Shubman Gill Shreyas Iyer Fifty, IND vs AUS 2nd ODI Live Updates: भारतीय संघाने दुसऱ्या वन डे सामन्यात प्रथम फलंदाजी करताना दमदार सुरूवात केली. ऋतुराज गायकवाड बाद झाल्यानंतर श्रेयस अय्यरने सलामीवीर शुबमन गिलच्या साथीने शतकी भागीदारी केली. त्यासोबतच दोघांनीही षटकाराच्या सहाय्याने आपापली अर्धशतके पूर्ण केली. श्रेयस अय्यरने ४१ तर गिलने ३७ चेंडूत अर्धशतक झळकावले.
शुबमन गिलचे अर्धशतक-
श्रेयस अय्यरचे अर्धशतक-
ऋतुराज गायकवाडने भारताच्या डावाची चांगली सुरूवात करून दिली. पण पहिल्या षटकात २ चौकार मारल्यावर तो ८ धावांवर बाद झाला. त्यानंतर श्रेयस अय्यर मैदानात आला आणि त्याने एकामागोमाग एक अशी चौकारांची आतषबाजी केली. सामना रंगत असतानाच शुबमन गिलने देखील तुफान फटकेबाजी सुरू केली. दोघांनीही कांगारूंच्या गोलंदाजीचा समाचार घेत संघाला मोठ्या धावसंख्येकडे आगेकूच करून दिली आणि १५० धावांची भागीदारीही केली.
दरम्यान, आजच्या सामन्यात ऑस्ट्रेलियाच्या संघाने कर्णधार बदलला असून पॅट कमिन्सला विश्रांती दिली आहे. त्याच्या जागी स्टीव्ह स्मिथला नेतृत्वाची जबाबदारी सोपवण्यात आली आहे. तर भारताच्या संघात प्रसिध कृष्णाला घेण्यात आले आहे. जसप्रीत बुमराहने संघातून माघार घेतल्याने प्रसिधला संधी मिळाली.