India A vs Oman Asia Cup Rising Stars 2025 : विदर्भकर हर्ष दुबेनं केलेल्या दमदार अर्धशतकाच्या जोरावर भारतीय संघानं ओमानच्या संघाला पराभूत करत रायझिंग स्टार टी २० आशिया कप स्पर्धेच्या सेमीफायनलमध्ये धडक मारली आहे. दोहाच्या वेस्ट एन्ड पार्क इंटरनॅशनल स्टेडियमवर रंगलेल्या सामन्यात पहिल्यांदा फलंदाजी करताना ओमानच्या संघाने निर्धारित २० षटकात ७ बाद १३५ धावा करत भारत 'अ' संघासमोर १३६ धावांचे टार्गेट सेट केले होते.
या धावसंख्येचा पाठलाग करताना भारतीय संघाची सुरुवात खराब झाली. पण हर्ष दुबेनं नमन धीरच्या साथीनं डाव सावला. नमन धीर १९ चेंडूत ३० धावा करून परतल्यार हर्ष दुबेनं नहाल वढेराच्या साथीनं संघाला विजयाच्या दिशेनं नेलं. टी २० कारकिर्दीतील पहिले अर्धशतक साजरे करत त्याने भारतीय संघाच्या विजयात मोलाचा वाटा उचलला. विदर्भकरानं या सामन्यात ४४ चेंडूत नाबाद ५३ धावांची खेळी केली. कर्णधार जितेश शर्मानं चौकार मारून भारतीय संघाला ६ विकेट्स आणि १३ चेंडू राखून विजय मिळवून देत सेमी फायनलचं तिकिट पक्के केले.
पहिल्यांदा फलंदाजी करताना ओमानच्या संघाचा कर्णधार हम्मद मिर्झा याने संघाला स्फोटक सुरुवात करुन दिली. विजय कुमार वैशाकनं त्याच्या रुपात भारतीय संघाला पहिलं यश मिळवून दिले. त्याने १६ चेंडूत ३ चौकार आणि २ षटकारांच्या मदतीने ३२ धावा केल्या. वासीम अली याने ४५ चेंडूत ५ चौकार आणि एका षटकाराच्या मदतीने नाबाद ५४ धावांची खेळी केली. भारताकडून सूयश शर्मा आणि गुरप्रीत सिंग यांनी प्रत्येकी २-२ तर नमन धीर, हर्ष दुबे आणि विजयकुमार वैशाक यांनी प्रत्येकी १-१ विकेट घेत ओमानच्या संघाला १३५ धावांत आटोपले.
Web Summary : Harsh Dubey's fifty and Suyash Sharma's spin propelled India to the Asia Cup semi-finals, defeating Oman. Dubey's unbeaten 53 secured a six-wicket victory.
Web Summary : हर्ष दुबे के अर्धशतक और सुयश शर्मा की फिरकी से भारत ने ओमान को हराकर एशिया कप के सेमीफाइनल में जगह बनाई। दुबे की नाबाद 53 रनों की पारी से छह विकेट से जीत मिली।