शाहरूखवर सयानी गुप्ताने साधला निशाणा, म्हणाली - गांधीजींनी आपल्याला खरं बोलणंही शिकवलं
By अमित इंगोले | Published: October 3, 2020 10:57 AM2020-10-03T10:57:50+5:302020-10-03T10:58:46+5:30
शाहरूख खानने सुद्धा गांधी जयंती निमित्ताने एक पोस्ट शेअर करत वाईट न बोलणे, वाईट न बघणे आणि वाईट न ऐकण्याचं सांगितलं.
शाहरूखवर सयानी गुप्ताने साधला निशाणा, म्हणाली - गांधीजींनी आपल्याला खरं बोलणंही शिकवलं
Next अनेक बॉलिवूड सेलिब्रिटींनी २ ऑक्टोबरला गांधी जयंतीनिमित्ताने त्यांचे आदर्श आणि योगदानाबाबत आठवणी शेअर केल्या. सेलिब्रिटींनी सोशल मीडियाच्या माध्यमातून महात्मा गांधी यांना श्रद्धांजली वाहिली. तेच शाहरूख खानने सुद्धा गांधी जयंती निमित्ताने एक पोस्ट शेअर करत वाईट न बोलणे, वाईट न बघणे आणि वाईट न ऐकण्याचं सांगितलं. शाहरूख खानच्या या पोस्टवर त्याची 'फॅन'मधी को-स्टार सयानी गुप्ताने त्याला टोमणा लगावला. ती म्हणाली की, गांधीजींनी आपल्याला हेही शिकवलं की, सत्य बोललं पाहिजे.
शाहरूख खानने लिहिला गांधीजींचा संदेश
If this Gandhi Jayanti there is One ideal we would like our children to follow, in good times, bad times and all the time....it should be Hear no bad...see no bad....speak no bad! Remembering the value of truth on Gandhiji’s 151st Birth Anniversary. pic.twitter.com/oOgnX57yBS
— Shah Rukh Khan (@iamsrk) October 2, 2020
शाहरूख खानने त्याच्या ट्विटर हॅंडलवर एक मोनोक्रोम फोटो शेअर केलाय. ज्यात त्याने संदेश दिला की, वाईट बघू नका, वाईट बोलू नका, वाईट ऐकू नका. यासोबतच त्याने लिहिले की, 'या गांधी जयंतीला जर आपल्याला आपल्या मुलांना काही शिकवायचं असेल किंवा सांगायचं असेल जे त्यांच्या चांगल्या-वाईट वेळेत कामात येईल तर ते हे आहे बुरा मत सुनो, बुरा मत देखो और बुरा मत बोलो।'
सयानी गुप्ता म्हणाली पीडितांबाबत आवाज उठवला पाहिजे
Say something. The Right thing. Gandhi also taught us to speak up for the Truth, the downtrodden, the exploited, for our Dalit brothers and sisters. Don't just shut your ears and eyes and mouths. @iamsrkhttps://t.co/IChzz2k5n0
— Sayani Gupta (@sayanigupta) October 2, 2020
शाहरूख खानचं हे ट्विट रिट्विट करत सयानी गुप्ताने लिहिले की, 'खरं तर बोलायलाच पाहिजे. गांधीजींनी आपल्याला हेही शिकवलं की, सत्यासाठी बोललं पाहिजे. पीडितांसाठी आवाज उठवला पाहिजे. दलित भाऊ-बहिणींच्या हक्कांसाठी बोललं पाहिजे. केवळ डोळे आणि कान बंद करू नये'.
सयानी गुप्ताने तिच्या ट्विटमध्ये शाहरूख खानला टॅग करणं आणि दलित शब्दांचा वापर करणं हे दाखवतं की, ती हाथरस केसवरून शाहरूख खानच्या मौनावर खूश नाही. हाथरस केसबाबत अनेक बॉलिवूड कलाकारांनी आपला संताप सोशल मीडियाच्या माध्यमातून व्यक्त केलाय.