांत चर्चा, आता BCCI नं दिलं असं उत्तर

विराट कोहली कसोटीतील निवृत्ती मागे घेणार? माध्यमांत चर्चा, आता BCCI नं दिलं असं उत्तर

 नुकत्याच झालेल्या दक्षिण आफ्रिकेविरुद्धच्या कसोटी मालिकेत भारतीय क्रिकेट संघाला ०-२ अशा फरकाने पराभव पत्करावा लागला होता. त्याआधीच वर्षभरापूर्वी न्यूझीलंडकडूनही भारतीय संघाला ०-३ अशा फरकाने पराभूत व्हावे लागले होते. कसोटी क्रिकेटमध्ये सातत्याने होत असलेल्या निराशाजनक कामगिरीनंतर बीसीसीआय निवृत्ती मागे घेऊन कसोटी क्रिकेटमध्ये पुनरागमन करण्यासाठी विराट कोहलीची मनधरणी करू शकते, अशी चर्चा सुरू आहे. त्यावर आता बीसीसीआयने स्पष्टीकरण दिलं आहे.

विराट कोहलीने १२ मे रोजी कसोटी क्रिकेटमधून निवृत्तीची घोषणा केली होती. आता विराट कोहली कसोटी क्रिकेटमधील निवृत्ती मागे घेऊन पुनरागमन करणार असल्याच्या चर्चांवर स्पष्टीकरण देताना बीसीसीआयचे सचिव देवजीत सैकिया यांनी विराट कोहलीच्या कसोटी क्रिकेटमधील पुनरागमनाच्या चर्चा ह्या निव्वळ अफवा असल्याचे म्हटले आहे. या संदर्भातील वृत्त आज तकने दिले आहे. आज तकशी बोलताना सैकिया यांनी सांगितले की, विराट कोहलीच्या पुनरागमनाबाबत जे काही सांगितलं जात आहे, त्या केवळ अफवा आहेत. याबाबत बीसीसीआयचं विराट कोहलीसोबच कोणतंही बोलणं झालेलं नाही. अफवांबाबत फार बोलू नका, असं काहीही घडलेलं नाही.

दरम्यान, दक्षिण आफ्रिकेकडून झालेल्या पराभवानंतर विराट कोहलीशी संपर्क साधून त्याला कसोटीतील निवृत्ती मागे घेऊन पुनरागमन करण्याची विनंती करण्याचा विचार बीसीसीआयकडून सुरी असल्याचं वृत्त एका क्रिकेट संकेतस्थळाने दिलं होतं. विराट कोहलीने १२३ कसोटी सामन्यांमध्ये भारतीय क्रिकेट संघाचं प्रतिनिधित्व केलं होतं. त्यात त्याने ४६.८५ च्या सरासरीने ९ हजार २३० धावा काढल्या होत्या. त्यामध्ये ३१ शतके आणि ३० अर्धशतकांचा समावेश होता. एवढंच नाही तर विराटने कसोटी क्रिकेटमध्ये ७ द्विशतके फटकावण्याची किमयाही साधली होती. 

Web Title : क्या विराट कोहली संन्यास पर पुनर्विचार करेंगे? बीसीसीआई का जवाब

Web Summary : विराट कोहली की संभावित टेस्ट वापसी की मीडिया अटकलों के बाद, बीसीसीआई ने स्पष्ट किया कि ये सिर्फ अफवाहें हैं। कोहली के संन्यास वापस लेने के बारे में कोई चर्चा नहीं हुई। बीसीसीआई सचिव देवजीत सैकिया ने हाल के नुकसान के बाद कोहली को मनाने के प्रयासों की खबरों को खारिज कर दिया।

Web Title : Will Virat Kohli Reconsider Retirement? BCCI Responds to Media Reports.

Web Summary : Following media speculation about Virat Kohli's possible Test return, BCCI clarified that these are just rumors. No discussions have occurred with Kohli regarding reversing his retirement. BCCI Secretary Devajit Saikia dismissed reports of attempts to persuade Kohli after recent losses.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.