Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

- मधुकर ठाकूर उरण - उरण परिसरात विजेच्या दररोजच्या सुरू असलेल्या खेळ खंडोब्यामुळे "श्री" च्या मुर्ती घडविणारे शेकडो कारखानदार संकटात सापडले आहेत. वीजेच्या या सावळ्या गोंधळामुळे मात्र ग्राहकांना गणेशमुर्ती वेळेवर देण्यासाठी भाड्याने जनरेटर घ्यावा लागत आहे.या अतिरिक्त खर्चामुळे कारखादारांचे आर्थिक बजेटही कोळमडले आहे. गणेशोत्सव अवघ्या दहा दिवसांवर येऊन ठेपला आहे.त्यामुळे उरण परिसरातील श्री गणरायाची मूर्ती घडवणाऱ्या कारखान्यातील मूर्तिकारांची सध्या जोरदार लगबग सुरू आहे.मुर्ती तयार होऊन सुकल्यानंतर रंगसंगतीच्या कामाला सुरुवात होते. त्यामुळे कारखान्यातील शेकडो मुर्तीकार श्रींच्या रंगसंगतीच्या कामात गुंतले आहेत.मात्र त्यांना स्प्रेद्वारे शेडिंगचे रंगकाम करताना विजेविना मोठी समस्या निर्माण होत आहे.उरण परिसरात दररोज वीज पुरवठा वारंवार खंडित होत आहे.मूर्तिकारांचे रंगरंगोटीचे महत्त्वपूर्ण काम अगदी हातघाईवर आले असताना लपंडाव खेळणारे विजेचे विघ्न त्रासदायक ठरत असल्याचे चित्र परिसरातील सर्वच गणपती कारखान्यात पाहावयास मिळत आहे.दररोजच्या वीजेच्या लपंडावामुळे येथील शेकडो कारखानदारांना भाड्याच्या जनरेटरचा आधार घ्यावा लागत आहे.याआधीच गणेश मूर्तीच्या घडविण्यासाठी लागणाऱ्या साहित्याच्या किमतीत २५ टक्क्यांनी वाढ झाली आहे.त्यामध्ये आता गणेशमूर्ती कारखानदारांना जनरेटरच्या भाड्यासाठी अतिरिक्त पैसे मोजावे लागत आहेत. उरण परिसरात सुरू असलेल्या विजेच्या खेळ-खंडोब्यामुळे मूर्तिकार संकटात सापडलेल्या कारखानदारांना जनरेटरचा अतिरिक्त खर्च पेलवेनासा झाला आहे.गणेशोत्सवात तरी ग्राहकांना वेळेवर मुर्ती मिळाव्यात यासाठी महावितरण कंपनीच्या अधिकाऱ्यांनी जातीने लक्ष घालून किमान भोंगळ कारभार सुधारावा अशी माफक अपेक्षा येथील कारखानदारांची आहे.मुळात वारंवार वीज प्रवाह खंडित का होतो ? हा प्रश्न सर्वसामान्यांना पडला आहे.मात्र त्यांचे समर्पक उत्तर मिळण्यासाठी महावितरण कार्यालयाचा दूरध्वनी कायमच नॉट रिचेबल असतो.यदाकदाचित लागलाच तरी कर्मचारी, अधिकारी वर्ग ग्राहकांना उडवा-उडवीचीच उत्तरे देत असल्याचे भाई चौलकर, नंदकुमार चिरनेरकर, रंगनाथ चौलकर ,गजानन चौलकर, दामोदर चौलकर, संदेश चौलकर, सुनील चौलकर, प्रसाद चौलकर, विलास हातलोनकर, नारायण चौलकर, विष्णु चौलकर, प्रकाश चिरनेरकर, कुणाल चिरनेरकर, विजय चौलकर, राम चौलकर, नरेश हातनोलकर, जीवन चौलकर, अमित चिरनेरकर , अभिजित चिरनेरकर आदी कारखानदारांचे म्हणणे आहे.उरण परिसरातील गणपती कारखान्यांमध्ये युद्धपातळीवर काम सुरू आहे. मात्र या विजेच्या लपंडावामुळे गणपती उद्योजक खूप संतापलेले आहेत.त्यातच अधिकारी वर्गही ग्राहकांना समाधानकारक उत्तर देत नाहीत. उडवा-उडवीची उत्तरे देत असल्याने परिसरात कायदा आणि सुव्यवस्थेचा प्रश्न उद्भभवण्याची शक्यता नाकारता येत नाही.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

मुंबई :गणेशोत्सवाची ‘एसटी’क काळजी... राज्यभरातून महामुंबईसाठी मागवल्या ११०० बस

सातारा :आभाळ कोसळणार नाही, डीजे वाजलाच पाहिजे; उदयनराजेंची रोखठोक भूमिका

भक्ती :Ganesh festival 2022: बाप्पाच्या परीक्षेत आपण उत्तीर्ण झालो तर तो सगळ्या प्रकारची सुखं पदरात कशी टाकतो; त्याची ही गोष्ट!

Ganesh Utsav 2022: बाप्पाला सुखकर्ता दुःखहर्ता का म्हणतात, हे या छोट्याशा गोष्टीवरून पण सहज लक्षात येईल . ...

सांगली :उत्सवात गणपतीसमोर चित्रपटाची गाणी कसली लावता?, कालीचरण महाराजांचा सवाल

आपण गणपतीचे कशापद्धतीने पूजन करतो, त्याला कसा निरोप देतो याचा विचार करायला हवा. ...

भक्ती :गणेशोत्सव: यंदा बुधवारी गणेश चतुर्थी; गणपती बाप्पाला ‘ही’ एकच वस्तू अर्पण करा, अपार लाभ मिळवा

रायगड :उरणमध्ये विजेच्या खेळ-खंडोब्यामुळे मूर्तिकार संकटात, जनरेटरच्या अतिरिक्त खर्च पेलवेना !

सण-उत्सव :गौरीचे सुंदर दागिने फक्त १०० रुपयांपासून? | Gauri Ganpati Jewellery | Jewellery For Gauri

सण-उत्सव :गणेशोत्सवासाठी लागणाऱ्या सजावटीच्या वस्तू फक्त २० रु | Ganpati Decoration Shopping in Pune |