'मी थांबणार नाही'; वर्णद्वेषाच्या मुद्द्यावरून ट्रोल करणाऱ्यांना इरफान पठाणचं सडेतोड उत्तर

बॅडमिंटनपटू ज्वाला गुट्टानं भारताच्या माजी क्रिकेटपटूच्या मताचं केलं समर्थन

By ऑनलाइन लोकमत | Published: June 11, 2020 03:30 PM2020-06-11T15:30:55+5:302020-06-11T15:32:25+5:30

Join us

'मी थांबणार नाही'; वर्णद्वेषाच्या मुद्द्यावरून ट्रोल करणाऱ्यांना इरफान पठाणचं सडेतोड उत्तर

Join us

अमेरिकेतील जॉर्ज फ्लॉयड याच्या मृत्यूनंतर जगभरात वर्णद्वेषाचा मुद्द्यावर लोकं निदर्शनं करताना पाहायला मिळत आहेत. क्रिकेटमध्येही अशा वर्णद्वेषी घटना घडत असल्याचा दावा डॅरेन सॅमी, ख्रिस गेल यांनी केला. इंडियन प्रीमिअर लीगमध्ये ( आयपीएल) सनरायझर्स हैदराबाद संघाकडून खेळताना सहकाऱ्यांकडून वर्णद्वेषी टिप्पणी होत असल्याचा दावा सॅमीनं करताना खळबळ उडवली. आता टीम इंडियाचा माजी अष्टपैलू खेळाडू इरफान पठाण यानं वर्णद्वेषावर स्पष्ट मत मांडलं आहे. त्यानं हे मत मांडताना अप्रत्यक्षपणे मुस्लीम लोकांना सोसायटीमध्ये घर नाकारण्याच्या वृत्तीवर टीका केली.

इरफाननं ट्विट केलं की,''वर्णद्वेष हा केवळ एखाद्याच्या रंगापर्यंत मर्यादित नाही. तुमचा धर्म दुसरा आहे म्हणून तुम्हाला सोसायटीत घर नाकारलं जातं, हेही वर्णद्वेष आहे.''

Racism is not restricted to the colour of the skin.Not allowing to buy a home in a society just because u have a different faith is a part of racism too... #convenient #racism
— Irfan Pathan (@IrfanPathan) June 9, 2020

Totally agree....
— Gutta Jwala (@Guttajwala) June 11, 2020

त्याच्या या ट्विटला अनेक सेलिब्रेटींनी पाठींबा दर्शवला. पण, ट्रोलर्सनं त्याला काही जाहीराती दाखवून वर्णद्वेष कोण करतंय, असा प्रतीसवाल विचारला. नेटिझन्सनी त्याला प्रचंड ट्रोल केले. त्यावर इरफाननं सडेतोड उत्तर दिलं. त्यानं ट्विट केलं की,''माझं मत हे एक भारतीय म्हणून असतं आणि देशासाठी असतं.. मी थांबणार नाही.''