ठळक मुद्देअनिता या फोटोत खूपच छान दिसत असून तिचा हा लूक तिच्या चाहत्यांना खूपच आवडत आहे. तिच्या या फोटोला अनेक लाईक मिळाले असून तिचे फॅन्स भरभरून कमेंट्स करत आहेत

माझ्या नवऱ्याची बायको या मालिकेत राधिकाच्या भूमिकेत आपल्याला अनिता दातेला पाहायला मिळत आहे. या मालिकेमुळे तिला चांगलेच फॅन फॉलोव्हिंग मिळाले आहे. अनिता सोशल मीडियावर चांगलीच सक्रिय असते. तिने सोशल मीडियावर नुकताच तिचा एक फोटो शेअर केला आहे. या फोटोत अनिताचा लूक खूपच वेगळा दिसत असून या फोटोत तिला ओळखणे देखील कठीण जात आहे.

अनिता या फोटोत खूपच छान दिसत असून तिचा हा लूक तिच्या चाहत्यांना खूपच आवडत आहे. तिच्या या फोटोला अनेक लाईक मिळाले असून तिचे फॅन्स भरभरून कमेंट्स करत आहेत. तू छान दिसत असून तुझी स्माईल देखील खूपच छान आहे असे तिचे फॅन्स तिला कमेंटच्या माध्यमातून सांगत आहेत. 

माझ्या नवऱ्याची बायको मालिकेतील राधिका म्हणजेच अनिता दातेने तिच्या कारकिर्दीच्या सुरुवातीच्या काळात खूप छोट्या मोठ्या भूमिका साकारल्या आहेत. एका लग्नाची तिसरी गोष्ट या मालिकेत स्पृहा जोशीच्या मैत्रिणीच्या भूमिकेत ती दिसली होती. तिच्या या भूमिकेचे चांगलेच कौतुक झाले होते. त्यानंतर ती हलकं फुलकं या नाटकात सागर कारंडेसोबत झळकली होती. एवढेच नव्हे तर राणी मुखर्जीच्या अय्या या चित्रपटात देखील तिने एक छोटीशी भूमिका साकारली होती. माझ्या नवऱ्याची बायको या मालिकेमुळे तिच्या करियरला एक वळण मिळाले असे म्हटले तरी ते चुकीचे ठरणार नाही.

अनिता ही मुळची नाशिकची असून तिचे बालपण, शिक्षण नाशिकमध्ये झाले आहे. नाशिकच्या कन्या विद्यालयात तिचे शिक्षण झालेले आहे. त्यानंतर ती पुढील शिक्षणासाठी पुण्यात गेली. पुण्याच्या ललित कला केंद्रातून तिने पदवी घेतली आहे. अनिताला लहानपणापासूनच अभिनयाची आवड असल्याने ती शाळेत आणि कॉलेजमध्ये नाटकांमध्ये काम करत असे. माझ्या नवऱ्याची बायको या मालिकेतील भूमिकेमुळे तिच्या संपूर्ण करियरला कलाटणी मिळाली असे म्हटले तरी चुकीचे ठरणार नाही. 

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: Majhya Navryachi Bayko fame anita date looks fabulous in picture shared on instagram

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.