पोट फुगल्यासारखं वाटतं- गॅसेसचा त्रास होतो? भाग्यश्री सांगते ५ पदार्थ खा- अपचन होणार नाही

बाहेरचं काही खाण्यात आलं किंवा कधी खूप जास्त जेवण झालं तर आपल्याला अपचनाचा त्रास होतो. पाेट फुगल्यासारखं वाटतं, गॅसेस होतात.

असा त्रास होत असेल तर तो त्रास कमी करण्यासाठी कोणते घरगुती उपाय करावेत, नेमके कोणते पदार्थ खावेत, याविषयीची माहिती अभिनेत्री भाग्यश्री हिने इन्स्टाग्रामवर शेअर केली आहे.

यामध्ये भाग्यश्री सांगते की ब्लोटिंग म्हणजेच पोट गुबारण्याचा त्रास होत असेल तर आलं खूप जास्त उपयोगी ठरतं. यासाठी आलं टाकून केलेला बिना दुधाचा चहा घ्या. अपचनाचा त्रास कमी होईल.

बडिशेप बारीक चावून खाल्ल्यानेही अपचनाचा त्रास कमी होतो. बडिशेप बारीक चावून खा आणि त्यावर ग्लासभर कोमट पाणी प्या. आराम मिळेल.

वाटीभर ताजं दही खाल्लं तरी अपचनाचे अनेक त्रास कमी होऊ शकतात.

यानंतर गरमागरम वाफाळता ताजा भात खा. त्यावर तूप, मीठ आणि थोडं लिंबू टाकून घेतलं तर अधिक चांगलं.

पुदिना आणि काकडीचा एकत्रित ज्यूस करून प्यायल्यानेही पोट फुगल्यासारखं होणं, गॅसेस होणं असे त्रास कमी होऊ शकतात.