AUS vs IND, 3rd Test, Mohammed Siraj vs Marnus Labuschagne Brisbane Bails Change Battle : ब्रिस्बेन गाबा कसोटी (IND vs AUS 3rd Test) सामन्यातील दुसऱ्या दिवसाच्या खेळात मोहम्मद सिराज विरुद्ध मार्नस लाबुशेनं यांच्यातील बेल्स अदला बदलीचा खेळ रंगल्याचे पाहायला मिळाले. मैदानात या दोघांच्यामध्ये जो खेळ रंगला त्याचा व्हिडिओ सोशल मीडियावर चांगलाच व्हायरल होताना दिसतोय.
नेमकं काय घडलं? पाहा व्हिडिओ
ऑस्ट्रेलियाच्या पहिल्या डावातील ३३ व्या षटकात मोहम्मद सिरा गोलंदाजी करत होता. पहिला चेंडू टाकल्यावर सिराज स्ट्राइकवर असलेल्या मार्नस लाबुशेनच्या दिशेने गेला. त्यानंतर त्याने स्ट्राइक एन्डच्या स्टंपवरील बेल्सची अदला बदली केली. सिराजची ही कृती बघून लाबुशेन आश्चर्यचकित झाला. हा नेमकं काय करतोय? असा प्रश्नच त्याला पडल्याचे दिसून आले. त्याने सिराज जे करतोय ते शांतपणे बघून घेतले. सिराज पुन्हा गोलंदाजी मार्कवर जात असताना मार्नस लाबुशेन याने पुन्हा स्टंपवरील बेल्सची अदला बदली केली. मार्नस लाबुशेनची ही कृती बघून गिलला हसू अनावर झाल्याचा सीनही पाहायला मिळाला.
मियाँ मॅजिक अन् पुढच्या ओव्हरमध्ये आउट झाला लाबुशेन
सिराजनं जे केलं ते मियाँ मॅजिकमुळे लाबुशेन चांगलाच कावरा बावरा झाला. त्याने पुन्हा बेल्सची अदला बदली केली. पण या खेळामुळे त्याची एकाग्रता कुठं तरी ढळली. ज्याची किंमत त्याला आपल्या विकेट्सच्या रुपात मोजावी लागली. बेल्स अदला बदलीच्या रंगलेल्या खेळानंतर पुढच्याच षटकात मार्नस लाबुशेन याने आपली विकेट गमावली. नितीश रेड्डीनं त्याला बाद केले. विराट कोहलीनं त्याचा अप्रतिम झेल टिपला. पिंक बॉल टेस्टमध्ये अर्धशतकी खेळीसह त्याने भारतीय गोलंदाजांना चांगलेच दमवले होते. पण यावेळी तो ५५ चेंडूत फक्त १२ धावांची भर घालून माघारी फिरला.
Web Title: Australia vs India, 3rd Test Mohammed Siraj vs Marnus Labuschagne Brisbane Bails Change Battle Viral Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
