shorts: ग्वाल्हेरमध्ये एअर इंडियाच्या विमानाला लँडिंगमध्ये अडथळा, प्रवाशांमध्ये भीती!
बेंगळुरूहून ग्वाल्हेरला जाणाऱ्या एअर इंडिया एक्सप्रेसला लँडिंगमध्ये अडचणी आल्या. पहिल्या प्रयत्नात विमान उतरू शकले नाही, ज्यामुळे प्रवाशांमध्ये भीती निर्माण झाली. नंतर विमान सुरक्षित उतरले. तपासणीत कोणतीही त्रुटी आढळली नाही.
44 minutes ago
पुढे वाचा
राष्ट्रीय: सी.पी. राधाकृष्णन विरुद्ध सुदर्शन रेड्डी, उपराष्ट्रपतिपदाच्या निवडणुकीत कोण जिंकणार?
उपराष्ट्रपती निवडणुकीत एनडीएचे सी.पी. राधाकृष्णन आणि इंडिया आघाडीचे सुदर्शन रेड्डी यांच्यात सामना रंगणार आहे. संख्याबळानुसार सध्या सत्ताधारीचे पक्षाचे उमेदवार राधाकृष्णन वरचढ असले तरी रेड्डींमुळे या निवडणुकीला रंगत आली आहे. हे दोन्हीही उमेदवार दक्षिण भारतातील आहे. त्यात रेड्डी आंध्र प्रदेश, तेलंगणातून असल्याने टीडीपी आणि वायएसआर काँग्रेसचे खासदार मतदानात काय भूमिका घेतात हे पाहणे गरजेचे आहे
राष्ट्रीय: कापूस आयातीवरील सीमा शुल्क बंद; केंद्राच्या निर्णयाचा कोणाला फायदा?
अमेरिकेचे अध्यक्ष डोनाल्ड ट्रम्प यांनी टॅरिफ लादल्यानंतर केंद्राने परदेशातून आयात केल्या जाणाऱ्या कापसावरील सीमा शुल्क हटवण्याचा निर्णय घेतला. १९ ऑगस्ट ते ३० सप्टेंबरपर्यंत सीमा शुल्क आकारले जाणार नाही. या निर्णयामुळे अमेरिकेतील कापूस निर्यातदारांना याचा फायदा होणार आहे.
महाराष्ट्र: मुंबईसह राज्यात २० ऑगस्टपासून पावसाचा जोर ओसरणार; १२ तासांसाठी रेड अलर्ट
मुंबईमध्ये २० ऑगस्टपासून पावसाचा जोर कमी होण्याची शक्यता, काही भागात मुसळधार पाऊस कायम राहील. मुंबई, ठाणे, रायगड, रत्नागिरी, पालघरला पुढील १२ तासांसाठी रेड अलर्ट जारी. पूरजन्य परिस्थितीत NDRF कडून बचावकार्य सुरू असून कोकणात अनेक नद्यांनी धोक्याची पातळी ओलांडली. मुंबईत मध्य आणि हार्बर रेल्वे सेवा विस्कळीत झाली आहे. २० ऑगस्टला सकाळी ११.३० पर्यंत ३.३ ते ३.८ मीटर उंच लाटांचा इशारा देण्यात आला आहे.
महाराष्ट्र: काँग्रेसच्या आरोपांचे फुगे फुटले! संजय कुमार यांनी मागितली जाहीर माफी, राजकीय वादंग!
काँग्रेसने संजय कुमार यांच्या एका ट्विटवरुन 'मत चोरी'चा आरोप केला, पण डेटा चुकीचा निघाल्याने कुमार यांनी ते ट्विट डिलीट करत माफी मागितली. यावरून भाजपने काँग्रेसवर जोरदार टीकास्त्र सोडले.
राष्ट्रीय: आम्हाला मतदान करा, राहुल गांधींना पंतप्रधान करू: तेजस्वी यादव
काँग्रेस नेते राहुल गांधी 'मतदार हक्क यात्रे'निमित्त बिहारचा दौरा करत आहेत. राजद नेते तेजस्वी यादव हेदेखील त्यांच्यासोबत या यात्रेत सहभागी आहेत. मंगळवारी त्यांची ही यात्रा नवादा येथे पोहोचली आहे. यावेळी तेजस्वी यांनी एक मोठे विधान केले आहे. 'तुम्ही पुढच्या लोकसभा निवडणुकीत आमच्या महाआघाडीला मतदान करा, आम्ही राहुल गांधींना देशाचे पंतप्रधान करू,' असा दावा तेजस्वी यांनी केला आहे.
राष्ट्रीय: उपराष्ट्रपती निवडणुकीसाठी विरोधकांकडून सुदर्शन रेड्डी उमेदवार, एनडीएचे राधाकृष्णन यांच्याशी लढत
उपराष्ट्रपती निवडणुकीत इंडिया आघाडीने सर्वोच्च न्यायालयाचे माजी न्यायाधीश सुदर्शन रेड्डी यांना उमेदवारी दिली आहे. काँग्रेस अध्यक्ष मल्लिकार्जुन खरगे यांनी रेड्डी यांच्या नावाची घोषणा केली. रेड्डी यांचा सामना एनडीएचे सीपी राधाकृष्णन यांच्याशी होणार आहे. रेड्डी आंध्र प्रदेशचे असून त्यांनी गोव्याचे लोकायुक्त म्हणूनही काम केले आहे. तर चंद्रपुरम पोन्नूस्वामी राधाकृष्णन हे सध्या महाराष्ट्राचे राज्यपाल आहेत. ते मुळचे तामिळनाडूचे आहेत.
ऑटो: ऑटो कंपन्यांना मोठा दिलासा! चीनने रेअर अर्थ मेटल्सवरील निर्बंध हटवले
चीनने ऑटो क्षेत्रासाठी महत्वाचा निर्णय घेतला आहे. रेअर अर्थ मेटल्सवरील निर्यात निर्बंध आता हटवण्यात आले आहेत. परराष्ट्र मंत्री एस. जयशंकर यांच्या प्रयत्नांना यश आले. खते, खनिजे आणि टनेल बोरिंग मशीनवरील बंदीही उठवली, ज्यामुळे भारतीय कंपन्यांना मोठा फायदा होईल. टीव्हीएस आणि ओलाने यापूर्वीच पर्याय शोधण्यास सुरुवात केली होती.
पुणे: मुंबई, ठाणे, रायगड, पालघर आणि पुण्यातील घाटमाथ्यावर रेड अलर्ट
मुंबई, ठाणे, पालघर, रायगड सोबतच पुण्यातील घाटमाथ्यावर पुढील ३-४ तास अतिमुसळधार पावसाचा इशारा देण्यात आला आहे. हवामान विभागाने या भागात रेड अलर्ट जारी केला आहे. त्यामुळे नागरिकांनी घराबाहेर पडू नये असे आवाहन विभागाने केले आहे.
व्यापार: एआय स्वीकारण्यास नकार; आयटी कंपनीने ८०% कर्मचाऱ्यांना कामावरुन काढले
आर्टिफिशियल इंटेलिजेन्समुळे अनेकांच्या नोकऱ्या धोक्यात आल्या आहेत, हे तुम्हाला माहितीच असेल. पण, एका कंपनीत याच्या उलट झाले आहे. इग्नाइटटेक या आयटी कंपनीने एआय स्वीकारण्यास नकार देणाऱ्या ८०% कर्मचाऱ्याना कामावरून काढले आहे. कंपनीने 'एआय मंडे' नावाचा एक उपक्रम सुरू केला. मात्र, अनेक कर्मचाऱ्यांनी, विशेषतः तांत्रिक विभागातील कर्मचाऱ्यांनी या निर्णयाला तीव्र विरोध केला.
पुणे: पुण्यात सकाळापासूनच मुसळधार पाऊस; रस्त्यांना नद्यांचे स्वरूप
गेल्या तीन आठवड्यांपासून शहरात पावसाची केवळ रिपरिप सुरू होती. मात्र, सोमवारपासून शहरात दमदार पावसाने हजेरी लावली आहे. काल शहरात सकाळपासूनच हलक्या ते मध्यम पावसाची संततधार सुरू होती. त्यामुळे शहरात मोठ्या प्रमाणात वाहतूक कोंडी झाल्याचे पाहायला मिळाले. आजही सकाळपासून मुसळधार पावसाने हजेरी लावली आहे.
फिल्मी: ज्येष्ठ अभिनेते अच्युत पोतदार यांचे निधन, चित्रपटसृष्टीवर शोककळा
मराठी आणि हिंदी चित्रपटसृष्टीतील ज्येष्ठ अभिनेते अच्युत पोतदार यांचे ९० व्या वर्षी निधन झाले. त्यांनी १२५ हून अधिक हिंदी चित्रपटांमध्ये आणि अनेक मराठी चित्रपटांमध्ये काम केले. '3 इडियट्स' आणि 'माझा होशील ना' मधील त्यांच्या भूमिका विशेष गाजल्या. त्यांच्या जाण्याने चित्रपटसृष्टीवर शोककळा पसरली आहे.
आंतरराष्ट्रीय: लाडकी बहीण योजनेमुळे बाजारातील गुंतवणूक तिप्पटीनं वाढली - सुनील तटकरे
मागील १०-१२ वर्षात महाराष्ट्राने मोठ्या प्रमाणात पायाभूत सुविधा निर्माण केल्या आहेत. त्यातूनच अर्थव्यवस्थेत वाढ होत आहे. गेल्या १२-१३ महिन्यात लाडकी बहीण योजनेतून किमान ५० हजार कोटी महाराष्ट्राच्या ग्रामीण भागात मिळाले आहेत. हे पैसेही बाजारात आले. ते साधारण तिप्पट धरले, तर दीड लाख कोटींची गुंतवणूक महाराष्ट्रात आली असं माजी अर्थमंत्री सुनील तटकरे यांनी लंडन येथील 'लोकमत ग्लोबल इकॉनोमिक कन्व्हेन्शन' मध्ये सांगितले.
आंतरराष्ट्रीय: ट्रम्प यांनी पाकिस्तानला जवळ केले: अमेरिकन तेल कंपन्यांसाठी धोक्याची घंटा?
ट्रम्प प्रशासनाने पाकिस्तानला जवळ केले असून अमेरिकेची गुंतवणूक वाढणार आहे. बलुचिस्तानमधील तेल साठ्यांवर अमेरिकेची नजर आहे, पण तेथील अशांतता पाहता अमेरिकन कंपन्यांना धोका निर्माण होऊ शकतो. चीनच्या CPEC प्रकल्पांमुळे परिस्थिती अधिक गुंतागुंतीची आहे.
मुंबई: अतिवृष्टीचा इशारा! मुंबई, ठाणे जिल्ह्यात शाळा-महाविद्यालयांना मंगळवारी सुट्टी जाहीर
मागील २ दिवसांपासून मुंबईसह ठाणे, रायगड, सिंधुदुर्ग जिल्ह्याला पावसाने झोडपले आहे. सततच्या पावसामुळे ठिकठिकाणी पाणी साचण्याचे प्रकार समोर आले आहेत. रस्ते जलमय झाल्याने जनजीवन विस्कळीत झाले आहे. यातच पुढील २४ तासांत अतिवृष्टीचा इशारा हवामान खात्याने दिला आहे. त्यामुळे मुंबई, ठाणे परिसरातील शाळा-महाविद्यालयांना मंगळवारी १९ ऑगस्ट २०२५ रोजी शासनाने सुट्टी जाहीर केली आहे. मुंबई शहराला हवामान खात्याने रेड अलर्टचा इशारा दिला आहे.
राष्ट्रीय: राष्ट्राध्यक्ष पुतिन यांचा PM मोदींना फोन; अलास्कामध्ये ट्रम्प यांच्या भेटीची दिली माहिती
पंतप्रधान नरेंद्र मोदी आणि रशियाचे राष्ट्राध्यक्ष व्लादिमीर पुतिन यांच्यात फोनवर चर्चा झाली आहे. या संभाषणादरम्यान पुतिन यांनी अलीकडेच अलास्कामध्ये अमेरिकेचे राष्ट्राध्यक्ष डोनाल्ड ट्रम्प यांच्या भेटीबाबत पीएम मोदींना माहिती दिली. पुतिन यांचा हा फोन यासाठी महत्त्वाचा आहे, कारण आज रात्री युरोपीय नेते झेलेन्स्कीसह वॉशिंग्टनमध्ये ट्रम्प यांना भेटणार आहेत.
राष्ट्रीय: बंगाली स्थलांतरितांना दरमहा ५ हजार देऊ; CM ममता बॅनर्जींची मोठी घोषणा
परराज्यात काम करणाऱ्या बंगाली स्थलांतरितांना राज्यात परतण्याचं आवाहन करत मुख्यमंत्री ममता बॅनर्जी यांनी श्रमोश्री योजना जाहीर केली आहे. योजनेतून स्थलांतरितांना एक वर्षासाठी प्रत्येक महिन्याला ५ हजार रूपये मोफत प्रवासी भत्ता देऊ. हे पैसे आयटीआय आणि कामगार विभागाकडून दिले जातील. स्थलांतरितांना जॉब कार्डसह विविध ठिकाणी नोकरी दिली जाईल. ही योजना केवळ इतर राज्यातून परतणाऱ्या स्थलांतरितांसाठी आहे असं त्यांनी सांगितले.
महाराष्ट्र: वाल्मीक कराडच्या जामिनावर उज्ज्वल निकम यांचा युक्तिवाद; न्यायालयाने निकाल ठेवला राखीव!
मस्साजोग सरपंच हत्या प्रकरणातील मुख्य संशयित आरोपी वाल्मीक कराड व त्याचा साथीदार विष्णू चाटे यांच्या जामीन अर्जावर सुनावणी झाली. उज्ज्वल निकम यांनी जामीनाला विरोध दर्शवला. कराडच्या वकिलांनी अटकेच्या कारणांवर प्रश्नचिन्ह उपस्थित केले, ज्याचे निकम यांनी खंडन केले. न्यायालयाने निकाल राखून ठेवला, पुढील सुनावणी 30 ऑगस्टला होणार आहे.
राष्ट्रीय: उपराष्ट्रपती निवडणूक: विरोधक तामिळनाडूचा उमेदवार देणार; कोणाचे पारडे जड!
उपराष्ट्रपती निवडणुकीत NDA चे सी.पी. राधाकृष्णन यांच्या विरोधात द्रमुकचे तिरुची शिवा उभे राहण्याची शक्यता आहे. संख्याबळानुसार NDA चं पारडं जड असले तरी, विरोधक टक्कर देणार आहेत. ९ सप्टेंबर रोजी उपराष्ट्रपतीपदाची निवडणूक होत आहे. सी.पी. राधाकृष्णन हे महाराष्ट्राचे राज्यपाल आहेत. त्यांना एनडीएने उमेदवार केले आहे.
महाराष्ट्र: २०१४ मध्येच भाजपा शिवसेनेला सोडणार होती: प्रफुल्ल पटेलांचा गौप्यस्फोट
भाजपा शिवसेनेला आणि राष्ट्रवादी काँग्रेसला सोडणार होती, असा गौप्यस्फोट प्रफुल्ल पटेल यांनी केला. भाजपा-राष्ट्रवादी सोबत सरकार बनवणार होते, पण जमले नाही. शरद पवार भाजपा सोबत येण्यास प्रचंड इच्छुक होते, पण गाडी स्लिप झाली, असे पटेल म्हणाले. गोंदियात महायुतीच्यावतीने आयोजित कार्यक्रमामध्ये बोलत होते. यावेळी त्यांनी २०१४ मध्ये घडलेल्या राजकारणावर गौप्यस्फोट केला.
पुणे: पुणे शहरात मुसळधार पाऊस: जनजीवन विस्कळीत, वाहतूक कोंडी; हवामान खात्याचा 'यलो' अलर्ट
पुण्यात सकाळपासून मुसळधार पाऊस सुरू आहे, ज्यामुळे जनजीवन विस्कळीत झाले आहे. वाहतूक कोंडीमुळे नागरिकांची तारांबळ उडाली आहे. हवामान खात्याने 'यलो' अलर्ट जारी केला आहे. खडकवासला परिसरात जोरदार पाऊस सुरू आहे.
नांदेड: मुखेडमध्ये पावसाचा हाहाकार, सहा गावे जलमय; १२ जण बेपत्ता!
नांदेड जिल्ह्यातील मुखेड तालुक्यात मुसळधार पावसाने थैमान! सहा गावे पाण्याखाली गेली असून अनेकांना बाहेर काढण्यात आले असले तरी अद्याप दहा ते बारा जण बेपत्ता आहेत. तर शंभरहून अधिक जण गावात अडकले आहेत. प्रशासनाने आता बचाव कार्यासाठी एनडीआरएफ पथकासह सैन्य दलाला पाचरण केले आहे.
राष्ट्रीय: ‘मत चोरी’चा वाद पेटला! निवडणूक आयुक्तांविरोधात महाभियोगाची तयारी!
राहुल गांधींच्या 'मत चोरी' आरोपानंतर निवडणूक आयोग आणि विरोधी पक्षांमध्ये सुरू झालेला वाद आता विकोपाला जाताना दिसत आहे. मुख्य निवडणूक आयुक्त ज्ञानेश कुमार यांच्याविरोधात महाभियोग प्रस्ताव आणण्याच्या हालचाली विरोधकांनी सुरू केल्या आहेत. काँग्रेस खासदार नासिर हुसेन यांनी याविषयी पक्षामध्ये सध्यातरी कुठलीही चर्चा झालेली नाही, मात्र गरज पडल्यास महाभियोग आणण्याचे संकेत दिले आहेत.
मुंबई: मुंबईत रेड अलर्ट! ४८ तासांत अतिवृष्टीचा इशारा, शाळांना सुट्टी जाहीर!
मुंबईत मुसळधार पावसामुळे रेड अलर्ट जारी करण्यात आला आहे. अनेक भागांत पाणी साचले असून वाहतूक विस्कळीत झाली. हवामान खात्याकडून पुढील काही तासांत अतिवृष्टीचा इशारा देण्यात आला असून दुपारच्या सत्रातील शाळांना सुट्टी जाहीर करण्यात आली आहे.
व्यापार: ॲपलचा चीन आणि ट्रम्पना ठेंगा; भारतात iPhone 17 चं उत्पादन सुरू
ट्रम्प यांच्या विरोधानंतरही, ॲपलनं भारतात उत्पादन वाढवलंय. फॉक्सकॉननं बंगळूरुमध्ये iPhone 17 चं उत्पादन सुरू केल्याची माहिती समोर आली आहे. २०२५ पर्यंत ६ कोटी युनिट्सचं उत्पादन करण्याचे लक्ष्य.
महाराष्ट्र: सतर्क राहा: कोकण, पश्चिम महाराष्ट्रात १८-१९ ऑगस्टला मुसळधार पावसाचा इशारा!
गेल्या दोन दिवसापासून पडणाऱ्या पावसाचा जोर आता वाढला आहे. १८-१९ ऑगस्टला कोकण, पश्चिम महाराष्ट्र, मराठवाड्यात जोरदार पावसाची शक्यता वर्तवण्यात आली आहे. पुणे घाट परिसरात रेड अलर्ट तर अनेक जिल्ह्यांत ऑरेंज अलर्ट जारी करण्यात आला आहे. नागरिकांना सतर्क राहण्याचे आवाहनही करण्यात आले आहे.
मुंबई: बेस्ट पतपेढी निवडणूक: ठाकरे बंधू विरुद्ध भाजप; आज मतदान, उद्या निकाल!
बेस्ट एम्प्लॉईज क्रेडिट सोसायटी निवडणुकीत ठाकरे बंधूंचे 'उत्कर्ष' पॅनल विरुद्ध भाजपचे 'सहकार समृद्धी' पॅनल आमनेसामने असणार आहे. आज या निवडणुकीसाठी मतदान होणार आहे आणि उद्या निकाल लागणार आहे. मुंबई महापालिका निवडणुकीवर या निकालाचा परिणाम संभव आहे. कारण ठाकरे युतीची ही पहिलीच कसोटी आहे.
मुंबई: दहीहंडीत मुंबई पोलिसांकडून वाहतूक नियमांचे उल्लंघन करणाऱ्यांकडून कोट्यवधींचा दंड वसूल
मुंबईत दहीहंडी उत्सवात वाहतूक पोलिसांनी नियम मोडणाऱ्यांकडून १.१३ कोटींचा दंड वसूल केला. एका दिवसात पोलिसांनी तब्बल १०,०५१ ई-चलान जारी केले. याशिवाय, सीसीटीव्हीमुळे आणखी कारवाईची शक्यता नाकारता येत नाही. बेधुंद वाहन चालकांवर कडक कारवाई करण्यात आली आहे.
मुंबई: मुंबई: चिरा बाजारमध्ये इमारतीचा भाग कोसळला, तिघे जखमी, बचावकार्य सुरू
मुंबईच्या चिरा बाजारमध्ये इमारतीचा भाग कोसळल्याने तिघे जखमी झाले. मुसळधार पावसात अग्निशमन दलाचे बचावकार्य सुरू आहे. इमारतीत अडकलेल्या लोकांना बाहेर काढण्याचे प्रयत्न सुरू आहेत.
राष्ट्रीय: फक्त रडणे हुंडा छळाचा गुन्हा सिद्ध करत नाही: दिल्ली उच्च न्यायालय
दिल्ली उच्च न्यायालयाने म्हटले की, केवळ महिला रडत असल्याने हुंडा छळाचा गुन्हा सिद्ध होत नाही. न्यायालयाने एका पुरुषाला व त्याच्या कुटुंबीयांना निर्दोष ठरवले. महिलेच्या कुटुंबीयांनी हुंड्याची मागणी केल्याचा आरोप केला होता, परंतु न्यायालयाने तो फेटाळला, कारण शवविच्छेदन अहवालात मृत्यूचे कारण न्यूमोनिया असल्याचे नमूद केले आहे.
महाराष्ट्र: ब्रेकिंग! महाराष्ट्राचे राज्यपाल सी.पी. राधाकृष्णन उपराष्ट्रपती पदाच्या निवडणुकीत!
उपराष्ट्रपती निवडणुकीसाठी भाजपाने सी.पी. राधाकृष्णन यांच्या नावाची घोषणा केली आहे. जगदीप धनखड यांच्या राजीनाम्यानंतर निवडणूक होत आहे. राधाकृष्णन महाराष्ट्राचे राज्यपाल असून यापूर्वी झारखंडचे राज्यपाल होते. ३१ जुलै २०२४ रोजी महाराष्ट्राचे राज्यपाल म्हणून पदभार स्वीकारला आहे. उपराष्ट्रपती निवडणुकीसाठी पक्षाची निवड अंतिम करण्यासाठी बोलावलेल्या भाजप संसदीय मंडळाच्या बैठकीत हा निर्णय घेण्यात आला.