अभिनयक्षेत्रापासून दूर राहून बिंदू आता करतात हे काम

By लोकमत न्यूज नेटवर्क | Published: June 22, 2021 03:47 PM2021-06-22T15:47:13+5:302021-06-22T15:47:53+5:30

बिंदू सध्या बॉलिवूडपासून दूर त्यांच्या पतीसोबत पुण्यात राहातात.

Actress Bindu is living in pune now | अभिनयक्षेत्रापासून दूर राहून बिंदू आता करतात हे काम

अभिनयक्षेत्रापासून दूर राहून बिंदू आता करतात हे काम

Next
ठळक मुद्देबिंदू यांच्या आई या अभिनेत्री होती, त्यांना स्टेजवर पाहून बिंदू यांनी देखील अभिनय क्षेत्रात करियर करण्याचे ठरवले. पण त्यांनी डॉक्टर बनावे अशी त्यांच्या वडिलांची इच्छा होती.

ज्येष्ठ अभिनेत्री बिंदू यांनी आज बॉलिवूडमध्ये आपले एक स्थान निर्माण केले आहे. त्यांचा अभिनय, नृत्य यावर त्यांचे फॅन्स आजही फिदा आहेत. त्यांनी अनपढ या चित्रपटापासून त्यांच्या कारकिर्दीला सुरुवात केली. या चित्रपटाच्या वेळी त्या केवळ ११ वर्षांच्या होत्या. त्यांनी या चित्रपटात माला सिन्हा यांच्या मुलीची भूमिका साकारली होती. 

बिंदू यांच्या आई या अभिनेत्री होती, त्यांना स्टेजवर पाहून बिंदू यांनी देखील अभिनय क्षेत्रात करियर करण्याचे ठरवले. पण त्यांनी डॉक्टर बनावे अशी त्यांच्या वडिलांची इच्छा होती. मात्र बिंदू या खूपच लहान असताना त्यांच्या वडिलांचे निधन झाले. त्यांना सात बहिणी आणि एक भाऊ होता. वडिलांच्या निधनानंतर कुटुंबाच्या उदरनिर्वाहासाठी त्यांनी मॉडलिंगला सुरुवात केली आणि तिथून त्या अभिनयक्षेत्रात आल्या.

बिंदू सध्या बॉलिवूडपासून दूर त्यांच्या पतीसोबत पुण्यात राहातात. त्या डर्बीच्या सदस्या असून त्या अनेकवेळा पुण्याच्या रेसकोर्स मध्ये दिसतात. बिंदू यांना मूलबाळ नाहीये. बिंदू यांनी एका मुलाखतीत याविषयी सांगितले होते, मी गरोदर असल्याने तिसऱ्या महिन्यापासूनच काम करणे बंद केले होते. पण सातव्या महिन्यात माझे मिसकॅरेज झाले. तो काळ माझ्यासाठी खूप कठीण होता. मी आणि माझे पती दोघेही डिप्रेशनमध्ये गेलो होतो. पण प्रत्येक व्यक्तीला सगळे काही मिळत नाही असा विचार करत आम्ही पुन्हा कामाला सुरुवात केली.

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: Actress Bindu is living in pune now

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app
टॅग्स :Binduबिंदू