Join us
Daily Top 2Weekly Top 5

IND vs SA : MS धोनीच्या घरच्या मैदानात 'रो-को'नं रचला इतिहास! सचिन-द्रविड जोडीचा महारेकॉर्ड मोडला

ऑस्ट्रेलिया दौऱ्यातील वनडे मालिकेत या दोघांनी सचिन-द्रविडच्या विक्रमाची बरोबरी साधली होती. आता...

By ऑनलाइन लोकमत | Updated: November 30, 2025 13:58 IST

Open in App

IND vs SA 1st ODI Rohit Sharma And Virat Kohli Create History : दक्षिण आफ्रिकेविरुद्धच्या रांचीच्या मैदानात रंगलेल्या पहिल्या एकदिवसीय सामन्यात रोहित शर्मा आणि विराट कोहली या जोडीनं नवा इतिहास रचला आहे. आंतरारष्ट्रीय क्रिकेटमध्ये एकत्रितपणे सर्वाधिक सामने खेळण्याचा विक्रम आता या जोडीच्या नावे झाला आहे. ऑस्ट्रेलिया दौऱ्यातील वनडे मालिकेत या दोघांनी सचिन-द्रविडच्या विक्रमाची बरोबरी साधली होती. रांचीच्या मैदानात प्लेइंग इलेव्हनची घोषणा होताच भारताकडून एकत्रितपणे सर्वाधिक २९२ आंतरारष्ट्रीय सामने खेळण्याचा नवा विक्रम या जोडीच्या नावे झाला.

 'लोकमत'चं WhatsApp चॅनल फॉलो करा! 

धोनीच्या घरच्या मैदानात रोहित-विराची क्रेझ

MS धोनीचं घरचं मैदान असलेल्या रांचीच्या मैदानात रोहित शर्मा आणि विराट कोहलीची कमालीची क्रेझ पाहायला मिळाली. या जोडीला पाहण्यासाठी चाहते मोठ्या संख्येनं रांचीच्या स्टेडियमवर दाखल झाल्याचे पाहायला मिळाले. टी-२० पाठोपाठ कसोटी क्रिकेटमध्ये दोघांनीही निवृत्ती घेतली असून ही जोडी फक्त वनडेच्या माध्यमातून आंतरारष्ट्रीय क्रिकेटमध्ये सक्रीय आहे. २०२७ च्या वनडे वर्ल्ड कप स्पर्धेपर्यंत त्यांनी खेळत राहावे, अशी चाहत्यांची इच्छा आहे.   

भारतीय क्रिकेटमधील नंबर वन जोडी 

आंतरराष्ट्रीय क्रिकेटमध्ये एकत्रितपणे सर्वाधिक सामने खेळणाऱ्या भारतीय जोड्यांमध्ये रोहित-विराट ही जोडी अव्वल स्थानावर पोहोचली आहे. मागील दशकभरात भारतीय संघासाठी आधारस्तंभ असलेल्या या जोडीनं रांचीच्या मैदानात ३९२ सामना एकत्र खेळत नवा इतिहास रचला. 

  • रोहित शर्मा- विराट कोहली : ३९२ सामने
  • सचिन तेंडुलकर – राहुल द्रविड : ३९१ सामने
  • राहुल द्रविड – सौरव गांगुली : ३६९ सामने
  • सचिन तेंडुलकर – अनिल कुंबळे : ३६७ सामने
  • सचिन तेंडुलकर – सौरव गांगुली : ३४१ सामने 
English
हिंदी सारांश
Web Title : IND vs SA: Rohit-Kohli break Sachin-Dravid record in Ranchi!

Web Summary : Rohit Sharma and Virat Kohli achieved a new milestone in Ranchi ODI against South Africa. They now hold the record for playing most international matches together, surpassing Sachin Tendulkar and Rahul Dravid. Ranchi witnessed their craze.
टॅग्स :दक्षिण आफ्रिकेचा भारत दौरा २०२५भारत विरुद्ध दक्षिण आफ्रिकारोहित शर्माविराट कोहलीसचिन तेंडुलकरराहुल द्रविडभारतीय क्रिकेट संघ