राहुल द्रविडच्या लेकाची भारतीय U19 संघात वर्णी ; वैभव सूर्यवंशीचं नाव 'गायब' कारण...

द्रविच्या लेकाच्या खांद्यावर दुहेरी जबाबदारी

By ऑनलाइन लोकमत | Updated: November 11, 2025 21:19 IST2025-11-11T21:06:26+5:302025-11-11T21:19:38+5:30

whatsapp join usJoin us+ Follow on Google
Rahul Dravid's Son Anvay Dravid Named In India U19 B Squad For Tri Series Ayush Mhatre and Vaibhav Suryavanshi Not Not considered | राहुल द्रविडच्या लेकाची भारतीय U19 संघात वर्णी ; वैभव सूर्यवंशीचं नाव 'गायब' कारण...

राहुल द्रविडच्या लेकाची भारतीय U19 संघात वर्णी ; वैभव सूर्यवंशीचं नाव 'गायब' कारण...

बीसीसीआयनं १९ वर्षांखालील तिरंगी मालिकेसाठी मंगळवारी भारत 'अ' आणि भारत 'ब' संघाची घोषणा केली. बंगळुरुमध्ये रंगणाऱ्या या स्पर्धेत भारताच्या दोन संघांसह अफगाणिस्तानच्या १९ वर्षाखालील संघाचा समावेश आहे. या  मालिकेत राहुल द्रविडच्या लेकालाही भारतीय संघात स्थान मिळाले आहे. पण या दोन्ही संघातून आयुष म्हात्रे आणि वैभव सूर्यंवशी यांचे नाव 'गायब' आहे. इथं जाणून घेऊयात त्यामागचं कारण आणि या मालिकेसाठी निवडण्यात आलेल्या संघासह स्पर्धेतील सामने कुठं आणि कधी खेळण्यात येणार आहेत त्यासंदर्भातील माहिती

 'लोकमत'चं WhatsApp चॅनल फॉलो करा!
 

हैदराबादकराच्या नेतृत्वाखाली कर्तृत्व दाखवताना दिसणार द्रविडचा मुलगा

भारतीय संघाचा माजी कर्णधार आणि प्रशिक्षक राहुल द्रविड याचा मुलगा अन्वय द्रविड आगामी अंडर १९  स्पर्धेत भारत 'ब' संघाकडून विकेट किपर बॅटरच्या रुपात खेळताना दिसेल. त्याच्या खांद्यावर विकेटमागील कामगिरीसह सर्वोत्तम फलदाजीसह  संघासाठी दुहेरी जबाबदारी बजावण्याची जबाबदारी असेल. या संघाचे नेतृत्व एरॉन जॉर्ज करणार असून अभिज्ञान कडू याच्याकडे संघाचे उप कर्णधारपद देण्यात आले आहे. अंडर १९ तिरंगी मालिकेत भारत 'अ' संघाचे नेतृत्व हे पंजाबच्या विहान मल्होत्राकडे देण्यात आले आहे. यावर्षी इंग्लंड U19 विरुद्ध दोन युथ टेस्टमध्ये त्याने २७७ धावा केल्या होत्या. 

वैभव सूर्यंवशीसह आयुष म्हात्रेचं नाव एकाही U19 संघात नाही, कारण...

मुंबईकर आयुष म्हात्रे हा सध्या रणजी करंडक स्पर्धेत मुंबई संघाकडून खेळत आहे. याशिवाय १४ वर्षीय वैभव सूर्यवंशी हा कतार येथील दोहा येथे आयोजित २३ वर्षांखालील आशिया कप स्पर्धेसाठी भारतीय संघाचा भाग आहे. ही हिट जोडी अन्य स्पर्धेत व्यग्र असल्यामुळेच १९ वर्षांखालील तिरंगी मालिकेत त्यांची नावे दिसत नाहीत. 

कधी अन् कुठ रंगणार या स्पर्धेतील लढती?

 भारत U19 'अ', भारत U19 'ब' आणि अफगाणिस्तान U19 संघातील तिरंगी मालिकेतील लढती या बंगळुरु स्थित BCCI सेंटर ऑफ एक्सीलन्सच्या मैदानात खेळवण्यात येणार आहेत. १७ नोव्हेंबर ते ३० नोव्हेंबर या कालावधीत ही स्पर्धा खेळवली जाईल.

भारत U19 अ संघ :

विहान मल्होत्रा (कर्णधार), अभिज्ञान कुंडू (उपकर्णधार/विकेटकीपर), वफी कच्छी, वंश आचार्य, विनीत V.K., लक्ष्य रायचंदानी, ए. रापोल (विकेटकीपर), कनिष्क चौहान, खिलान ए पटेल, अनमोलजीत सिंह, मोहम्मद एनां, हेनिल पटेल, आशुतोष महिदा, आदित्य रावत, मोहम्मद मलिक.

भारत U19 'ब' संघ :

एरोन जॉर्ज (कर्णधार), वेदांत त्रिवेदी (उपकर्णधार), युवराज गोहिल, मौल्यराजसिंह चावडा, राहुल कुमार, हरवंश सिंह (विकेटकीपर), अन्वय द्रविड (विकेटकीपर), आर.एस. अंबरीश, बी.के. किशोर, नमन पुष्पक, हेमचुदेशन जे, उद्धव मोहन, ईशान सूद, डी दीपेश, रोहित कुमार दास.

Web Title : राहुल द्रविड़ के बेटे को भारत U19 टीम में दोहरी भूमिका मिली।

Web Summary : राहुल द्रविड़ के बेटे अन्वय द्रविड़ भारत U19 'B' के लिए विकेटकीपर के रूप में खेलेंगे। आयुष म्हात्रे और वैभव सूर्यवंशी अन्य प्रतिबद्धताओं के कारण अनुपस्थित हैं। U19 त्रिकोणीय श्रृंखला 17-30 नवंबर तक बैंगलोर में आयोजित की जाएगी।

Web Title : Rahul Dravid's son gets dual role in India U19 team.

Web Summary : Anvay Dravid, Rahul Dravid's son, will play as wicket-keeper for India U19 'B'. Ayush Mhatre and Vaibhav Suryavanshi are absent due to other commitments. The U19 tri-series will be held in Bangalore from November 17-30.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.