NIRDPR मध्ये जॉब मिळवण्याची संधी; जाणून घ्या पात्रता आणि अर्ज प्रक्रिया!

By ऑनलाइन लोकमत | Updated: April 12, 2026 10:37 IST2026-04-12T10:33:48+5:302026-04-12T10:37:05+5:30

NIRDPR Recruitment 2026: ग्रामीण विकास आणि पंचायती राज क्षेत्रातील देशातील अग्रगण्य संस्था असलेल्या नॅशनल इन्स्टिट्यूट ऑफ रुरल डेव्हलपमेंट अँड पंचायती राज'मार्फत यंग प्रोफेशनल (मार्केटिंग) या पदासाठी अर्ज मागवण्यात आले आहेत.

NIRDPR Recruitment 2026: Apply for Young Professional Marketing Posts in Hyderabad | NIRDPR मध्ये जॉब मिळवण्याची संधी; जाणून घ्या पात्रता आणि अर्ज प्रक्रिया! — NIRDPR मध्ये जॉब मिळवण्याची संधी; जाणून घ्या पात्रता आणि अर्ज प्रक्रिया!

ग्रामीण विकास आणि पंचायती राज क्षेत्रातील देशातील अग्रगण्य संस्था असलेल्या 'नॅशनल इन्स्टिट्यूट ऑफ रुरल डेव्हलपमेंट अँड पंचायती राज'मार्फत यंग प्रोफेशनल (मार्केटिंग) या पदासाठी अर्ज मागवण्यात आले आहेत. पात्र आणि इच्छुक उमेदवारांना २६ एप्रिल २०२६ पर्यंत ऑनलाईन पद्धतीने अर्ज करता येणार आहे. त्यानंतर कोणत्याही उमेदवारांचे अर्ज स्वीकारले जाणार नाहीत.

ग्रामीण भागातील मार्केटिंग आणि विकास प्रकल्पांमध्ये काम करण्याची इच्छा असलेल्या तरुणांसाठी ही एक उत्तम संधी आहे. ही नोकरी कंत्राटी असली, तरी एनआयआरडीपीआरसारख्या प्रतिष्ठित संस्थेत काम केल्याचा अनुभव भविष्यात सरकारी किंवा खाजगी क्षेत्रात मोठ्या संधी मिळवून देण्यासाठी अत्यंत मोलाचा ठरू शकते. या भरतीसंदर्भात अधिक माहिती जाणून घेण्यासाठी नॅशनल इन्स्टिट्यूट ऑफ रुरल डेव्हलपमेंट अँड पंचायती राजच्या अधिकृत वेबसाइटला भेट द्यावी.

पात्रता आणि अटी:

या पदासाठी आवश्यक शैक्षणिक पात्रता, वयोमर्यादा आणि अनुभवाचा सविस्तर तपशील संस्थेच्या अधिकृत संकेतस्थळावर उपलब्ध करून देण्यात आला आहे. साधारणपणे, संबंधित क्षेत्रातील पदव्युत्तर पदवी आणि मार्केटिंगमधील कामाचा अनुभव असलेल्या उमेदवारांना प्राधान्य दिले जाते.

अर्ज शुल्क:

- सामान्य/ओबीसी/ईडब्ल्यूएस उमेदवारांसाठी अर्ज शुल्क लागू असू शकते (साधारणतः ३०० रुपये).
- एससी/एसटी आणि दिव्यांग उमेदवारांसाठी नियमानुसार शुल्कात सवलत देण्यात आली आहे.

निवड प्रक्रिया:

प्राप्त अर्जांमधून उमेदवारांची शॉर्टलिस्टिंग केली जाईल. त्यानंतर निवडलेल्या उमेदवारांना लेखी परीक्षा किंवा मुलाखतीसाठी बोलावले जाईल. निवडीची सर्व प्रक्रिया एनआयआरडीपीआर, हैदराबाद येथे पार पडेल.

कसा करावा अर्ज?

१. उमेदवारांनी प्रथम NIRDPR च्या अधिकृत करिअर पोर्टलला career.nirdpr.in भेट द्यावी.
२. 'Young Professional (Marketing)' या जाहिरातीवर क्लिक करून सर्व सूचना काळजीपूर्वक वाचाव्यात.
३. आवश्यक कागदपत्रे, फोटो आणि स्वाक्षरी स्कॅन करून अपलोड करावी.
४. अर्ज शुल्क भरून अर्जाची प्रक्रिया पूर्ण करावी.
५. भविष्यातील संदर्भासाठी अर्जाची प्रिंट काढून ठेवावी.

Web Title : NIRDPR में नौकरी का मौका: यंग प्रोफेशनल (मार्केटिंग) के लिए आवेदन करें!

Web Summary : एनआईआरडीपीआर यंग प्रोफेशनल (मार्केटिंग) के लिए आवेदन आमंत्रित करता है। 26 अप्रैल 2026 तक ऑनलाइन आवेदन करें। यह संविदात्मक भूमिका ग्रामीण विकास में मूल्यवान अनुभव प्रदान करती है। पात्रता, आवेदन विवरण और चयन प्रक्रिया के लिए career.nirdpr.in देखें। इस अवसर को न चूकें!

Web Title : NIRDPR Job Opportunity: Apply Now for Young Professional (Marketing)!

Web Summary : NIRDPR invites applications for Young Professional (Marketing). Apply online by April 26, 2026. This contractual role offers valuable experience in rural development. Check career.nirdpr.in for eligibility, application details and selection process. Don't miss this opportunity!

टॅग्स :