आशिया चषक स्पर्धेतील भारतीय संघाविरुद्ध पाकची दोन वेळा फजिती झाली. साखळी फेरीत एकतर्फी मात दिल्यावर सुपर फोरमध्येही टीम इंडियाने पाकची जिरवली. भारताविरुद्धच्या सलग दुसऱ्या पराभवानंतर माजी वर्ल्ड चॅम्पियन कर्णधार आणि माजी पंतप्रधान इम्रान खान यांनी पाकची लायकी काढली. भारतीय संघाला पराभूत करायचं असेल तर आता पाकिस्तानी लष्कर प्रमुख जनरल सैयद असीम मुनीर यांच्यासोबत पाकिस्तान क्रिकेट बोर्डाचे अध्यक्ष मोहसिन नक्वी यांनाच ओपनिंगला पाठवायला हवे, असा टोला त्यांनी लगावला आहे.
'लोकमत'चं WhatsApp चॅनल फॉलो करा!
भारताविरुद्ध जिंकायचं असेल तर सेना प्रमुखांसोबत ओपनिंगला जा!
आपल्या नेतृत्वाखाली पाक संघाला वर्ल्ड कप जिंकून दिल्यावर राजकारणात सक्रीय होत देशाचे नेतृत्व करणारा चेहरा सध्या तुरुंगात आहे. पीटीआयच्या वृत्तानुसार, इम्रान खान यांची बहीण अलीमा खान म्हणाल्या की, भारतीय संघाविरुद्ध मॅच जिंकायची असेल तर पाक सेना प्रमुख आणि पाकिस्तान क्रिकेट बोर्डाच्या अध्यक्षांनी ओपिनिंग करावी, असा सल्ला इम्रान खान यांनी दिला आहे.
बाई, काय हा प्रकार! पाकिस्तान बेक्कार हरला, तरीही हॅरिस रौफच्या बायकोने केली 'तशी' पोस्ट
सामन्यात पंच कोण ठेवायचं तेही सांगितलं
फक्त ही जोडीचा पर्याय उपयुक्त ठरणार नाही. तर मॅचमध्ये अंपायरिंगची जबाबदारी मुख्य न्यायाधीश काझी फेज ईसा आणि मुख्य निवडणूक आयुक्त सिकंदर सुल्तान रझा यांच्याकडे सोपवा. थर्ड अंपायरच्या रुपात इस्लामाबाद उच्च न्यायालयाचे मुख्य न्यायाधीस सरफराज डोगर असतील याचीही खात्री करा. तरच तुम्हाला भारताविरुद्ध जिंकता येईल. असेही इम्रान खान म्हणाले आहेत. पाकिस्तानी संघाला मिळणाऱ्या सततच्या पराभवांबद्दल इम्रान खान यांच्यासोबत चर्चा केली. त्यावर त्यांनी हा सल्ला दिलाय, असे बहीण अमीमा खान यांनी सांगितले.
भारताविरुद्ध जिंकण्याची अजब आयडिया देताना घरच्या विरोधकांची अब्रू काढली
पाकिस्तानचे माजी क्रिकेटर आणि माजी पंतप्रधान इम्रान खान २०२३ पासून तुरुंगात आहेत. मोहसिन नक्वी यांनी पाक क्रिकेट उद्धवस्त केल्याचा आरोप त्यांनी अनेकदा केलाय. याशिवाय पाक सेना प्रमुख आणि अन्य न्यायाधीश मंडळींच्या कट कारस्थानामुळे तुरुंगात असल्याचेही त्यांनी अनेकदा बोलून दाखवले आहे. पाकिस्तान संघाच्या सातत्याच्या पराभवानंतर आता इम्रान खान यांनी भारताविरुद्ध जिंकायची अजब आयडिया PCB ला देत घरच्या विरोधकांची अब्रू चव्हाट्यावर आणल्याचे दिसते.
